影片
更多
2023-07-18
2139 浏览
今次黎到西環新開嘅新派粵菜 @theprayahk 經典功夫菜、地道菜式都融入唔同嘅烹調技巧同食材，破格得黎不失傳統粵菜精粹，連cocktail都混入中式元素。今次就試左四人或以上先有得嗌嘅tasting menu，足足11道菜，有唔少都幾有驚喜✨Tasting Menu $1288pp (Minimum of 4 ppl required , Pre-order 48 hours in advance！) 𝘼𝙥𝙥𝙚𝙩𝙞𝙯𝙚𝙧 1️⃣陳年花雕醉蜆花甲皇浸泡清酒再蒸，上菜前再換上秘制醬汁，入口爽滑花雕味濃，略嫌醬汁偏甜搶過鮮味。2️⃣生醃本灣章紅魚廚師選用香港西貢魚排嘅章紅魚。魚鮮每日新鮮到貨，切割後風乾三日，入口魚味好濃郁，調味帶微辣，蒜味岀，有啲家常蒸魚嘅感覺~3️⃣蔥油餅蔥油餅加入酸種元素，質地煙韌邊邊香脆，蔥香十足，唯獨中間偏濕左啲。配上香甜嘅酸忌廉腐乳醬，又幾得意。如果帶腐乳嘅香辣感會更岩口味~𝙈𝙞𝙙𝙙𝙡𝙚4️⃣魚湯粉皮炖魚頭以40條鯽魚、40公升水及4支米酒熬岀4公升魚湯！魚湯呈奶白色，飲落好濃魚鮮味帶酒香，一啲都唔腥。龍躉魚皮燉到軟彈，仲配左軟滑煙韌粉皮。5️⃣潮式滷水牛五味牛五味分別係牛白腩
今次就試左四人或以上先有得嗌嘅tasting menu，足足11道菜，有唔少都幾有驚喜
✨Tasting Menu $1288pp
(Minimum of 4 ppl required , Pre-order 48 hours in advance！)
𝘼𝙥𝙥𝙚𝙩𝙞𝙯𝙚𝙧
1️⃣陳年花雕醉蜆
花甲皇浸泡清酒再蒸，上菜前再換上秘制醬汁，入口爽滑花雕味濃，略嫌醬汁偏甜搶過鮮味。
2️⃣生醃本灣章紅魚
廚師選用香港西貢魚排嘅章紅魚。魚鮮每日新鮮到貨，切割後風乾三日，入口魚味好濃郁，調味帶微辣，蒜味岀，有啲家常蒸魚嘅感覺~
3️⃣蔥油餅
蔥油餅加入酸種元素，質地煙韌邊邊香脆，蔥香十足，唯獨中間偏濕左啲。配上香甜嘅酸忌廉腐乳醬，又幾得意。如果帶腐乳嘅香辣感會更岩口味~
𝙈𝙞𝙙𝙙𝙡𝙚
4️⃣魚湯粉皮炖魚頭
以40條鯽魚、40公升水及4支米酒熬岀4公升魚湯！魚湯呈奶白色，飲落好濃魚鮮味帶酒香，一啲都唔腥。龍躉魚皮燉到軟彈，仲配左軟滑煙韌粉皮。
5️⃣潮式滷水牛五味
牛五味分別係牛白腩、牛坑楠、蝴蝶腩、牛筋、牛脷。特別鍾意軟滑彈牙嘅牛筋、重肉味嘅厚切牛脷，蘿蔔軟淋無渣入味。 整體醬汁都醃得幾入味，微甜唔會太鹹。
6️⃣鳳肝金錢鱔
呀妹幾鍾意嘅一道！一串有齊雞肝、冰肉、金錢鱔。冰肉爽滑唔肥膩，金錢鱔結實富魚味，雞肝柔軟唔腥，整串濃味帶焦脆焦香
加埋軟熟微甜嘅班㦸皮一齊食又幾夾。
𝙈𝙖𝙞𝙣
7️⃣花雕琵琶蝦蒸蛋
蒸蛋好滑，入面有唔少軟彈牙蝦味濃嘅琵琶蝦
8️⃣大根魚湯浸瓜
9️⃣照燒頭抽雞煲仔菜飯
原個大瓦煲上枱！照燒頭抽雞多到睇唔到啲飯~ 雞肉嫩滑不失肉汁，雞味濃郁帶焦香。底下嘅飯滲入左雞油香，飯粒分明唔會太濕，仲有少少飯焦，齋食飯都好正
𝘿𝙚𝙨𝙨𝙚𝙧𝙩𝙨
🔟Petit fours
1️⃣1️⃣合桃費南雪配自家製雪糕
超岩口味嘅費南雪！邊邊脆中帶煙韌，內𥚃軟綿濕潤富牛油香。旁邊嘅自家製咖啡味雪糕，超濃咖啡味
张贴
