Angry Oppa Restaurant & Bar (已結業)

蜆湯清甜有淡淡酒香，有微微的辣味，蜆肉中等大小，肉質鮮甜無沙，裏面還有舊白蘿蔔，煲得腍而清甜。拉麵是韓式公仔麵，麵質煙韌爽口，湯底中辣，第一啖都唔覺，越食越辣，裏面有些紫菜及生蛋，魚糕軟腍似食魚腐。因為我朋友不吃芝士，所以我吃不到這裡好出名的比薩(因為一個人吃不完)，唯有叫個迷你版比薩，滿足一下自己吧!兩個小比薩用一個黑色小Pan裝住，更加特顯小比薩的精緻賣相，焦黃色的外皮焗到恰到好處，新鮮熱騰騰的，令人垂涎欲滴，急不及待咬一口，雞肉混合香濃軟軟的半融化芝士，令你口感非常滿足，真是滋味無窮呀! 芝士pizza味道極好，芝士量十足，食完令人好有罪惡感，但難以抗拒。

韓國料理真係百吃不厭，假期出左去尖沙咀有活動，完咗去搵Angry Oppa 就喺金巴利道。 中午時分人流唔算太多。魚糕拉麵$85橙橙哋色嘅湯底帶少許辣， 味道唔錯， 趁熱打勻隻生雞蛋, 令湯底更濃郁更滑。魚糕薄片有6，7塊， 煙韌有魚味索滿湯汁，仲有數件韓國年糕， 拉麵唔會太腍好煙韌。韓式鮮蜆湯$138湯底好鮮甜，大量洋蔥絲蘿蔔絲， 鮮蜆比較細隻， 還好沒有沙， 湯裏面仲有幾塊年糕架！迷你微辣大蝦熔岩pizza （$90 有2小個）唔係好想食 一個pizza嘅份量， 店員介紹咗可以試吓個迷你pizza。 点了微辣大蝦熔岩pizza，等到最後才上， 應該係即叫即做。 芝士熔岩真係做得好融，咁細個pizza也極有拉絲效果， 熱辣辣又香又軟熟， 配上焗得脆脆嘅外皮，滋味呀！ 大蝦肉質爽, 配咗韓國嘅辣醬, 可帶出蝦嘅鮮味但稍嫌多会搶味。迷你Pizza 份量剛剛好一人一個😃， 滿足想食芝士但又唔食得多嘅人。韓式醬牛肉韭菜煎餅$158依度既煎餅我覺得做得非常出色， 不愧為知名煎餅專門店。 韓式醬牛肉甜甜地，肉碎唔會乾，佢嘅韭菜好嫩帶甜， 餅皮外層煎得香脆裡面又有蛋香，麵粉層厚薄適中， 配合韭菜牛

某日同friend兩個人係尖沙咀行街，突然好想食韓國嘢，上網見到呢間評價唔錯於是就決定去試試佢。我哋兩個女仔都對間嘢食評價好高！咁我就用好味程度遞增嘅排序黎講下啲嘢食啦第一樣我哋嗌嘢食係韓式拉麵其實叫得韓國拉麵，其實即係辛辣麵即食麵，老實講都知道好唔抵，但係唔知點解次次出街食嘅永遠係好過自己係屋企煮嗰啲！同埋我又真係好鍾意食韓國餐廳啲即食麵煮到咁煙韌！所以幾唔抵都叫左結果都唔失望。呢碗拉麵配料好多，又有年糕又有隻蛋紫菜同埋芽菜都好多，浸住辛辣麵湯底食好好味同埋我係為咗嗰幾塊魚糕先叫呢個麵，好可惜得幾塊～ 如果多d就好lu呢個煎餅都好好味泡菜味夠出我鍾意！同埋煎餅呢d野食得出有海鮮已經好唔錯，佢呢個仲要食得出係新鮮海鮮👍🏼 加分最後重頭戲係呢個pizza，話係pizza倒不如話佢係炒年糕+麵包+誇張份量嘅芝士！咁嘅配搭聽落奇怪但竟然係好味到我地驚訝好夾，仲要好igable，拉晒絲咁！不過就真係有d滯，下次再幫襯兩個女仔嗌一個呢個都夠食喇

今晚同好朋友食飯，我地2個女仔都好中意食韓國野，所以今晚決定搵間韓國🇰🇷餐廳🍴食飯傾計。前幾日見到fb有個fd 剛剛去完呢間“Angry oppa ”既餐廳，D食物相好吸引， 仲話好好食，於是我地就今晚就walk in 去左! 因為6點半尚早，所以唔使等位。牛肉湯鍋（牛骨湯底）$99我地total叫左4樣食物，第一樣係牛肉湯鍋，入面有勁多牛肉，又有蔬菜同埋韓式年糕，D 牛肉好新鮮，最驚喜係湯好入味， 一D都唔油! 雖然話係一人火鍋，但分量都唔小! 2個人share食剛剛好!!魚糕拉麵🍜 $85第2樣係魚糕拉面，呢個堅係正! 初初唔知魚糕係咩，食落似係切薄既魚旦片，都幾好味! 另外睇相以為D面係粗烏冬，點知原來係韓國人最中意既公仔面，配埋切到一片片既魚糕， 好夾! 韓式蒸餃子🥟 （3件）$48第3樣係韓式蒸餃子， 一碟3件48蚊，唔同平時酒樓食既餃子，呢度既餃子係好大舊，要咬幾啖先食得哂，餡料好足，漲卜卜，入面係碎肉同埋韮菜，好好味，最後一舊分唔混，我同佢都好想食。迷你大醬五花肉熔岩pizza $90/2最後一樣就係餐廳熱推有好多好評既Mini cheese pizza！我地選左迷你大醬

繼上周的韓風後，家人似乎對韓式食物仍依戀著，在假日又扮一扮孝女，帶他們到另一間韓國餐廳品嚐美食，他們當然開心至極!同樣位於尖沙咀韓國街的區域，但位置相對來說偏遠一點，但也不算難找。雖於假日的中午，店內的人數亦不多。店內環境簡單別緻，位置不算多，座位間亦留有空間，不至於局促。這次弟弟沒來，不用點那麼多，最後我們三人點了三款食物和兩罐飲品，畢竟兩老才是主要負責吃的人。先來的是魚糕拉麵($85)，以傳統的金盤裝上，放上桌時仍見煙霧飄散，可見溫度絕對足夠! 拉麵的賣相簡單卻亦見用心，拉麵上放上兩塊年糕，數大塊魚糕，一堆紫菜芽菜，中間是未熟的蛋。識吃的當然是把生蛋搞拌，讓蛋黃汁滲透於麵中，同時讓湯的熱度繼續把它煮熟。年糕口感煙韌，魚糕同樣有咬口，值得一讚是拉麵煮得剛剛好，保持麵的韌性，有嚼勁，湯頭加入傳統的韓式辣醬，咸香味足，有辣勁，十分惹味!然後是邪惡之選的韓式微辣大蝦熔岩Pizza ($198)! 一個Pizza分成四塊，面積看似不大，但卻內有乾坤! 把一塊pizza拉起，猶如瀑布般的芝士熔岩傾瀉而出，令人驚嘆!芝士迷絕對大愛! 視覺效果是絕對滿分，且看看味道如何。Pizza的醬用上韓式大醬

誤打誤撞同朋友撞左入去這間韓國餐廳，隔離全部都是韓式餐廳，正宗的小韓國。朋友喜歡食韓式煎餅，所以點了一份，令加其他食物。兩個都唔算太肚餓，所以點了個米酒慢慢食。韮菜煎餅煎餅有很多韮菜，而且很大份，上枱時已切開一舊舊，底面都煎得香脆，餅底不會太厚，薄薄地不會太飽滯。韓式炒牛肉有大量的洋葱、椰菜及蘿蔔絲跟牛肉炒在一起，牛肉比較碎而且很腍，有濃郁的牛肉汁味，配飯一流。魚糕拉麵拉麵是韓式公仔麵，麵質煙韌爽口，湯底中辣，第一啖都唔覺，越食越辣，裏面有些紫菜及生蛋，魚糕軟腍似食魚腐。蜜桃米酒有淡淡的蜜桃味，酒精濃度低，只有3%，酒味不重而且帶甜味，很易入口。喜歡食韮菜既朋友一定要試煎餅，非常足料，其他味道都不錯，但上菜比較慢，可能星期五太多人啦。