老街 (西洋菜南街)

营业中

休息中

前兩日夜晚放夜班, 唔想番到屋企再攪一大輪先食到野,故就係出面街食埋先番屋企。老街係太子始創中心對面，餐廳不算太大，但裝潢帶有台灣的古早風，背景播著一首首台灣歌星的歌曲，有少少似置身老台灣一樣！既然今晚得自己一條友食飯，只係叫左一碗麵同一個小食。紅燒牛腩牛筋麵紅燒牛腩牛筋麵比我想像中大碗, 牛腩吃起來軟嫩帶q而不爛，肥瘦均等，而牛筋都算有嚼勁，湯頭呈深啡色，面層油份不算很多，有牛肉的甜味同濃郁，有中藥材的味道而不會過苦。幼麵不算煮得過淋，不算糊口。而且也附有小量酸菜，惹味之餘也夠開胃。跟餐可加12元配台式特飲: 珍珠奶茶，正正常常，是典型台式餐廳的味道！魚酥皮蛋豆腐最後還叫了一道小食，魚酥皮蛋豆腐，係凍豆腐上放上皮蛋，魚鬆和木魚，醬汁帶點微甜，皮蛋q彈，豆腐帶有豆香，木魚皮蛋和豆腐看似無相關原來可以這麼Match!! 總括黎講, 呢餐大概食左一百蚊鬆D, 係旺角黎講唔算好貴, 對於未能放假去旅行的我黎講都算搵到D心靈慰藉。

收工同朋友嚟到太子, 見呢間台灣嘢多人得嚟又未至於要等好耐, 一於試下啦。酥雞外酥內嫩, 炸粉夠薄, 食多幾件都唔怕膩。蕃茄湯底帶點自然嘅酸甜味, 不會過於濃厚。呢度叫嘅任何麵食都可以+$3轉新竹米粉, 米粉非常幼細, 但略為偏腍, 如果硬身少少就更有口感啦。經典台式牛肉麵食得太多, 今次決定挑戰味蕾, 試下麻辣牛筋牛腩米。紅當當嘅麻辣湯底, 食落又無想像中咁嗆辣, 香辛之中帶少許麻勁, 鍾意食辣嘅朋友, 絕對不能錯過！。牛筋充滿骨膠原, 軟滑到就好似食緊啫喱糖咁。大大舊牛腩集筋、肉、脂肪於一身, 肉質非常柔軟, 口感不錯。牛肚絲吃起來很有彈性, 麻辣帶勁, 辣度比麻辣米嘅湯底強。經調味嘅小黃瓜味道偏甜, 食完煎炸嘢同辣嘢, 食佢清清喉嚨就啱曬。簡樸順滑嘅豆腐, 配上醬汁、皮蛋、魚鬆, 美味又健康。餐廳仲有供應老牌台式罐裝飲品, 未飲過嘅朋友不妨一試。

既然無假放，唯有在鬧市中尋找旅行的味道。今次來到老街尋覓遊台的回憶味道。餐廳裝飾型格中帶點老台灣的懷舊感覺。 滿漢大塊牛肉乾拌麵 $70 麵如其名，滿滿的，大大塊的。齊集花枝丸、貢丸、金錢𦟌 、牛腩、牛筋於一麵。滷水汁入味，肉質結實，瘦多肥少，有筋膜好有嚼勁。真係大滿足。香酥排骨肉燥湯麵(轉新竹米粉） $50 香酥排骨炸得外酥內嫩，肉排用咗多種調味料醃過，香濃惹味。 香噴噴的肉燥，不論拌飯抑或拌麵一樣好味。新竹米粉幼細又柔軟，份量相當多，對於普通食量的女仔嚟講食完會好飽。 湯頭清清的，不會太油太咸。 魚酥皮蛋豆腐 $32天氣炎熱，依個小食最正。面層係滿滿的木魚片，接著係魚酥，冰凍的皮蛋，最底層係嫩滑的豆腐。層次豐富，秘製醬油味道濃郁，仲有透心涼的感覺。台式滷味拼盤 $50　有牛筋、大腸、爽耳、滷蛋。份量絕不欺場，全部都好入味。豬耳爽口彈牙，有豐富的骨膠原。滷蛋最入味，有近鐵蛋的質感。 珍珠奶茶 (跟麵加$12)台灣咖啡 (跟麵加$10)

記得以前呢度係日料餐廳，點知今日行過見到轉左台灣小店，睇落唔錯，平平地。餐廳行懷舊風，牆上全部係舊台灣嘅風景民俗，幾得意。主打滷肉飯同牛肉麵，都有新竹米粉、撈麵，同埋台灣小食走唔甩。【鹽酥雞滷肉飯】推介！滷肉汁好入味，撈飯好正。鹽酥雞炸得外脆內軟，小小胡椒味，細細件易入口。炸過嘅雞皮又唔會太肥，送飯或當小食都好。【蒜香豬軟骨便當】好多飯豬軟骨都算入味，份量足，配有滷蛋、粟米粒同榨菜。如果啲汁可以再濃啲就更好。【魚酥皮蛋豆腐】又係好大份。魚酥舖滿豆腐，皮蛋軟糯，豆腐同肉鬆一同進食，清甜爽口一人一杯嘢飲，珍珠奶茶+$12，熱檸水+$8，埋單兩人$154，超飽，好抵食的台灣小店