鮨川 (已結業)

新一年收到風花紅今次都幾和味，即刻搵埋朋友賀一賀佢話晒辛苦咗咁耐，慰勞下自己都唔過份啊。日本菜一向至愛，所以搵到呢間開咗唔太耐，環境又唔錯嘅鮨川。店鋪唔算大，以中間料理枱為中心展開，座位大概三十數位。兩人都揀咗雲－KUMO。主要睇下師傅手勢同功架。前菜三點。高野豆腐，先覆蓋櫻花蝦然後再酥炸，豆腐炸得外脆內軟豆香係蝦味嘅襯托下更突出。再加上海膽嘅鮮甜味，一口滿足滋味。煙燻鴨胸。淋上芥末醬配搭，甜辣得黎有啲似食緊燒鵝嘅味道。鱈魚白子。又一當造食材。酸汁開胃白子質感結實，奶香幼滑嘅口感真係百吃不厭。左口魚／赤貝／帶子壽司。用上桔皮碎屑提鮮不少。帶子更配上腌紫菜醬，咸香結實。依佐目。紫蘇碎及咸梅醬令魚肉入口更爽甜，師傅都話係佢得意之作。牛柳配舞茸菇。牛肉三成熟好腍，肉味幾濃配上Ｗasabi蘋果醬，清爽又唔油膩。聽師傅講牛肉係黎本地農場養殖再再熟成，而舞茸更係老闆自行培植，估唔到日本料理都食到本地嘅農產品，味道又幾好真係有驚喜。白蝦。只用上魚子醬以咸味帶出蝦嘅甘甜。而深海池魚。因為柚子胡椒嘅辛辣，令魚油香味發揮晒出黎，好食。北海道馬糞海膽。一定要即刻食，因為包裹嘅紫菜真係好鬆脆，用上芥末莖增加味

晌2018年，當然到訪過嘅日本餐廳確喺唔少啦，不過，專做「廚師發辦」（Omakase）嘅壽司店就只去過紅磡嘅「鮨文」及銅鑼灣嘅「道鮨」，兩次嘅「廚師發辦」都讓人印象深刻。今晚嚟到「鮨川」享受刺身及壽司嘅「鮨」味，同樣喺一餐美味及藝術嘅體驗。餐廳佔商廈一整層，所以，地方其實都唔細。而一出電梯就喺餐廳，一眼望到嘅就喺U型嘅壽司吧枱，喺全場晒搶手嘅位，皆因可直接睇到師傅嘅手勢。而環境整體予人有氣派，卻不俗套，除吧枱，近窗一邊就喺啲4人枱，而再走入少少，可以講喺一個廂房。店員都好貼心，會主動提供藤籃俾客人放背囊或手提包。枱上嘅擺設、餐具都精緻優雅。除一般散點，相信大多數客人嚟到都喺選擇「廚師發辦」菜式，而餐廳提供3個價錢嘅「廚師發辦」，分別喺「雲」（$1,080）、「丘」（$1,380）、「川」（$1,680），當然，需加一服務費啦。而小弟今次所試嘅喺中價位嘅「丘」，理論上就包括前菜三點、廚師特選刺身、料理、壽司、手卷、吸物及果物，不過，師傅話今日有啲靚魚返貨，算喺自動升級，多咗刺身嘅菜式，省略手卷一環。前菜三點食日本菜其一亮點，就喺賣相定必精緻，先登場嘅「前菜三點」，唔使講，既精緻，配搭又見

廚師發辦(Omakase) 是一個只有用膳流程而沒有指定菜式的一頓飯，廚師會嚴選不同地區時令食材，並運用他們的經驗與創意造出一道又一道，一件又一件令客人既滿意又難忘的料理與壽司。Omakase 價錢昂貴除了食材新鮮出眾外，為提升食物鮮味，背後所製造的調味或醃製工序等最為花心機，亦是多間omakase 餐廳一較高下之點。一直對Omakase 充滿好奇心的我終於衝破了價錢高昂的心理關口去訂座品嚐，朋友與我選擇了開業不久的鮨川𨋢門打開後可見餐廳中央為一張大吧枱，旁邊還有2枱，一共大概可容納20人餐廳還設有8人坐位房間及獨立洗手間坐下後可見檯面放有碟、筷子、茶及餐前抺手暖巾，眼前已看到師傅為我們埋頭苦幹準備待會使用的用具與食材餐廳有雲、丘及川3款omakase，初試牛刀的我倆選擇了雲開始我們omakase 之旅Omakase 用膳流程會由淡到濃味，避免濃味食物覆蓋了淡味食物的味道，所以服務員建議我們先吃放在小杯中的白籽浸銀雪魚，經師傅介紹後知道這是銀雪魚的精囊浸著淡醋，上面灑上蔥花與蟹籽，口感creamy而且有非常濃郁魚味，若覺魚味太濃郁可沾多點醋作中和。第二該品嚐是放在較前方的芥末柚子醬煙薰