潮福蒸氣石鍋 (已結業)

呢間蒸氣火鍋都算出名，又多分店，一直都無食過，因為興趣不大。今次朋友提議去試下，好啦，我都好就得人既.... 😆😆㨂粥底㨂燉湯同4款海鮮，再加埋指定既貝殼盛宴同龍蝦，之後就已經係任食打邊爐... 蒸氣海鮮即係得6款，完全唔夠喉！首先黎個魚骨湯，個湯好油；再黎乳鴿，ok啦；之後開始蒸海鮮，個貝殼同龍蝦新鮮夠多肉汁，好食跟住就係蒸其他貝類：元貝、鮑魚、貴妃蚌、象拔蚌... 呢幾樣真係差，個粉絲底未浸淋，蒸完仲硬既、啲貝全部唔夠新鮮，我食到有一隻象拔蚌有怪味之後就係其他任食配料了，選擇唔多... 總括今次食飯好失望，諗住去食海鮮餐，但得6款海鮮，仲要閒日都收$338一位，唔抵到極點，真係可一不可再...

「潮福蒸氣石鍋」可以話係蒸氣海鮮鍋嘅鼻祖 年半前食過一次 個時剛剛流行蒸氣石鍋 而且所有海鮮都係要單點 都幾重皮下而家重新包裝唔同哂 套餐包一定數量嘅海鮮加指定配料飲品無限追加 成件事抵諗哂今晚豬先生同豬小姐決定再此飲飽食醉位置係旺角同大角咀中間 豬小姐覺得太子站出會比較近晚上八點半到達 接近爆場！環境係酒樓嘅裝潢 非常熱鬧 充滿人氣比較適合大伙兒邊食邊吹水唔抹咀哈哈講解下套餐先 相當豐富！套餐包括有燉湯 乳鴿 龍蝦 貝殼盛盤 自選粥底及自選四款海鮮 最後仲有任食任飲嘅配料點心及飲品先上燉湯兩盅淮杞燉龍躉骨湯飲落清而潤姬崧茸燉螺頭湯味道帶甘甜兩款湯都比人真材實料嘅感覺 十分滋潤再尼係每人半隻乳鴿乳鴿燒至外層脆皮 鴿肉亦唔會嚡口 每咬一下都溢出邪惡香油 惹味到不得了！貝殼盛盤排住隊等我地食有三到四款貝類海產 有沙白 珍珠蜆 螺等等只需一陣 佢地已經乖乖張開哂口 等我地品嚐全都新鮮富海水味 唔腥臭又無沙 都算新鮮貨啊！龍蝦半隻有得食！龍蝦鋪上蒜蓉一齊蒸 係提鮮嘅完美配撘！龍蝦超容易起肉 肉身彈牙入味 好爽！一啖放入口 真係好滿足大元貝 蟶子皇 鮑魚同埋龍躉件就係我地自選四款海鮮嘅final

嚟食飯前有d小插曲，就係喺用餐戈朝佢會打電話比你confirm booking，如果你聽唔到電話，或聽唔到留言又無覆返佢就會無咗張枱，而我呢，我聽到留言都有打返比佢，但佢個電話係長期無人聽，佢不斷留言比我，我又不斷打比佢無人聽，捉依恩咁，最後我聽咗個電話係手提電話嘅號碼先confirm 到個booking! 所以食飯戈日記住留意電話，記住聽喇!講返正題，order海鮮係可以出去出面睇幾大隻幾新鮮，不過戈條路比較窄，隔離已經係食客，坐喺出面戈行嘅食客比較慘，成日有人行嚟行去。今日我哋揀咗翠肉瓜、蟲草花蒸新鮮雞、鮑魚、蟶子王、花甲、扇貝、花蟹蒸糯米飯同排骨粥。蟶子王 - 隻隻都好大條，不過有d過熟，有d韌，有d沙，鮮味爭少少，第一味餸就咁，有d擔心。扇貝 - 經過蟶子有d過熟之後，我哋無等個鐘響就已經開頂草帽，所以今次個扇貝啱啱好! 肉質嫩滑，鮮味亦能保留。花甲 - 粒粒都好肥美鮮甜，點少少豉油就夠哂味道!鮑魚 - 夠爽口，仲有好香嘅果皮味，食得出新鮮嘅味道。蟲草花蒸新鮮雞 - 新鮮雞蒸出嚟好嫩滑，亦有蟲草花嘅味道，感覺好滋補，令一向淨係食雞翼同雞肶嘅我，都有食埋其他部位。翠肉瓜 - 用蒜