鍋卷鳴門 (已結業)

之前見到有人去試 係海鮮任食我呢個海鮮怪就蠢蠢欲動 價錢又唔算貴4個人有蟹送添呀 睇吓啲蟹膏😳今次同朋友揀咗蕃茄同壽喜燒湯底揀咗中忍之卷 $568 食120分鐘90分鐘嘅話會搞唔掂 倒落口咁款其實食好快 拆肉先真係費時🫣晚市放題包括自助區所有火鍋配料、甜品及飲品總共超過100品！食到捧住個肚走⋯⋯其實掛住食都無乜點影相刺身好新鮮 好似去咗壽司店咁瀨尿蝦鮑魚都勁大隻 超級新鮮生猛🤤雖然真係唔食得幾多 但性價比極高 好想再去食！要搵埋啲剝蝦高手一齊再去先得 有邊個可以剝比我？❤️

之前睇倒網上介紹鍋卷鳴門有得任夾任食活海鮮，好似好好玩好正咁，所以即刻約朋友一齊黎試下。鍋卷鳴門店面好大，座位都好闊落，每張都係四人枱，就算放4個人坐，都仲有好多位擺野食。佢地分左三個唔同價位嘅套餐，以金黃時段計分別係$468、$568同$788。三個套餐都有得任夾任食活海鮮，自助區嘅火鍋料、野飲、啤酒同雪糕都有得任食，分別只在於牛肉嘅級數同入座時限，我地只係志在食海鮮，所以揀左最平嘅下忍之卷，限時90分鐘。一早做定功課知道哩道有鮑魚、瀨尿蝦哩啲較貴價嘅海鮮，知道餐廳18:00開門，諗住準時黎到快啲夾左先，去到原來根本唔洗爭，三層嘅魚缸入面啲海鮮多到根本唔驚遲左黎會俾人夾晒。入面除左頭先提到嘅鮑魚同瀨尿蝦，仲有花蟹、大蝦同蜆。刺身、豬牛雞、天婦羅、一品料理可以經QR Code落單。而其他丸類、蔬菜、野飲同雪糕都可以喺自助區自己拎。野飲選擇唔算太多，主要係懷舊玻璃樽裝汽水，都有教主最近代言嘅OOHA汽水。另外仲有幾款生啤供應。咖啡都有。雪糕選擇都好多，有超過十款選擇，最正係連Movenpick、Haagen-Daz同Dreyers都有得任食，仲要係連特別口味都有。一坐低拎左野飲先。湯底如

放假同朋友黎食即夾即煮既海鮮火鍋！依度最特別既就係有個海鮮池，可以俾客人自己夾完再即刻打邊爐！真係又有得玩又有得食湯底就分別揀左濃厚番茄湯、清酒煮沙白湯同埋秘製麻辣湯。食靚牛既時候我最鍾意用清清地既湯底黎淥，好似當中既清酒煮沙白湯咁，咁先食到最原汁原味既牛肉味每個set都包任食自助活海鮮區既海鮮！記得記得！夾蝦之前一定要拎d冷放入海鮮筒先呀！因為咁先會令d蝦凍暈，唔洗驚佢跳出黎蝦肉好爽彈，蝦味濃郁。海鮮類別都有唔少，基本既沙白蜆、海蝦緊係唔少得啦，除此之外仲有澳洲鮑魚、瀨尿蝦、花螺！當中我就最愛澳洲翡翠鮑魚因為d鮑魚真係超級新鮮既關係會吸實個池邊，夾上黎果陣都要用d力摌，煮左10分鐘左右，咩醬汁都唔洗蘸已經好鮮味，夠彈牙爽口！一定要encore 依加4人同行仲送一隻松葉蟹咪話送既就冇好野，依隻蟹真心好有誠意！我地用沙白湯底煮，肉嫩鮮甜啖啖肉又有蟹味，仲係爆多蟹膏嫁除左海鮮吸引，佢地既”上忍之卷”套餐既牛肉都好正第一次食日本A5藤彩和牛，特別推介牛舌同牛肩胛！！依度既牛舌同平時既好唔一樣，打直切帶有脂肪層，其實完全睇唔岀係牛舌，但一食落口就知，質感好爽嫩真係一分錢一分貨，七百幾蚊就可以任