肉餅哥小炒料理 (已結業)

閒日最好就係食肉餅哥，地方夠闊落坐得又舒服！今次我們點了小菜及兩個肉餅飯。由於之前嚐過口水雞味道不錯，今次就試嚐霸王雞半隻。比起重口味的口水雞，霸王雞味道相對比較清淡。適合喜歡原汁原味的朋友。雞肉嫩滑且肥美，啖啖肉，真係分量十足。對於食慣重口味的我們還是一致投了口水雞一票。朋友未試過原隻波士頓龍蝦肉餅，對於我這個老食客當然極力推薦。龍蝦肉已混合入肉餅中，每口肉餅亦可嚐到龍蝦肉，正！當中的龍蝦鉗更可以原隻取出，真的啖啖肉！而且龍蝦斤兩十足，噱頭十足！！而我就獨愛鮮味蟹粉肉餅！ 這道肉餅差不多成了我到肉餅哥的必食推薦！當中的蟹粉整整鋪了一整層肉餅上。推介大家選煎的肉餅。這樣才可將肉餅當中多餘的肥脂去掉。肉餅哥真的成為我在大圍必食的推介食店！地方大，環境衛生亦很整潔，服務員又有禮貌。最重要是食肉餅當然要選肉餅哥啦~

因為有朋友住附近的關係，肉餅哥成為我們聚腳的地方。最大的原因是肉餅哥真的是「抵食夾大件」的推介，難得的是每樣菜色都能保持到水準，認真抵讚！ 一踏進門口便能見到「肉餅哥」大大個的招牌！內部裝潢簡單又富特色，很喜歡人手畫的餐單。當然看下餐單有什麼好揀啦!點好菜式後，每位必有一碗老火例湯，味道真的不錯，而且喝完段並不會感到乾涸，證明真材實料，並不是味精湯充老火湯。我點了最喜歡吃的「惹味鵝肝煎肉餅菜飯」，這飯已經不是第一次吃的了！喜歡它的鵝肝肥大肉厚，而且足足有兩件如此之多。且肉汁多，鵝肝味香濃。真係無呃你，鵝肝肉肥厚。肉餅當然保持到水準！煎到表層有少少脆身，內裡又能鎖住肉質。正！朋友點了「鮮味蟹粉肉餅」，外面的餐廳很多時都會「偷工減料」，只有少少蟹粉。但肉餅哥這樣菜式真的很足料，有令我驚訝到！蟹粉鮮味，配在肉餅上竟然能令味道相輔相成。肉餅肉質JUICY，配上蟹粉真是莫名的搭！我個人會俾5星，下次可以再點這菜餚！推薦推薦！！我們還點了半隻口水雞，最令我們回心微笑的是真係連雞頭也是半隻的，真係好認真！這款口水雞做到四川的辣味，同時又能照顧港人的口味。雞肉亦頗滑。真的會食過不停。我仲將肉餅沾口水雞

今次小編帶大家來到一間在大圍的肉餅專門店，這裡有超多款式的肉餅飯，餐廳名叫⎡肉餅哥⎦！店內有不同的肉餅，您想得到的款式這裡也可以找到，甜的有，咸有的，名貴的也有！這裡的肉餅，可煎可廿蒸，飯底可選白飯，菜飯或是油飯。這次叫了兩款肉餅，小編選了兩個肉餅都是煎底的，還有一款湯，都很不錯。原隻龍蝦肉餅，這款肉餅上枱時，小編十時驚訝，真是足料！吃肉餅，竟可吃到全隻龍蝦，頭，尾和鉗都有，而且肉餅裡還吃到粒粒龍蝦肉呢，十分滿足！而飯底是菜飯底，香油菜飯，飯吃下去不會太單調呢！另外，這個鮮味蟹粉肉餅，也是超足料的，蟹粉也是超多的，肉餅裡頭也有蟹少，真的超鮮味可口，而且這個飯底就配了油飯，香口感覺更上一層樓！這個海皇雜菜煲，菜有很多，有小棠菜，西蘭花，棷花菜，勝瓜，菜心和菇，而海鮮也有很多呢，有魷魚，蝦，魚片和帶子，用料足，湯也清甜呢！這家餐廳食物水準也不錯，肉餅配料有創意，小編也是第一次吃這麼名貴的肉餅呢！

之前荃灣hit過一排既肉餅哥小炒，見到肉餅都可以款式多多，感覺係一間充滿創新既粵菜餐館。同chicken一直冇時間去荃灣踩場，之後聽到佢地話大埔開左新鋪，見近近地就約埋放工去大埔果邊食！不過要去呢間都要花Ｄ時間，間鋪係屋邨入面，所以都要去搵路先得。門面企左張大大既餐牌，就咁睇上去已經有成三十幾款。各款晚市餐牌，可以加$加油菜、老火靚湯等等，而肉餅配既飯都可以揀菜飯或油飯。老火靚湯，日日唔同，飲落去清甜，唔會好大味精味。生菜，鮮嫩又爽口，份量亦都幾多。感覺加個菜，罪惡感會冇咁大xd墨汁魷魚肉餅，飯同肉餅分開上，本人揀左煎肉餅， 感覺煎會比蒸更加香口。魷魚既份量落得幾足，啖啖肉餅都食到彈牙既魷魚粒，而且口感Juicy，食落去會有陣魷魚香味～中詫食魷魚既朋友，一定會好中意呢款～鮮味蟹粉肉餅 ，剛 送上黎既時候，已經可以聞到岩岩煎好既肉餅香，肉餅煎至金黃色，一啲都冇燶到， 仲有一層薄薄既蟹粉鋪左係肉餅上面，成塊肉餅充滿蟹黃鮮香。口感外脆內軟，脆到咬落去會﹝索索聲﹞， 而且侍啖都有肉汁溢出黎！ 配合蟹粉既鮮甜味，食落去已經好有滿足感～而油飯聞落有油香味，鮮黃色既外觀好搶眼， 食落去油味唔會好濃，