河內越式料理 (西洋菜南街)

营业中

休息中

大家好今晚去了位於太子同旺角之間既河內越式料理今次因為唔想諗太多所以點了$248美味2人套餐 再加多個越式炸春卷首先個越式炸春卷有四件都炸得幾香脆材料有粉絲 豬肉 紅蘿蔔 菇類等等仲有好多生菜同香葉可以包來食至於2人套餐先來個青木瓜沙律 2人餐來講份量都幾大有好多青木瓜絲 青瓜絲 同埋紅蘿蔔仲有幾隻蝦同埋這個沙律己經落酸酸甜甜既醬汁下一個是西貢咖喱牛腩配法包有四層法包可以點咖喱汁食法包都是有焗過都幾脆咖喱是越式唔會太辣牛腩都算腍仲有D牛筋同埋薯仔下一個越式菠蘿炒飯食落同泰式菠蘿炒飯差唔多都唔係太識分都炒得幾香有新鮮菠蘿同落左幾多黃薑粉有兩隻蝦同埋一D魷魚仲可以用淨左既咖喱汁撈飯食飲品方面包兩杯點左椰汁味比較重既鮮芒果西米露同比較青既越式青檸冰總括這個二人餐份量都幾大同埋幾好味

河內越式料理📍旺角西洋菜南街204號地舖味道：😋😋😋😋😋😋😋😋環境：🎑🎑🎑🎑🎑🎑🎑🎑服務：😏😏😏😏😏😏😏😏河內越式料理設有大圍、尖沙咀、旺角等多間分店，今次試咗佢嘅旺角分店，估唔到食物大件夾抵食，CP 值幾高喎😍我哋order 咗1️⃣順化蕃茄蟹肉扎肉湯檬🍜💰66湯底濃稠，既有蕃茄嘅酸酸甜甜、又帶有香料嘅清新，非常開胃😋一碗有三塊大大塊嘅扎肉，仲有絲絲嘅蟹肉🦀，扎肉肉質彈牙、蟹肉勁多同好好鮮甜，正啊！2️⃣越式豬頸肉撈檬🍜💰62豬頸肉肥瘦相間、鮮嫩多汁，麵條彈牙掛汁，撈檬酸酸甜甜，非常清新開胃，夏天食一流！😌3️⃣越式炸春卷（2件）💰22四個字：皮脆餡靚！餡料有蘿蔔絲、豬肉、粉絲同木耳等，非常足料，配合埋酸酸甜甜嘅辣好惹味😍4️⃣凍越南滴漏咖啡☕️💰18上層係咖啡、下層係煉奶，餐廳會提供一枝匙羹比你撈勻。估唔到撈勻後仍然keep 到醇厚嘅咖啡香、煉奶又唔會太甜、死甜，大推👍5️⃣鮮芒果西米露💰10食得出芒果好新鮮，唔係罐頭生果/用糖水浸住個種，椰香味濃，消暑解渴之選😆另外雖然餐廳客人好多、外面都好多人排隊，但店員好有禮貌同耐性👍👍#香港美食 #美食推薦 #美食日記 #越南菜 #香港美食推介#旺角美食推介 #

西洋菜南街不嬲都多野食，見到呢間越式餐廳價錢親民，而且即使過咗中午時間依然係全場滿座，所以就決定喺到食返碗越式湯河嚕～生熟牛肉湯河粉💰HK$66牛肉份量多，有半肥半瘦牛腩同埋生牛肉片呢兩種，肉質唔會柴，而河粉就係偏幼身果一款，食落質感嫩滑有米香，仲要掛湯能力極高～極品牛三寶湯河粉💰HK$71有口感彈牙嘅牛丸、軟腍腍嘅牛展同埋生牛肉片！最中意就係碗麵個牛骨湯底真係好鮮甜，味道好濃厚～越式豬頸肉(細)💰HK$32豬頸肉用香茅香煎至金黃色，半肥半瘦，肉質爽口多汁，唔會令人覺得太油膩，配埋泰式辣醬，味道一流～(熱)杞子龍眼茶💰跟餐+HK$5因為唔想飲凍野，見到呢杯杞子龍眼茶好似好補咁樣，飲落去有啲似黑糖茶，而且仲好足料，好多杞子同埋龍眼肉，係一個養生嘅選擇～鮮芒果西米露💰 跟餐+HK$10呢杯西米露好有驚喜，好重椰汁味，原本好擔心會死甜，好彩係唔會太甜，飲哂成杯都唔會有罪惡感！面頭啲芒果肉超甜唔會酸，加埋西米，成杯野口感非常豐富～

最近天氣太熱都唔想食啲重口味嘢 諗起越南湯河清清地就啱晒🇻🇳❣️極品牛三寶湯河粉 $71一碗有齊三樣嘢啱晒我呢啲貪心之人 生牛肉牛𦟌牛丸超重牛味🐄如果係牛魔王嘅話真係必食粉嫩嘅生牛肉經過湯底溫度嘅洗禮漸漸變色🥩 鬆軟口感同煙靭嘅牛𦟌有強烈對比 至於牛丸都一樣食到牛香味❣️順化豬肉卷撈檬 $64加入甜酸魚露成個感覺好清新 爽口檬粉沾上鹹鹹酸酸非常開胃豬肉卷仲要勁香 咁清嘅面底更能強調肉香❣️越式炸春卷(2件) $22包住木耳絲蘿蔔絲粉絲加埋脆皮外層 外脆內軟形成鮮明對比食落索索聲❣️越式炸蝦餅(細) $32份量都幾多 就算點左酸辣醬都無蓋過原先啲🦐味 軟林林哪內涵好軟熟彈牙❣️椰汁冰 $30杰撻撻嘅🥥漿勁濃郁 順口至極加上凍飲更上一層樓❣️鮮芒果西米露 $30同樣係椰汁底 不過呢個相對冇咁濃 多咗🥭嘅鮮甜同晶瑩剔透嘅西米露 更多重口感

呢間越南菜嘅食物款式同價錢都幾大路(¯▿¯)周不時經過都想試下環境光猛舒適 湯麵撈檬飯餐款式好多～整體味道都𝚘𝚔𝚊𝚢啦—- ʕ•ﻌ•ʔฅ —-♡ 順化蕃茄蟹肉扎肉湯檬意想不到的VIP✨蕃茄湯底好濃郁 蟹肉份量亦都好多 檬粉索哂湯嘅精華 成碗都好鮮甜(*´▽`*)！扎肉亦好入味 浸喺蕃茄濃湯入面更滋味🥰.♡ 豬頸肉撈檬豬頸肉燒至微焦 邊位微脆 肉質爽口 唔嚡唔乾～撈檬配料比較簡單 有紅蘿蔔+生菜絲+少量花生 魚露甜酸度適中 食落開胃 味道正常發揮🫶🏻.♡ 椰汁西米露特飲將糖水變成飲品😆竟然冇想像中咁甜！反而椰汁味好香好突出 不錯～

今日去行下花園街，行完過去西洋菜南街搵野食，呢度美食林立我選左食越式料理。點河湯/撈檬可以追加小食又可以加配飲品。極品牛三寶湯河極品牛三寶湯河（生牛肉，牛展，牛丸）生牛肉肉質嫩滑，牛𦟌又幾煙韌，牛味香濃，牛丸又爽彈，河粉爽滑湯底濃郁美味可口越式炸蝦餅，蝦餅好爽口彈牙，蝦味香濃沾到甜辣醬好好味。越式豬頸肉燒到好香口，豬頸肉鎖住肉汁，食落又唔會肥膩順化蕃茄蟹肉扎肉湯檬，蟹肉好鮮甜，扎肉又爽彈，豆卜又索湯精華，蕃茄湯底好香濃鮮芒果西米露，有芒果粒，西米和椰汁又唔會太甜。杞子龍眼茶

在晚餐時段，我和男友幸運在餐廳爆滿前進入到河內越式料理這家餐廳，剛到七點已經很旺場了！越南菜當然少不了香茅類、湯粉撈檬、飲品小食等等，我們叫了兩道主菜，追加了小食再配飲品。先來的是順化蕃茄牛腩飯，暗紅的蕃茄牛腩裝在碗中，配上大量白飯和清煮蔬菜，挺大堆頭的。牛腩切成粒狀容易入口，肉質較結實，但有牛味及肉汁補上，整體不錯。蕃茄汁酸酸甜甜的，味道很濃郁，既開胃又好送飯。底部的蘿蔔煮得超軟身，沒了我不喜歡的草青味！然後就來大大碗的越式豬頸肉撈檬。在多片豬頸肉底下，佈滿了清爽的青瓜絲、蘿蔔絲、生菜絲、炸蒜和葱油。用枱面提供的甜酸水混著吃，不自覺就能整碗吃完。豬頸肉都是即叫即燒的，鋸齒狀的切法很特別，也致週邊部分燒得香脆可口，肉質爽軟適中，有著豬頸肉獨特的口感和油香。就這樣吃已經好吃，沾點甜酸醬汁吃則更惹味。見其他評論提過香茅雞翼好正，我們就追加兩隻。它們的外皮充滿香茅又酥香，皮脆肉嫩又多汁，真的好正。最後，男友喝了青檸梳打，有三片青檸不錯，微炭酸解膩。我就選了如甜品般的鮮芒果西米露，有香甜的切粒新鮮芒果，濃厚的椰汁和挺多的西米。味道不會太甜，但真的好飽啊！這餐不到200元，超值，真的平靚正，難怪

經過西洋菜街， 見到河內越式料理， 就入去一試。 店內環境光猛， 點一份🥢二人套餐$185 ～ 生牛肉湯河、扎肉撈檬、安南鮮蝦紙米卷、田園灼時蔬、椰果椰汁西米露和鮮芒果西米露。 🔸生牛肉湯河🍜 ～ 湯底夠熱， 味道有少少似牛腩湯， 牛肉份量多。 🔸扎肉撈檬🍜 ～ 扎肉口感有點硬， 味道普通， 撈檬的靈魂當然是魚露酸甜汁， 酸酸甜甜挺開胃的。 🔸安南鮮蝦紙米卷🌯 ～ 味道清清地， 健康小食。 🔸田園灼時蔬🥗 ～ 生菜味道正常。 🔸鮮芒果西米露🥤 ～ 芒果甜美， 不過西米都是黐埋一舊一舊的。 🔸椰果椰汁西米露🥤 ～ 西米露在杯底黐住一嚿一嚿， 很難飲用。 整體味道普通， 價錢親民。😊