養心殿台式養生鍋 (已結業)

今天約了朋友打邊爐。平時打邊爐都出開旺角 尖沙咀，依排見到屋企附近都開左養心殿所以就去試下佢。地方都幾就腳，係馬鞍山海典灣We go mall商場到。餐廳環境好視正，坐得好舒服，好啱幾個朋友一齊黎坐同埋烚下烚下。見到餐牌入面有好多湯底揀，養生鍋，酸菜白肉鍋仲有麻辣湯底，同普通打邊爐舖頭好唔同，夠曬特色！野食既選擇都好多近乎一百種，主打以海鮮，肉類，丸類，蔬菜等等。叫左個酸菜白肉拼麻辣鍋 (中辣) ($128)  試下。個煲一攞埋黎就聞到是勁香既酸菜湯底味，個湯底勁足料，有白肉，薯粉，麻辣湯底仲有豬血同好多香料，見到都流曬口水，個湯都覺得夠曬誠意，同埋可以免費額外追加酸菜白肉。麻辣鍋又香又辣，令人愈食愈想食。我地叫左(半份)鵝肝墨魚丸 ($48) 一食完全爆汁，鵝肝味濃郁。餃子拉盤 (12粒) ($118)好有特色，粒粒都好飽滿好足料，真係又抵食又好食，鮮蝦滑 ($88) 好新鮮好彈牙佈滿蟹籽係面，農場野菌 ($58) 有幾種不同的香菇，滿足不同願望，而鮮甜三蔬 ($68)亦非常之鮮甜，特別是准山經過輕微煮過後十分之爽脆，秋葵多汁。最後每人還贈送一杯沙冰消暑解渴，誠意推介大家去!

聽聞養心殿，7點前埋單，有半價優惠好耐啦，所以一直都好想試下。 經Open Rice訂左星期日3點鐘去食，眼見都係得2、3枱人，靜靜地打邊爐都幾正~ 裝修都唔錯座位闊落，而且有屏風間隔，不過就係光線較暗，個人唔太鐘意。 一開始我地揀左美人鍋同養生鍋，雙併鍋底就可以一次過試曬兩種不同口味。 美人鍋內有烏雞半隻; 養生鍋有鴨血，人參、紅棗等藥材，2款都好滋補!我同細妹都係湯怪，所以淥野食之前，會飲左湯先。不過講真美人鍋飲落好味精，養生鍋參味比較濃，所以飲落比較順喉。 雜錦蔬菜盤蔬菜都新鮮，款式都多，有冬菇、金針菇、生菜、粟米等，份量較少。 雪花肥牛雖然太薄切失口感，但值得一讚係入口有牛味，肥瘦適中。 鮮蝦滑發生一件小烏龍事，就係上菜時望到有蟹籽，以為係墨魚滑添，後尾店員解釋先知原來係蝦滑黎，有左蟹籽好似有Bonus咁。蝦滑彈牙，但欠缺蝦既鮮味，幸好蟹籽味道幫補到鮮味。 餃子拼盤(每款2粒)我試左其中2款，最難食係麻辣牛肉餃牛肉攪到好爛，完全失去口感，亦食唔出牛味，只得輕微辣味，整體味道極奇怪。韭菜餃韭菜好足料，撈埋少少肉碎，如果係鐘意食韭菜既人士實好岩。 最後埋單茶芥連加一，折左$481，

今晚一行四人黎左馬鞍山新商場入面呢間養心殿台式養生鍋食飯傾計。呢度嘅裝修、佈置、餐具都好有中國風，環境唔錯。之前試過美人鍋覺得唔錯，所以我地今次再食返呢個。美人鍋係用烏雞，桃膠及唔同嘅藥材一齊煲，湯中嘅烏雞好大隻，而桃膠份量亦好多，好軟好滑。個湯一黎到，我地先加入新鮮蔬菜淆下湯，等埋d桃膠煮耐d，跟住就一齊飲湯，非常清甜，大家都忍唔住狂飲，所以友人好快就飽左食物質素好好，叫左個餃子拼盤，入面有極品水餃，鮮蝦雲吞，韮菜餃，麻辣牛肉餃，魚皮餃，水蓮餃，每款各兩隻，麻辣牛肉餃幾特別，麻味會比較強，喜歡辣既朋友必試。韮菜餃，菜多肉少，感覺好清新。 而鮮蝦雲吞幾彈牙，隻隻餃子都好足料，啖啖肉，好食。響鈴係即炸架，好新鮮同脆口，黎左就趁熱食喇。極上雪花肥牛，捲得非常靚，望上去每一塊肉都油脂均勻，厚度均一，食落好香牛肉味，唔會韌。蔬菜盤有娃娃菜、生菜、雜菇、粟米，選擇多，又新鮮，又甜。呢度嘅丸係手打嘅，所以好食好多，非常彈牙。款式多又特別，如果太多選擇揀唔落手，可以叫個手工丸類拼盤，已經有蝦丸，芝士牛肉丸，墨魚丸， 黑松露蝦丸，梅菜豬肉丸， 鵝肝墨魚丸， 款款都各有特色，又好好食。其中蝦丸味道比想像