西貢越南真味

营业中

休息中

唔想去商場的話，去九龍城揾食都係一個 good idea . 貪佢夠多選擇，而且好多都係出名好味又正宗，例如呢間越南菜。店長推介的蟹膏扎肉湯檬，講真响其他越南菜館真係少見，一於試試佢。鮮蝦蟹膏扎肉湯檬 $78火辣辣的橙紅蟹膏湯檬到了，除了扎肉仲有蝦同肉丸。成碗粉的精髓在於個蟹膏湯，真係好濃的蟹膏味，而且加入了蕃茄，甜甜酸酸幾開胃。有個靚湯底，其實配乜都好好食，呢個湯檬真係必食，推介！火車頭牛肉鍋粉 $88叫得做鍋粉，皆因佢真心堅大碗，係 jumbo size來架，男人食都夠曬飽。好足料，有生熟牛肉、牛丸、牛𦟌、牛根、牛柏葉同蘿蔔等等，牛骨湯底幾鮮甜，亦唔覺有加味精。加點青檸同辣椒，更惹味。可樂涼粉冰 （跟餐半價）$14 呢個組合幾特別，第一次試咋，又 ok 喎，沒有違和感。椰汁涼粉冰 （跟餐半價）$14呢個係朋友飲的，佢話椰汁好香，唔太甜，幾得。

今晚同樣係屋企附近開飯，其實住係九龍城都未必一定要食泰國菜的，轉一轉食越南菜都唔錯ga! 位於獅子石道呢間越南餐廳小店價錢都幾經濟，一於試一試先...我同妹妹一人叫左一碗粉同一杯特飲！都係二百蚊有找！抵呀火車頭牛肉鍋粉 HK$88呢個招牌火車頭牛肉鍋粉嘅配料絕對不少，分別有生牛肉片、牛肉、牛丸、牛百葉、牛筋同蘿蔔等，再配以河粉，大大碗一定食得飽飽！鮮蝦蟹膏扎肉湯檬 HK$78另一碗鮮蝦蟹膏扎肉湯檬嘅配料同樣分量十足，有鮮蝦、扎肉、牛丸同蕃茄等，再配上檬粉及蕃茄湯底，食落酸酸甜甜，特別醒胃呀！椰汁涼粉冰 HK$28 (跟餐半價）奶茶涼粉冰 HK$28 (跟餐半價）特飲跟餐都享有半價優惠，夠晒冰涼解渴！抵飲

九龍城最多泰國同越南野食，今日就嚟試下依間啦我地好彩早到唔算好多人，隔左一陣已經滿座咁滯一見到幅相已經好想試，上枱即時俾啲香味吸引，首先試下佢個飯先，噢，黃薑粉味都幾重喎，亦都唔會偏鹹，又帶油香，而雞方面，雞皮爽口雞肉都保持到軟淋，佢嘅雞皮係會令你忍唔住送埋飯食，附上嘅醬汁酸酸辣辣，配雞肉都唔錯今日最有驚喜係依個湯，一飲落去即刻，好好味呀，勁濃蟹味，感覺佢用咗好多蟹膏熬製而成，每一啖都鮮味十足，當中佢嘅肉丸都要讚下，佢用肉碎再加埋其他配料搓成肉丸，但唔會散哂，味道方面亦醃得啱啱好，總括我十分愛依個湯檬，最後連湯底都俾我ko左～最後加埋兩杯食越南野必點嘅椰汁冰同青檸梳打，味道穩穩陣陣，不錯👍🏼

之前有食過位於西貢的總店，新開的分店選了十分多食肆的九龍城，地點方便多了，裝修簡單，環境比總店闊落舒適。厚厚的餐牌選擇十分多，餐廳的主打美食亦貼於牆上，價錢亦不算貴。我要了一碗鮮蝦蟹膏扎肉湯檬，份量大大碗，湯底用上蟹殼，蟹膏，蝦殼，蕃茄一齊煲，甜甜酸酸，鮮味十足，又開胃，蕃茄 大件，配上數件扎肉及蝦肉，再灑上炸乾蔥及香葉，增添香味。越式咖哩豬扒飯，越南的咖哩比起泰式咖哩來得溫和，辛辣味少，帶點洋蔥味的甜，薯仔煮得頗淋，豬扒炸得香口，很好送飯，配上大大碗白飯岩晒。到越南餐廳，青檸疏打是不可少的。

好味湯底 九龍城西貢真味夏天熱辣辣，鍾意食泰國嘢同越南野，星期六揸車出去九龍城食呢間越南野。中午食左大餐，所以簡單叫咗兩碗粉麵，同男朋友一人一碗。男朋友叫左火車頭牛肉鍋粉，我叫咗推介嘅鮮蝦蟹膏扎肉湯檬。唔使等10分鐘嘢食就上晒枱。火車頭牛肉鍋粉都好大碗下，啲料都幾多，牛丸、牛肉、牛腩、牛筋同埋牛柏葉。配料上仲有九層塔、炸蒜同蔥。男朋友話個湯底好味，望落去清澈，但係個味道幾濃郁，係真係熬製出嚟嘅味道。佢再加左啲辣椒，仲好味d添。鮮蝦蟹膏扎肉湯檬成碗紅卜卜，原來有蕃茄底，加埋蟹膏，所以紅卜卜。個湯底幾岩喎，本身都鍾意酸尾尾，加埋呢個有小小嘅辣，我自己再鍾意食辣，隔咗一匙羹嘅辣椒，成碗野更泥惹味。飲咗勁多湯。有兩隻中蝦，四片扎肉同兩粒扎肉丸，個湯檬都多，同埋連埋湯一齊食真係唔錯，越南真味。清底

超足料大大碗火車頭湯粉：平時食碗牛坑腩都$5-60啦！ 呢度一碗火車頭湯粉，超多料，牛筋、牛腩、牛肉、牛丸、柏葉...樣樣齊，淨係食餸都飽左。湯底鮮味又唔油膩。牛丸爽口彈牙仲好鮮味！鮮蝦蟹膏扎肉湯檬： 湯底有番茄同蟹膏，濃郁又惹味！推介越南小食拼盤！我呢啲有選擇困難嘅，每次有拼盤都係必點！今次啲評判多數都係炸到油淋淋。唔多好食。 呢間就唔同，好有誠意！ 春卷香脆又唔會油淋淋、香煎墨魚餅爽口鮮甜，仲有粒粒蟹籽食落脆卜卜。粉包又好食，仲有埋招牌香茅雞翼。全部都超水準！ 推介！ 再試埋杯越式滴漏咖啡。大滿足⋯⋯