方叔叔重慶老火鍋 (The L. Place)

营业中

休息中

過左大半個夏天好掛住#麻辣火鍋，即刻去探下方叔叔👨🏻‍🦰 #方叔叔麻辣火鍋，正宗既味道同雅緻既環境，係中環出名既重慶麻辣鍋🥳一開𨋢門已經麻香撲鼻，座位舒服，服務親切，先食個糖水暖暖胃🤞🏻望下價錢全面減價嚇親，隨心叫！鴛鴦麻辣鍋，普通辣，辣味已經好足，香料超多，好麻好正😎併大骨湯，奶白色湯底好濃豬骨味，啲豬骨仲要有骨髓🥹打邊爐！即刻配啲腐皮，好入味好麻，好味👍🏻鮮龍躉片，肉質好彈好鮮，魚味鮮味都好正😄長城小白豬午餐肉，食腍啲，好入味好正有火腿，美國桶蠔，放落豬骨湯又濃又鮮，生蠔爆汁好重蠔味👍🏻方叔叔推薦菜，嫩牛肉，食過麻辣鍋就知，嫩牛肉就係絶配🙌🏻嫩滑牛味濃，麻辣入味，配埋葱蒜同特製麻油，正到爆😆麻辣火鍋配鴨血，好滑，又麻又辣👏🏻萵苣都係麻辣既朋友，好入味好正😎墨魚滑麻辣浸得耐，相當好味，亦都好鮮好彈，飲返渣Sapporo生啤，爽😻最後仲會俾粒薄荷糖你清清喉，超高質而性價比極高既麻辣火鍋🍲推薦菜真係必食，係會掛住既味道😋仲要唔使加⼀，正👍🏻

就快去均哂呢間火鍋嘅分店當打卡，呢間氣氛同其他有d唔同，燈光令每張檯更獨立d。叫左個雙拼鴛鴦鍋（皮蛋芫茜/麻辣普通辣），食野前例牌有個潤嘅雪耳紅棗糖水滋潤一下。珊瑚蚌、5頭鮮鮑好鮮味爽口，失色少少係今次鮮龍躉片無上次咁好食；牛板腱伸keep到水準，夠牛味夠嫩。第一次食呢度嘅現炸豆皮，同包漿豆腐一樣咁重黃豆味，但就有香炸味道。黑松露撐打墨魚滑不嬲出色，烚完都好大浸黑松露味。冬菇、藕片、淮山條、皇帝菜、同埋勁夾麻辣湯嘅厚厚苕粉，都係正野。

個客話想食火鍋，諗到頭爆，個同事話呢間分店私隱度高，適合邊食邊傾。我地叫左個鴛鴦鍋麻辣+豬骨湯，同其他分店一樣真材實料好大舊豬骨，麻辣都超多花椒同辣椒，仲不時加湯，好好～安格斯牛板翼、珊瑚蚌、鮮龍躉片、鱔片，呢幾樣個客都特別滿意，食得出鮮味，海鮮脆口食得出都夠新鮮～我最like 手打牛肉滑，口感味道超似山竹牛肉。醬料有蒜、蔥、醋、豉油、香油（好解辣兼降溫），牛肉滑沾一沾醋同香油，真係好味嘅～新鮮皇帝菜、淮山條；食落爽脆嘅萵荀片同藕片；豆香味濃又滑嘅鮮腐竹，仲有吸湯好正嘅竹笙等等，都係呢度先食到。平時唔多食內臟嘅我，孜然粉味幾惹味，小邵肝串串令我破戒食左幾串～其他嘅嘢例如鮮滑魚麵、包漿豆腐、苕粉等等都ok。最正係原來呢度而家做緊7週年添飲優惠 ，四大天王特飲或者Sapporo 七寶札幌生啤，都有無限添飲。我就飲左水仙烏龍檸檬茶、百香果特飲等等，係超大杯仲可以轉款～

係中環想食麻辣火鍋，一搵就搵到方叔叔重慶老火鍋，位於The L Place，一開𨋢門已經麻香撲鼻，裝修非常精緻同舒服，配暗暗地既燈光，打邊爐都有得浪漫💕服務好親切，有滋潤糖水俾你暖胃，亦有推薦菜式同食法，讚👍🏻👍🏻雙併鴛鴦鍋，麻辣(普通辣)拼養生花膠雞湯，#麻辣鍋 超香麻，#花膠雞湯 金湯樣，花膠都唔少，重本，都幾好味👍🏻麻辣就當然正，一定要配埋葱蒜同特製麻油，麻油解辣，愈食愈滋味😘最正既#嫩牛肉 黎喇，店舖推薦，厚啲既牛肉，淥完仍然好嫩滑，夠腍但有口感，牛味濃得黎麻辣既香麻辣都會吸左係外層，必食💓鮮龍躉片都係另一個推介，食落肉質好彈好鮮，幾好味又有魚味，配花膠湯同麻辣湯會有兩種唔同風味，相當唔錯🤩美國牛板腱，牛脂會多啲，都好味，似肥牛既感覺，配麻辣同麻油都正👍🏻鮮腐竹就係必然麻辣火鍋既蔬菜朋友，腐竹係1分鐘就淋，好正好吸湯好好味😌時令鮮春荀，賣相好特別，幾爽幾得意既😆長城小白豬午餐肉，係有火腿肉係中間既午餐肉，好快腍好味🤗啤一啤之餘仲開左枝Riesling，爽🔅超正既麻辣火鍋，舒服、服務又好，仲有建議淥既時間，好味又爽，仲要唔貴😗無得輸既方叔叔👨🏻