影片
更多
2021-12-04
677 浏览
到底日本匠人打理係咪就可以搵返日本既感覺呢？今次黎到位於旺區銅鑼灣既 秀殿 ，主力由2位日本師傅打理，店內位置不過20位，只接booking，不做walk in，好彩既話2星期後都有位既，所以想食依家就好book定喇🤣🤣🤣一入去，感覺成個格局好似Osmakase，本身有啲擔心價錢會super crazy，坐低睇左menu之後，又唔係咁誇張喎，都鬆返一口氣。主力食炸物既 秀殿 ，亦有唔少佐酒小食，成個menu比你既感覺就係冇可能唔嗌酒，所以佢都有一系列酒類供應，絕對滿足你既需求。除左主menu，牆身都有一系列廚師推介，大部分都係一啲時令食材，好似白子就係其中一樣喇。螢光魷魚沖漬調味同係外面食到既基本相似，但係口感係比較爽脆，而且魷魚既大細亦比出面大，明顯係自家出品。時令食材真係冇得頂，如果中意食依種油潤感，食落似豆腐咁滑既口感，白子一定唔可以錯過。調味上，微酸汁主要係為左避免食得太多既膩感，辣蘿蔔蔥花同昆布就輕輕為本身味道唔濃既白子加添底味，整體食落係輕盈既。生蠔👦🏻本身係蠔既忠實粉絲，見到有蠔就會想食，老實講，依度既蠔不過不失啦，但你唔會想浪費左一個quota，所以建議你食其他野😂😂😂
一入去，感覺成個格局好似Osmakase，本身有啲擔心價錢會super crazy，坐低睇左menu之後，又唔係咁誇張喎，都鬆返一口氣。
主力食炸物既 秀殿 ，亦有唔少佐酒小食，成個menu比你既感覺就係冇可能唔嗌酒，所以佢都有一系列酒類供應，絕對滿足你既需求。
除左主menu，牆身都有一系列廚師推介，大部分都係一啲時令食材，好似白子就係其中一樣喇。
螢光魷魚沖漬
調味同係外面食到既基本相似，但係口感係比較爽脆，而且魷魚既大細亦比出面大，明顯係自家出品。
酸汁鯛魚白子
35 浏览
0 赞好
0 留言
時令食材真係冇得頂，如果中意食依種油潤感，食落似豆腐咁滑既口感，白子一定唔可以錯過。調味上，微酸汁主要係為左避免食得太多既膩感，辣蘿蔔蔥花同昆布就輕輕為本身味道唔濃既白子加添底味，整體食落係輕盈既。
生蠔
👦🏻本身係蠔既忠實粉絲，見到有蠔就會想食，老實講，依度既蠔不過不失啦，但你唔會想浪費左一個quota，所以建議你食其他野😂😂😂
香烤明太子
9 浏览
0 赞好
0 留言
烤至外表焦香脆口，唔係出面買果種死咸味道，用黎送酒一流。
醃鰹魚肝芝士
唔少居酒屋叫依道菜做芝士酒盜，用濃味既醃鰹魚肝配上同樣濃味既軟芝士，味道既配搭相當特別，十分下酒，但佢就好似榴連咁，中意既人好中意，唔中意既人掂都唔想掂，全屬個人喜好。
薯仔沙律
11 浏览
0 赞好
0 留言
店長推介之一，一開始以為冇咩特別，薯仔沙律可以有幾神奇，第一次推介比我地，我都冇嗌到，點知第二次佢依然堅持，好啦，就咁試左，點知！真係出乎意外，薯仔本身打成左蓉，入面既材料雖然同普通薯仔沙律冇乜分別，但係每種材料個切法都唔一樣，食落有唔同層次既口感，而且薯仔同沙律醬既部分雖然冰凍，但明顯其他食材就溫度就冇咁凍，所以口感上先保持得住，所以全部都係心機活，小小心思令依個普通既菜式變得非凡。
青森蒜頭
炸至相當淋，食落好似薯蓉一樣，蒜味相當濃，有平時食牛扒伴既原個烤蒜頭既影子。
萬願寺青椒串
如果食得太膩，可以嗌一串，當食菜，但味道相對比較普通。
水牛城芝士
炸得相當香滑，入面已經溶晒，味道香濃，同西式炸芝士相類似，濃烈既芝士味佐酒一流。
炸鮑魚
8 浏览
0 赞好
0 留言
皮薄香脆之餘，鮑魚本身內裏仲未炸到全熟，外脆內軟食到最後仲有鮮味，加上肝醬作調味，係未試過既味道。
帶子三文魚籽
13 浏览
0 赞好
0 留言
推介之一，帶子鮮甜，薄脆口感，加上凍凍既蛋沙律，冷同熱既溫度差已經形成好大既沖擊，再加上三文魚籽比上另類脆身口感，係脆同軟滑中又玩左另一種感受。雖然口感味道複雜，但又平衡得岩岩好，可以食得出師傳巧妙既心思。
鯡魚子昆布
12 浏览
0 赞好
0 留言
未食過既味道！！！佢本身係一個漬物，魚籽中間夾住昆布，脆皮下係一個結實既凍魚籽，口感有少少似大塊版既希靈魚，只有魚籽果part，味道主要黎自昆布，唔算重味，主要係食口感。
炸海鰻魚
可能因為係炸既關係，佢並冇太多醃料做調味，令感覺似炸白身魚，冇乜特別，建議唔需要嗌。
炸蠔
9 浏览
0 赞好
0 留言
對蠔愛好者👦🏻黎講，算係不過不失，但又唔特別到必食，亦係可以唔食都唔會有遺憾。
炸蝦
11 浏览
0 赞好
0 留言
店長推介之一，蝦本身非常新鮮，炸完熟度既拿捏又係完美之作，蝦頭再以話係最畫龍點睛既部分，用左相對高既油溫將佢炸得相當脆身，蝦頭既蝦膏濃香，食完馬上想再食。
炸蟹腳
相比之下，蟹腳雖然都鮮甜無比，但就比蝦比下去，相對層次感少左，雖然熟度控制都係咁完美，但驚喜度就冇蝦咁大。
明太子炸雞胸
7 浏览
0 赞好
0 留言
店家推介之一，雞胸肉炸完依然好嫩滑，但肉本身冇乜調味，主力係明太子醬度，但明太子醬又唔算好濃，飲酒飲到咁上下會覺得味道唔夠，所以依款可能要早少少點先好😂😂😂
炸和牛柳
8 浏览
0 赞好
0 留言
都係冇乜調味既系列，不過入口口感認真不錯，未去到入口即融，似係溫煮既質感，係牛肉界既豆腐，不過對重口味既👦🏻黎講，亦係唔係必點之選。
明太子茶漬飯
14 浏览
0 赞好
0 留言
食依種炸串，一般黎講都係送下酒傾下計，要食到飽基本有啲困難，不過佢都有幾款飽肚既澱粉質供應，茶漬飯調味平衡相當好，茶香明太子咸香再加上香葉鰹魚湯味道，可以幫助解膩，同時又飽肚，係唔錯既選擇。
明太子忌廉意粉
8 浏览
0 赞好
0 留言
冇諗過一間炸串舖竟然可以食到咁好味既意粉，雖然又係明太子，但經過忌廉調味又係另一種風味，依種和食意粉汁醬較稀身，但味道依然保持到濃郁，意粉煮得岩岩好，可以話比好多和食店做得更好。
成個氣氛真係好岩去回味日本道小店，2至4個人去傾下計飲下酒，唔好以為👦🏻一次食左咁多野，係分左2日，仲要係連住2日，你就知到底有幾正，幾值得一去！
张贴
