鰹烏冬 (駱駝漆大廈第三座)

营业中

休息中

🙋🏻‍♀️Any udon lovers here 📣? Save 底左依間餐廳好耐，終於有時間去試啦！店舖位於觀塘工廠區，原來佢自己係有製麵工場，每日新鮮製造烏冬，而佢隔離就係餐廳。聽聞好多人排隊食，好彩今次唔洗點等就有得食✌🏻烏冬都好多不同款式配搭可以揀，選擇困難症既我都揀左好耐🥹 因為好多都好吸引好想試。有冷烏冬，熱湯烏冬，撈烏冬，素烏冬，有粗有幼烏冬。可以配搭的五款餸有關東煮，鯖魚，雞髀，金菇牛肉卷，天婦羅。太多combination 睇到好攰😆🍲鰹魚清湯烏冬配骨付雞$78 (魚湯豆乳+$5)淡淡既🐟魚湯豆乳味道好清但質地唔算太滑，無魚腥味，🥛豆乳味都相對地清。鳥冬煙韌彈牙口感十足，係真心好食嘅😙🍗雞髀真係幾大隻，烤到脆脆嘅雞皮，用上七味粉同好香嘅蒜蓉烹調，仲有淡淡既酒香，十分入味🤤 雞肉勁嫩滑超juicy，好impress 佢整得咁好食🫡 我諗我會為左食雞髀而返黎食🤭，不過下次食會試清湯🤔🍤天婦羅櫻花蝦雜菜餅 $20依個天婦羅炸得好靚，薄薄既炸粉配上份量十足既芫荽同櫻花蝦🦐，芫荽味好香，蝦味帶出淡淡既咸味，點上清淡既天婦羅汁，食起無左油膩感😌，味道整體好夾，整得好出色既雜菜餅一

暫時未係香港搵到比鰹烏冬好食既烏冬！佢啲烏冬係自家工場整真係煙煙韌韌又彈牙，仲可以揀粗麵定幼麵添我個人來講就鍾意粗烏冬啦-鰹魚湯咖喱烏冬配關東煮好似咖喱烏冬撈嘅食法影落睇嚟啲烏冬湯好似比較稀但越食佢就會混合埋烏冬嘅澱粉變得越嚟越杰身每一啖烏冬都掛滿晒濃濃既咖喱汁關東煮不過不失個人最鍾意食關東煮既大根可惜今次食到有渣鰹魚清湯烏冬配骨付雞即使係清湯仍然有滿滿既鰹魚昆布味昆布份量亦好足夠骨付雞係依度既必食招牌菜！首先雞髀有塊面咁大🤣雞肉有返咁上下厚度，肉質嫩滑表面有輕輕燒過，再淋左少少照燒汁係面食落真係啖啖肉，好滿足啊總括嚟講，我暫時搵唔到另一間烏冬比佢好食睇住小店慢慢開分店，美食自然會有人賞識Btw骨付雞係必叫既！！！

星期六收工就去左駱駝漆揾食，今次睇中左鰹烏冬，聽講老闆親身去日本學做烏冬再返黎開鋪點半鐘上到去，都見佢坐滿左9成，坐低睇下有咩食先，呢度主要分左冷同熱兩隻烏冬,跟住再分唔同湯底或者唔同味既烏冬，最後仲有關東煮、鯖魚、骨付雞、金菇牛肉卷、天婦羅五款可以揀，今次揀左熱既清湯粗烏冬配骨付雞等左一陣就有得食、骨付雞原來係一隻燒過既雞脾，望落燒得唔錯，烏冬入面有海帶、蔥仲有竹輪魚蛋，另外仲跟埋一碟天婦羅碎可以撈落度食，增加口感試下個湯先，好清，跟住有鰹魚既香味出左黎，幾好，再試埋個烏冬，好有咬口，煙煙韌韌，仲有麵粉既香味，新鮮做果然係唔同D,試埋隻雞脾，外皮少少焦香，入面有好多汁，又係好味，呢間係我食烏冬既首選