鳥山名

营业中

休息中

今日係荃灣行下街👫🏻，途中見到有間日本居酒屋裝修幾吸引就決定入去試下😋，入到去發現餐廳都幾闊落，日系簡約風裝修，木系和風設計為主，而且有卡位及吧枱選擇，係吧枱食更有種OMAKASE嘅感覺😆，點餐係用QR CODE落單，食物都相當多元化，有壽司🍣、刺身、卷物、鍋物🍲及串燒🍡，不論係偏向生或熟食嘅朋友都可以照顧到，值得一讚👍🏻-極上刺身三點🦐 - HKD98 + 刺身三點🦪 - HKD 58傾計得知店家會睇下當時有咩食材新鮮就放係廚師推介餐牌，我地就叫咗兩份刺身試下，店家就放係同一碟，極上刺身三點就有海膽、生蠔🦪及赤海老🦐，而刺身三點就有油甘魚、帆立貝及赤海老，海膽食落幾鮮甜無腥味😋，生蠔肉質幾鮮嫩👍🏻，食落更有微微嘅海水味，非常新鮮，油甘魚味道鮮美，帆立貝更啖啖肉，咬係口腔超軟呀😜~ 而赤海老肉質超彈牙有咬口，而且蝦頭嘅膏都好香，整體嚟講好抵食😚-鰻魚朴葉飯定食🍱 - HKD 132睇餐牌已經俾個大大嚿嘅鰻魚🐟圖吸引咗啦~ 依個鰻魚飯嘅特別之處就係佢飯下面有大大塊嘅朴葉，所以食飯時會有陣陣嘅朴葉香味散發於口腔中🤤，再配埋甜甜嘅鰻魚汁，特別開胃呀🤩，而鰻魚都幾厚身大嚿，食落去啖啖肉滿足感指

同朋友行荃灣之後叫到喱間好似唔錯就去左試下。我地大概7點幾去到，都唔算話好多人 唔洗等位～之後佢仲有一個區係比小朋友玩既，都幾有心 不過入面既玩具吾算好多😂之後到meun部分～我影左幾頁比大家睇，佢有刺身、壽司、串燒同埋d吾同既定食套餐......望落都幾吸引店內面環境都ok，都差不多滿座，算是半開放式設計，係個扶手電梯隔離。我就叫左鰻魚朴葉飯定食，我朋友就叫左辛辣肉醬黑豚叉燒石頭鍋飯定食，我地再叫左個薄燒牛舌串燒share個薄燒牛舌串燒好快就黎到，覺得一般般，有啲太鹹。之後都好快就黎左鰻魚朴葉飯定食，我覺得都幾好味，個鰻魚唔硬無骨，個汁都幾match。我朋友個辛辣肉醬黑豚叉燒石頭鍋飯定食都等左幾耐下，黎到無諗過咁大碗，我朋友覺得都幾好味，不過對於佢黎講有啲太辣。

今晚陪個 friend去愉景新城買衫跟住想揾間坐得舒服啲嘅餐廳食飯傾計我個 friend係荃灣地膽佢帶我嚟呢間裝修幾靚嘅日本餐廳.我哋坐在四人卡位 坐位好闊落餐廳內嘅環境令人覺得好舒服侍應非常有禮貌 立即奉上熱熱的玄米茶.餐牌上嘅食物價錢唔貴比起我平時在中環食平好多.我點了一客鰻魚朴葉飯定食除了鰻魚飯外還有麵豉湯 沙律 鹹魚仔乾 甜品 呢個飯份量好多 (我結果食唔晒)熱騰騰嘅飯好燙口 我要慢慢食鰻魚好大塊 魚肉軟滑香口我覺得鰻魚嘅醬汁略甜要撈埋啲飯食會更好味.我個 friend點了吉列豬扒手打烏冬我也試了一小片豬扒 真係好正豬扒外邊好脆 但內裏仍然有肉汁一啲都唔乾 配埋附上嘅沙律醬食一流烏冬內有栗米粒 葱粒及豆腐卜湯底濃度適中 我覺得好好好食.飲品點了凍百香果紅茶 凍檸檬茶每一杯只需另加10蚊 好抵

小妹今日同朋友係荃灣行完街一心想食日本野, 上網找左一陣, 睇下附近有咩好食黎左呢間係愉景新城地下既"鳥山名" 差唔多九點既時間, 鋪頭坐都滿人,  好彩小妹一行兩人, 好快就有位! 日本餐廳清酒一定唔少得, 但朋友唔飲酒, 唯有下次再試 一睇個餐牌, 真係令小妹眼花繚亂, 壽司, 串燒, 日式小食, 生蠔, 定食..... 最後小妹揀左呢幾樣北寄貝沙律手卷 ($26) : 紫菜夠脆, 呢樣好抵讚! 沙律同北寄貝好夾 火灸左口魚背($34): 呢款係小妹必點既壽司, 魚背燒得岩岩好, 魚油好香好濃, 入口魚油味入哂個口, 好出色 碎蔥三文魚($24):  冇根, 加埋蔥碎, 好鮮味珍珠生蠔($38): 生蠔好新鮮呀, 一D 都唔腥, 應該同呢間餐廳做開生蠔有關 薄燒牛舌($35): 牛舌好熱呀, 應該係即燒即上, 加埋孜然粉, 牛舌唔UN 鮮雞心($28): 雞心彈牙, 配上醬汁, 值得推介 走地雞胸三角軟骨($38): 呢串都好驚喜! 軟骨脆, 雞胸肉嫩 鰻魚朴葉飯定食($115): 性價比超高既鰻魚飯, 上次去日本食過呢種朴葉飯, 一直念念不忘, 估唔到可以係呢度食到! 鰻魚有少少

這晚去愉景搵食, 看水牌找到了這間日本料理, 平時行真係唔覺開左呢間野, 因為佢位置係屈左入去一個角落, 好難發現!反正冇乜頭緒要食乜, 見未食過就去試下啦~餐廳都幾大下, 座位闊落, 閒日晚上客人唔算好多, 2 個人入去比左4人卡位我地坐~見到特飲做緊優惠, 20幾蚊杯 , 叫左2杯黎試下味道唔錯, 梳打特飲夠解渴 , 特飲個味有溝過, 唔會好似飲一般果汁梳打咁單調先叫小食黎開下胃口, 點左去親食日本野都會叫的串燒厚切牛舌放在枱已經聞到陣陣香味, 牛舌賣相very good, 望落好厚肉, 足料! 加了幾滴檸檬汁就急不及待放一口了, 一咬, 好juicy! 牛舌唔UN, 牛味香濃, 真心有質素另外點了黑豚肉串燒, 一樣色香味俱全, 個肉一食落口就知唔同平時的~ 真係有質素的豬肉, 肉味濃之餘亦好軟熟! 感覺呢度D 串燒都整得唔錯散叫了幾款壽司 : 有金目鯛, 蟹糕, 明太子魷魚, 馬糞海膽, 和牛...全部都叫左出面比較少見的款, 當然價錢都比較高!黎到第一個反應係: 好迷你既壽司!! 魚生SIZE 比較細, 啖飯都係一小口飯...似乎食多10件都唔會飽 XD講返魚生, 每款都有質素