岩鹽日本料理 (利舞臺廣場) (已結業)

呢晚同中同相聚  呢間日本餐廳係利舞臺廣場，平日夜晚都好多人，等左接近30分鐘先入得  一入到去有卡位坐，都算幾舒服既坐底之後三個人叫左幾樣野食：第一樣黎既係香蔥吞拿魚碎卷，除了有紫菜飯包住滿滿既吞拿魚碎，其實就連紫菜外邊都有好多吞拿魚碎同蔥花 紫薯蓉特色卷，飯粒加入左紫薯，外面包住蟹籽同芒果。食落有D酸酸甜甜，幾特別炸軟殼蟹，新鮮炸起熱辣辣，份量都幾多  唯一美中不足係食落幾油食都咁上下，我地叫既鰻魚釜飯定食都上菜啦。 我地今餐黎之前無特登睇呢間鋪有咩出名，但係鋪頭玻璃窗就已經見到師傅好努力咁燒緊釜飯，當然我地唔會錯過呢道美食啦 除左釜飯之外，叫套餐既話仲會有味噌湯、沙律、刺身同埋一杯雪糕  釜飯既材料除左有鰻魚，仲有雜菌，菠菜，毛豆，令到口感同味道更加豐富 加上鬆軟既飯粒，食落成身暖笠笠 肥鴿同朋友都覺得呢度勝在餐牌很多選擇而且性價比高，又坐得舒服。難怪平日晚上都有咁多人黎食啦 😂

餐廳地址易搵，銅鑼灣A1出口左轉就係個個商場。平日時間食，一早訂位(7pm)，去到已經差唔多full，想食既建議要預先訂座。店入面座位與座位之間既走廊夠寬，而且好多2人位，又有窗邊位，亦有4人卡位。晚市提供dinner set，包沙律，麵豉湯，醃漬，飲品(咖啡/橙汁/柚子蜜)，亦有散叫，eg炸物，串燒，釜飯，鍋物，刺身，壽司......咩日本料理基本上都有。第一次食釜飯，先揀尼間餐廳。雖然有另1間專門食釜飯既餐廳，不過今次間餐廳有埋其他日本料理，所以特登去試下。叫左2個dinner set，分別 精選壽司配牛肉烏冬($20X)，鰻魚釜飯($135?)。釜飯入面有5-6粒原粒栗子，茹，蛋，菜，食落口個陣，我食到有d好似藥材既味，定係山藥味？不過幾得意，d飯既濕度ok，唔會太乾身，鰻魚有5塊，其中1塊有少少細骨，不過食得落口，好香燒汁味。另外set包蝦，三文魚腩，元貝，希靈魚？刺身，隻蝦有膏咁。壽司set有xx件壽司，eg海膽，蝦，三文魚......仲有牛肉烏冬。雖然烏冬後上(冇影到相)，睇落細碗，但牛肉甜，普通男仔食哂成個set一定飽。加上而家有promotion，只要每名食客like

成日喺銅鑼灣都諗唔到食咩，喺呢度search 度呢間野見到幾多正評就黎試下。一入門口發現原來呢度都幾大，坐低無耐就聞到好香類似燒三文魚既味，聞到忍唔住留口水聽講呢道出名食釜飯，叫左個饅魚釜飯跟餐，再加個岩鹽燒吞拿魚鮫。首先黎到係鹽燒吞拿魚鮫，真係燒得好香，就係一入門口聞到嗰陣隨，通常食開都係燒三文魚，好少食燒吞拿魚。原來都好好好好好味！吞拿魚燒完好多油走出黎，一定要加檸檬汁同海鹽先食落無咁漏。仲有個魚皮燒到好香脆，有豐富骨膠原。正之後到個鰻魚釜飯出場，今餐仲會有刺身，沙律同埋面豉湯。重點！！鰻魚釜飯，鰻魚份量幾多，打開又係香噴噴，有幾條菜喺側邊，加啲醬汁攪勻佢地食，好似食緊煲仔飯咁不過呢個煲唔會焗到有飯焦，如果有就perfect 池啦 (都忘記左而家係食緊日本料理，唔係大排擋) 而家正值栗子當造，除左鰻魚好食外，栗子都又腍又甜。面豉湯我通常都係飲一啖，因為太咸太多味精。不過呢度個面豉湯相對地清好多，無咩味精味，值得成碗乾左佢刺身有四款，厚切加好肥美，四件真係唔係幾夠喉！！百零蚊成個餐又要坐得舒服無限時銅鑼灣黎講都已經好唔錯。下次黎要試下海膽飯，見人地啲海膽山咁高。