釜之魂釜飯專門店 (淘大商場) (已結業)

釜飯，來自日本奈良，以釜器皿盛載米飯和肉類或海鮮，底層經熱力將飯燒焦，且滲透肉香或海鮮香。好開心在香港都吃到釜飯，而且在九龍區，方便約朋友吃飯。我點了黑椒和牛釜飯，表面少許燒焦，很香黑椒味，牛肉軟腍，每粒飯都滲滿了牛肉香。朋友就吃燒鰻魚釜飯，鰻魚覆蓋飯面，肉質很厚。朋友表示鰻魚肉柔軟又有點嚼口，鰻魚醬汁更可以額外免費加。蜜糖蕃薯，外層微脆，整塊蕃薯被蜜糖脆漿封著，外脆內軟。作為甜品挺不錯的，蕃薯還含有豐富纖維，前身體很有益呢！

一直都聽講呢度嘅鰻魚釜飯好食，今日特登黎試。店面好大而且好整潔，入面仲有好多位，所以坐得好舒服，而且都唔駛等位。入到去未叫野食就上左湯同前菜，前菜係辣芽菜，醒胃又香口。等左唔夠5分鐘鰻魚飯就黎啦。個賣相好靚，條鰻魚好大條，睇落有光澤，令人食指大動。第一啖鰻魚入口，好香而且唔咸，啲肉好滑，配埋飯食好搭。最特別係釜飯有飯焦，入口香脆，好有口感，好推介！！飲品叫左蘋果蜜，唔會話好甜，入口清新，配咸甜嘅鰻魚啱啱好！

食店: 金之魂釜飯專門店食品: 金魂（鰻魚釜飯）（$98）＋五花豚肉釜（$78）身邊人工作關係未能正日慶祝情人節❤️ 佢又鍾愛食鰻魚🐟 最近又看到呢間食店既鰻魚飯性價比高🥪所以年初五 決定提早慶祝 早場看＜銃夢＞午飯去試一試呢間釜飯專門店🍚味道方面 先講鰻魚釜飯 鰻魚夠厚身 鰻魚汁味道適中 不會過咸 飯採用珍珠米🍚 粒粒獨立分明 飯口感還可 亦有飯焦 但飯略嫌有少少生 至於五花豚肉釜飯一碗有7-8塊🐖 份量十足 但飯同樣都有少少生 整體而言 2個釜飯都偏咸 可能係由於飯本身已有南瓜 菇做配料 以有一定味道 再加上鰻魚或豚肉本身既調味和醬汁 味道有點遍重 飯後口渴感頗重坦白講 唔使$100食到一個鰻魚釜飯套餐 性價比絕對高 而其他釜飯套餐大概$60-$80 值得一試註：-- 午餐跟餐飲 我點左即磨咖啡☕ 味道確實不錯- 呢間店係近來淘大既人氣店 大家請預留點時間排隊

放假悠悠閒閒hea到2點幾先食lunch，經過見到間新餐廳食釜飯喎，一於試下2:30開始係下午茶時段，有部份飯會平d~我地一行三人叫左兩個鰻魚釜飯一個汁燒牛肉釜飯，附送前菜、麵鼓湯、飲品首先個汁燒牛肉釜飯到左，相都未影，友人已經食左😂淨係影到食淨既洋蔥... 食剩得就知洋蔥有問題喇，洋蔥唔熟好硬。然後到鰻魚飯喇。鰻魚一咬落去，無乜肉，薄薄的... 但真心，個飯底係好食既。其實以下午茶咁既價錢泥講，個飯係抵食既。