三河屋 (已結業)

我鍾意食鰻魚飯，但不少餐廳的鰻魚飯質素太參差:一係太薄唔夠撈飯；一係鰻魚汁太甜；一係太厚但乾身。 今日朋友帶我食呢間日本小店，家庭式風格，一入黎環境平實 ，睇得出經營左一段長時間。好有屋企湯感覺😅好大塊嘅鰻魚，一吃：肥、厚、juicy，尾部煎燶少少有啲脆口🤤🤤 啖啖飯都有鰻魚😍😍 $88有呢個質素係超級好 🤗天婦羅烏冬烏冬上先，炸物要等十五至二十分鐘 有三隻炸蝦，一條炸魚，炸蕃薯，炸茄子。除左蕃薯較生，其他都好味。烏冬湯好清，都用黎湛天婦羅鰻魚飯果然此店主打👍

4月份的星期六，下雨天，因睇戲之下來到紅磡(Firday尋尋覓覓之下終於搵到一間戲院仲有2位同有平飛預售的懷舊戲院)，咁就順便係果頭食埋飯先入場，同戲院相近的有間出名食鰻魚飯的店子三河屋(記得在幾年前曾幫襯過佢個fd尾張屋)差不多轉個彎就係，實在太方便了。 店子有落場時間，6:00後再開營業，我地就6:00多去食，呢個時段，唔太多人，內堂不大，裝潢實用的簡潔，服務上有人情味的街坊小店。 餐牌，除了招牌鰻魚飯，還有其他吸引的日食，但初到貴境，一於試下招牌貨。 share食。 鰻魚飯付送的麵豉湯，味道清清地有麵豉香味，唔會太鹹。鰻魚飯，$88，好大件又肥厚的鰻魚，口感軟嫩，味道甘香，好味，如果可多點鰻魚汁撈飯會更好味。 吉列豬扒北海道忌廉飯，＄58，友人以前是常客，多是食鰻魚飯，今次試新野叫了呢個，北海道忌廉醬汁十分豐富，食落是香甜的粟米味，幾好食，果然個汁先係賣點，炸豬扒入口香脆，味道唔算太好食但正常水準。鰻魚飯美味，有機來再食。 Avengers 4。

#紅磡 出名美食多，PolyU的學生真幸福🤤 就算餓底住所遠在新界，但仍無礙 #吃好西 之決心！.魚蝦蟹卻獨愛吃魚的餓底表示極愛 #鰻魚🤤 一聽到紅磡有間平民實惠 #鰻魚飯店，怎可錯過這條尋找美食的線索🤔.一坐下，目標明確，二話不說地點了一碗招牌鰻魚飯！等了一會兒，主角被放上枱面，「嘩！手掌咁大咁厚！🤤」，鰻魚厚身而沒什麼骨，醬汁濃郁惹味，白飯香甜軟身。.一口鰻魚一口飯，彼此在口裡互相交融，魚香與飯香特別合襯（還是餓底的私心而潛意識為鰻魚加分？😂）.除了鰻魚飯還有其他選擇，雖然賣相沒鰻魚飯那麼吸引，但也是美味之選！.價錢：HKD 88味道：8/10

農曆新年前最多開倉清貨，今次放工來了紅磡這邊掃貨。之後要食野補充返，上開飯見到三河屋風評不錯又抵食，梗係要試吓！如果只看門面，我估普通行過都未必會入去食。 一間小小的食店，無論門面還是內部也感覺出是老舖。貼在牆上的menu及裝飾也已經泛黃，很有年代感。雖然沒有壽司(不過有刺身)，但有其他很多在香港坊間也未必有的選擇，例如漬物、關東煮、大阪燒等，這間小店都應有盡有。我同朋友叫咗三文魚刺身、關東全煮、咖喱吉列豬扒飯同鰻魚飯。三文魚刺身以68蚊來說，份量不少，鮮甜肥美。最特別係用咗昆布碎放在三文魚底，不是一般的蘿蔔絲和紫蘇葉。 昆布食落少少咸咸地，都幾得意。關東全煮內有7樣食物，分別是雞蛋、蘿蔔、獅子狗、芋絲、蒟蒻 (木薯糕)、淮山卷和鯊魚蛋，碗邊放了少少黃芥辣。蘿蔔入哂味好食；個鯊魚蛋非常淋，都幾特別。其他就正正常常。個湯就覺得普通，甜豉油太重，偏咸，好在無點影響裏面食物的味道。咖喱吉列豬扒飯好大份，滿滿的咖喱覆蓋了大半隻碟，賣相吸引。味道方面是甜咖喱唔辣。豬扒雖然不算好juicy但都唔算乾。成個飯總算唔錯。鰻魚飯d鰻魚有兩大舊，而且都幾肥美，頭尾燒得脆脆地，如果成條都有呢個效果一定更正。

聖誕節，來到黃埔逛逛，再去睇燈飾一年前都有來吃過，但沒有食鰻魚飯今次一定要來食碗出名的鰻魚飯除了鰻魚飯，還選了煎雞飯、燒鯖魚兩個飯都有包麵豉湯，個湯好熱又多料，有芽菜，不重味精味道，唔會好咸好飲鰻魚飯來到，好靚好肥美的鰻魚😋 鰻魚肉厚又多汁，配飯吃很正，一個人食就會有點膩😅煎雞飯就普通，熱熱的、多些汁會更好燒鯖魚都好吃，燒得好金香，食落唔會好鯹，又唔會乾，好味😊小店一間，裝修簡單，環境一般，但用心製作，食物好吃👍🏻 最重要是沒有加價！

一間由日本人開的小店。食物的品質味道都不錯，但你不要期望有日本式的花巧配飾。北海道忌廉漢煲扒飯，漢堡扒是自製的，雖細細塊，不過鬆軟入味，非一般現成製品可代替。而個忌廉汁都調制得香滑，我唔多吃飯的人都將成碟飯撈汁全吃光。咖哩漢堡扒飯，吃多了忌廉汁會有罪惡感，轉轉咖喱味也不錯。鰻魚飯配送味噌湯，鰻魚厚身，煑得軟滑，雖然$88，但分量夠，鰻魚汁很多。一提味噌湯，比起一般日式餐廳的較清淡不濃，添加了芽菜，好飲。 三文魚刺身厚美，唔係平價貨。山形天童冷蕎麥麵，可能因即做，所以較濕水便上枱。冷麵汁加入紫菜，少許Wasabi和葱粒，蘸麺吃一流，如叫多一個炸蝦天婦羅，就perfect啦。 豬骨湯拉麵，內有义燒、筍、粟米等，你亦可加$8轉烏冬的。唔太多材料，味道還可以啦！

睇演唱會前當然要喺附近食個晚飯醫飽個肚先啦，今晚就去到鰻魚飯十分出名既三河屋試下。甫去到，門口已經有不少人在等位，好彩我地預留多了時間，大概等了15分鐘就可以入座。鰻魚飯當然係必點啦，另外我地仲叫左小食章魚小丸子。章魚小丸子先上，熱辣辣，要攤凍一陣子先放得入口。一咬落去，外皮脆卜卜，比很多在街上買到的高質。之後就到鰻魚飯，確實名不虛傳，十分肥美，而且超長超大條，絕對可以食到最後一口飯都有魚肉伴住！

下午2點左右 入左呢間舊式既日本小居酒屋呢個餐牌係想營造咩既感覺? 點解會咁..印象分大減牆上既餐牌 唔通又係歲月既痕跡?炸帶子拉面 ($38) 雖然係炸物 但係浸住係碗豬骨湯入面 感覺都幾伏 我仲以為會分開上添 不過同個價錢都成正比既鰻魚飯 ($88) 配埋麵豉湯 鰻魚燒得岩岩好 配埋d汁撈飯好正唔會覺得有腥味 而且無細骨炸魷魚鬚 ($38)椒鹽粉都落得唔少 不過不失原來午市係1200-1430 係1410左右有客人推門入黎 員工都已經話唔做生意 叫佢地去對面既尾張屋 原來2間鋪係有關係架?而我哋都被催趕一定要係兩點半之前離開..

餐廳沒有華麗的裝潢，牆身貼滿了日文餐單，牆角有一部十分老舊的電視機，彷彿到了數十年前的日本。鰻魚飯甫一上枱，便聽到滋滋的聲音，鰻魚的表面不斷地湧現小氣泡，加上那股香氣，令人食指大動。吃下去，鰻魚肥美軟滑，雖然比起在東京吃的鰻魚飯不夠驚艷（是一家沒有人介紹的小店），但它比很多香港的日本料理店為好。隨鰻魚飯附送的麵豉湯也不錯，第一次見麵豉湯係有芽菜。北海道忌廉吉列豬扒飯，忌廉的味道像極在某數字屋可售的罐裝北海道粟米湯，但不同的是，此忌廉汁中加入了薯蓉，豐富了口感。吉列豬扒皮脆，肉質尚可，但它會皮肉分離，故可惜了。另外吃了鹽燒三文魚骨，要等30分鐘，味道中規中矩，比較愛吃靠近鰭的部位，因較肥美。章魚丸子的粉漿一般，章魚粒較小。

長期都好多人排隊, 店面雖然好殘舊 但係好有傳統日式小店既風味 幾特別~ 連食物都好日式同特別 有別於普通既日式食店!樣子頹頹 但係好有驚喜！忌廉汁好日式 係粟米濃湯嘅味道 仲要係似有d薯蓉底個隻味道同質地 食得多係會飽而唔係漏 絕對唔係罐頭湯咁~漢堡扒就一般啦 比較細塊 唔乾身 不過就未到juicy既程度 肉粒切到好細但唔易散~ 佢既飯量十分多 而且忌廉汁好飽肚 所以一個女仔食一個可能會太多鰻魚飯基本上枱枱都叫 會跟一碗麵豉湯天啊！鰻魚太肥美了吧！鰻魚很厚很大塊 咬下去有濃濃的油脂香味 更塗上厚厚的一層燒汁 整個味道超濃超豐富 很正哦！定價一d都唔貴 係其他舗頭食起碼都一百以上!!!

成日都覺得，香港好多食肆提供既日式食物質素都好高壽司，刺身，拉麵，串燒都可以整得好好食唯獨鰻魚飯不能登大雅之堂，因為始終不及日本(當然我未係香港食過幾百蚊既鰻魚飯)但食過三河屋，真係可以改觀曾經係荃灣某同樣出名鰻魚飯既餐廳食過，質素只係一般所以今日都只係抱一試無妨既心態黎到三河屋下午12:30到達, 一坐低就已經感受到「昭和風」，好似身處80年代既格局, 陳設公眾假期既今日, 仲要食飯時間, 竟然餐廳都無好多人到食完走人, 餐廳都只係維持6~8個人左右, 好清靜, 好有日本既小店感覺!!!!!正!!!!!!2個人叫左鰻魚飯(附麵豉湯), 大阪燒餅, 日式漢堡扒先黎主角鰻魚飯, 一上檯已經香氣撲鼻重點之一, 碟飯係新鮮即叫即煮, 非常熱! 唔會係整定係度放到凍晒!魚肉唔爛/un, 好新鮮第二, 醬汁份量適中, 味道剛剛好第三, 飯真係夠多, 2個人share都夠食!唯一美中不足可能係無用傳統四方形既日式容器, 否則, 感覺再豪華D(不過呢度唔係sell豪華XD)日式漢堡扒, 好有家庭既感覺味道好溫柔, 唔會過咸小弟鐘意食好粗肉粒感覺既漢堡扒, 當然因售價所限, 呢度就唔能夠做到lu大阪燒

紅磡食肆我只識加太賀，而老公今次帶我嚟三河屋，主要係食我至愛既鰻魚飯，之前新假期介紹過都己經覺得好吸引，估唔到咁快就見到佢真身 雖然店內又細又迫，但第一次嚟就見到老闆同店員既熱誠服務，有客人話係素食人仕，老闆都好有耐性講解有邊Ｄ素食食物，所以我覺得大家迫少少都OK，其實嚟呢度都係食服務同好既食物，所以下次都會再嚟幫襯。鰻魚飯 $88主角鰻魚又大條又肥美，足足有大半隻筷子咁長架，肉厚咬落好實在好有口感，味道唔腥又無骨，而飯份量就非常大，粒粒分明，如果再黏D就perfect。鰻魚迷必試！海老蝦天婦羅 $48一客有5隻，每次都係即叫即炸，上枱非常熱，外層炸得好香脆，炸漿唔會過厚，而蝦就非常彈牙，食兩隻都真係唔多夠喉，推介！螢光魷魚 (生食) $38口感似平時食開一片片既白色魷魚刺身，而味道就似罐頭沙甸魚，但就係醬油味既，不過呢隻醬油似乎咸過龍。大阪燒餅 $38燒餅好細塊，直徑大約有10-12cm，但最特別之處係燒餅底面兩面都會煎香，咁口感就唔會太粉，再加埋大量木魚同沙律醬，好味！池魚開邊燒 $68一上枱就有D失望，賣相唔吸引，而味道都無乜特別，係有魚味，但唔會好似三文魚／油甘魚／銀鱈魚果D咁

打從地鐵開通以後，紅磡嘅可達度越來越高，大口就梗係比以前更經常嚟呢度搵好野食。雖知道呢區小店多，好多食店都係臥虎藏龍，今次就係要嚟呢間喺區入面紅到發紫嘅日式食店-三河屋。老實講佢店面好低調，而且入到去都無咩裝修，所以都無咩好大嘅期待。不過今次大口嘅目的其實只有一個，就係要試一試佢嘅鰻魚飯！大口就當然點咗鰻魚飯($88)，朋友點咗漢堡扒忌廉飯($58) 鰻魚飯等了一會就上場喇！鰻魚有大半條，肉身好肥好厚身，入口無好多碎骨，，醬汁都好濃，大口表示好滿意！至於朋友嘅漢堡扒忌廉飯，佢話個忌廉汁都幾好味，甜甜地都鐘意。但漢堡扒就比較細舊舊，不過加埋紅蘿蔔同薯仔配菜都夠飽～　兩個其實味道都唔錯，但賣相呢，我覺得堡扒忌廉飯可以再加強一點點…不過總體而言，鰻魚係高質嘅，一定會再嚟!

店舖細細，但係就好有日本風味！ 好似古代日本鄉村嘅家庭式小店先來一客汁燒炸茄子（冷），＄18有六件！不過不失啦，雖然唔算太入味，但前菜來講都OK嘅！可惜比佢個名呃左，原來唔係炸嘅麵豉湯，好濃好好味！同平時飲開味精粉個種完全兩回事！又唔算太鹹，味道啱啱好， 叫鰻魚飯同天婦羅飯仲係免費送嘅添之後share咗個鰻魚飯，鰻魚超大超肥美，拍得住肥前屋！白米係珍珠米嚟嘅！＄88 ,超抵食另外就係一客天婦羅飯，三隻蝦、一件魚、一件茄子、一件番薯！天婦羅件件都脆卜卜！茄子同魚更加係外脆內軟超好味！直頭好想食完再食雖然鋪頭嘅座位比較逼夾，但都幾有feel！原來有不少明星都鍾意嚟呢度食嘢，我哋仲撞到鍾啟光添！衛生程度來講就一般啦！枱面都有少少污糟，但服務係唔錯嘅！ 重點係唔使加一好抵食

根據openrice其他食家評級，周日光顧此店！店舖地方少，雖已滿客，但異常寧靜。芥辣八爪魚：芥辣味適中，不太咸！前菜首選！鰻魚飯配例湯：例湯先上，非麵豉湯。滾熱！鰻魚飯分量足，兩大片鰻魚，肉厚，讃！鰻魚汁亦不太甜，珍珠米飯亦可以！整體正評！大板燒：分量較少，味道可以，一般一般！