櫻花日本料理 (已結業)

身邊有不少朋友都會在4月頭飛去日本看櫻花，她們會一早作好準備，所以不單止搶到機票，還要是靚時間和價錢合理，而我....總是心大心細，遲遲未能下決定而錯失良機，每年都是得個 “恨”字。今年也不例外，同樣錯失機會，收到朋友的櫻花相，個心有點酸溜溜......雖看不到櫻花，但幸兒有好友推介了一間「櫻花日本料理」餐廳給我，除了名字叫櫻花外，還有我最喜歡的廚師發辦，就讓自己好好享受一餐補返數啦！餐廳以木材色為主調，簡簡單單放了一些優雅的擺設，裝潢雅緻簡約，感覺很舒適。地方寬敞開落，設有三大個用餐區，有四人卡座、鐵板燒房間和我今晚的位置— 壽司吧枱，能邊品嚐美食，邊欣賞師傅的手藝，兼互相交流，一大樂事！細看餐牌，有兩款廚師發辦，揀了花 HANA ($1280)，包有先付、刺身5點、壽司7件、吸物和甜品，份量剛合我需要。******************************正等待師傅準備之際，先送來鱈魚片($0)醫醫肚，片片金黃薄脆，味道稍稍鹹香，用來佐酒一流，就來一杯梅酒吧！在推介下要了一杯鶴梅完熟梅酒($58)，除有梅 外，還加入桃 釀製，既有酒香，亦有果香，入口順喉，味道又不會太甜，正合

小鮮肉老公和人妻， 最近有十分值得慶祝嘅事情發生咗～～ 所以決定一齊食番餐好嘅haha!!! 所以今次決定去食高級日本菜呢間舖頭好特別～ 有兩個門口嫁～～ 而餐廳入口就開起和安樓正門的後面大家記住注意下～ 如果走後門要㩒鐘㗎～～哈哈精緻的餐碟實在令人食慾大增， 而且 一坐低侍應姐姐就為我哋附上熱毛巾熱辣辣抹完手零舍舒服事不宜遲首先食下前菜先， 鱈魚片非常乾身，直情好似餅乾咁～ 脆卜卜又鮮味！ 直情可以食極唔停口 這個精緻嘅擺盤～ 簡直令人食慾大增！ 首先當然係由淡味食向濃味，先飲下個冬瓜湯， 青瓜湯非常濃郁而且加咗少少海膽下去，增加鮮味 苦瓜天婦羅亦十分特別，酥脆輕薄的麵衣裹著結實爽口的苦瓜，甘而不苦！！開始入戲肉～ 首先食咗厚岸蠔先 厚岸蠔鮮甜～ 帶有淡淡濃郁海水味！ 蠔味香濃！！ 上面加咗一點點蔥花和新鮮紫菜～ 不用 調味已經啱啱好！！之後係時候食真鯛刺身了～～清鮮甜美～ 上面加了一點食用菊花， 不但味美，視覺效果也一流！切成薄片的真鯛刺身用了秘製的醬汁調味，鮮味更突出。刺身部分店員姐姐非常有耐性地為我逐一講解～ 佢哋由左至右開始排列分別是大刀鯛，太刀魚，深海池魚！！ 大刀鯛～廚

友人約這店共晉晚餐，一聽到店名，即時想起...... Sakura sakura 那首日本歌 ^_^再想起以前去日本賞櫻的開心往事。所以都頗期待是次晚餐 一入內，簡約設計，仍隱藏著日本風格。座位寬敞舒適，坐這裡都不錯。殊不知，我們不是坐在這裡，是坐獨立房間呀 令我既驚且喜...... 原來今餐食鐵板燒！我們點了晚市套餐，主菜是龍蝦及日本近江和牛。餐具的擺放都很講究。先奉上小吃，鱈魚片，燒得香口，再沾上沙律醬更惹味！精緻的前菜，為這晚餐打開序幕 ^_^刺身三點，有金目鯛、牡丹蝦及活赤貝，鮮甜美味 黑松露炒粒貝，放醬汁都似藝術品！原味食到鮮味及黑松露味，亦可沾上羅勒汁，食到另一番風味！而我較愛原味，夠鮮！我亦愛吃鰻魚，皮脆肉厚，煎得香口，再配上鰻魚汁，非常美味！和風白飯魚沙律，白飯魚配沙律菜很特別，別有一番風味 主菜出場喇 廚師突然叫我們準備影相或攝錄......突然 "Boom" 一聲，嚇一跳，但很精彩 日本近江和牛配蒜片！一口牛肉粒，入口即有少少想溶的感覺！再配上脆口的蒜片，恰到好處 另一款主菜，蝦羔龍蝦！嘩！啖啖肉，爽口彈牙！蒜片炒飯，粒粒金黃、香口，不太油膩！焦糖多士，很特別！煎香

朋友帶路先知蘭桂芳附近有間日本菜，主食鐵板燒同日本料理，環境優雅舒服，2人好寬敞的卡位，同朋友傾計食飯一流。前菜送上鱈魚片，小薄片好鬆脆，有淡淡鱈魚香，伴少少沙律醬，好香口的前菜。這個天時，有什麼好得過叫一枝啤酒解暑?! 呢度有生啤同枝裝，選了枝裝的Sapporo premium beer，比較清淡，啱我，最impress既係隻金屬杯真係好夠凍，未飲都消暑了。枝豆，唔會太多鹽，微溫，軟硬亦剛好。鐵火卷，即吞拿魚卷，雖然係卷物，都食得出吞拿魚的鮮甜，而且沒有筋，肉質柔軟都係夏天精選，天婦羅配冷蕎麥麵。蕎麥麵的質地都幾彈牙，天婦羅好齊全，蝦、蕃薯、茄子、南瓜、青椒，上檯剛炸好，炸粉鬆脆微熱，蝦身爽口實肉，証明一定係新鮮既。日本近江牛係日本最本最有歷史既和牛，見到就好想食啦有燒、壽喜鍋等幾款食法，選了壽喜鍋，甜的湯底配以蔬菜菇菌類。和牛100g都有6，7片，肉質果然無令我失望，好鬆化，有牛香，配埋蛋漿食，nice~整體都見到餐廳既質素，但最喜愛既，竟然係鰻魚飯，一打開已經好吸引，盛滿了12片厚身鰻魚，看是剛燒好的，特意唔上汁，仍可保留魚皮魚肉的微脆。咁厚身肥美的鰻魚，看也看得出是新鮮烤的，絕

浪漫滿櫻花再次約到女神出來食飯, 當然係就佢近近地中環食, 同埋食日本菜啦. 倆口子一坐低未諗好食乜, 已經有毛巾,茶同小吃奉上. 小吃唔單止精緻好睇, 鱈魚片仲應該係有煎過, 又香口又好食. 我地決定食鐵板晚餐. 前菜: 待應生上菜時, 唔單止逐一介紹名字, 仲講埋食嘅次序. 左下: 蛋王醋蟹肉, 啖啖蟹肉又開胃.右下: 櫻海老團子, 香脆可口. 中上: 翡翠冬瓜, 夠晶瑩通透, 仲有種很清新的感覺!刺身分別係: 鯛魚, 牡丹蝦同赤貝.嘩, 你睇下D鰻魚, 靚到好似叉燒咁! 天氣咁熱, 唔單止日本人鍾意食, 我都好鍾意食呀!!主菜: 日本九州鮑魚睇住師傅由好生猛鮑魚好用心咁整成, 仲不時同我地仲介食材點整點食, 感覺特別正!! 份量十足嘅炒飯.粒粒金黃香口, 又唔會太油膩. 甜品: 焦糖多士金箔櫻花水信玄餅:  晶瑩通透的外表, 唔單止好高貴,仲好夢幻呀!慢慢食, 慢慢傾, 食足三個鐘. 時間仲早, 又耳猶未盡, 決定行上兩步到蘭桂坊繼續傾.  

有兩次去日本（關西、九州）都校正櫻花季節出行，不過，兩次都喺出發前個零月先話當地有寒流，比原定預測嘅開花時間遲個多星期，故跟櫻花再次緣慳一面。今日同朋友嚟到中環嘅「櫻花日本料理」，跟賞櫻無關，只喺老朋友聚舊食餐午飯而已。屬細街掘頭巷嘅和安里，不時都會經過，眼見越嚟多食肆進駐，短短一條街仔，已有超個10間食店。其實中環有唔少價位相宜嘅日本餐廳，不過，想同老友坐得舒服，輕鬆寫意用餐，所以，走過嚟「櫻花」。整體裝修簡潔高雅，枱與枱分隔好開，完全無擠逼感。入門口右邊一列鐵板燒吧枱位，喺欣賞師傅手勢嘅上佳位置。另一邊近窗則喺一排排卡位，通花木框間隔，令前後排卡位減低騷擾度，而卡位極之闊落寬敞，好坐舒服，喺小弟覺得最靜侷、最少騷擾嘅位置。而枱上嘅餐具都好精緻，茶杯、碗、醬油碟、筷子……都好配合環境。鱈魚片先嚟一小碟鱈魚片，喺店家小小心意免費奉送。如半塊麥芽餅乾大細嘅鱈魚片既薄且脆，沾少少沙律醬，感覺更香口。嚟得咁好環境嘅「櫻花」，就算食午餐，價位都預咗喺中等。不過咁，午市套餐都有平有貴，平則$170有交易，要豪華啲享受，貴到$780都有。而所有午餐都包括沙律丶蒸蛋丶麵豉湯丶咖啡（或者雪榚）。沙律既

「櫻花日本料理」是一間新開的餐廳，位於旺中帶靜的和安里。踏進餐廳的一刻，已能望見一張敞闊的壽司吧枱；放眼四周，則可感受一份中環餐廳少有的闊落感。是晚二人同行，被安排坐於卡座，除了私隱度高外，用餐環境亦十分舒適。 「鱈魚片」是店家送贈的前菜小吃，只要儲存處理恰當，不難保持那份吸引的脆香食感。刺身壽司一向屬日本料理的重點美食，「櫻花日本料理」亦十分看重這範籌，餐單近三分一的篇幅也與刺身壽司相關。這碟自選刺身盛內含三款刺身，分別是大吞拿魚腩、中吞拿魚腩及海膽。「大吞拿魚腩」與「中吞拿魚腩」各有捧場客，前者味道甘香，入口溶化，淺嚐一件滿足感十足；後者雖然肥美感稍遜，但魚味更重食感更平衡，遇上帶筋的機會相對較少。 馬糞「海膽」來自日本，面上放了數片金箔作點綴。吃時以紫菜包裹海膽，亦可考慮多加兩片食用花瓣添色添味。海膽味濃鮮甜，完全沒有令人不悦的防腐添加味道，出品高質。相比刺身，壽司多了一份功夫，多了一種食材。壽司用上日本米是基本要求，配上味道更柔和醇香的赤醋飯則是錦上添花。「牡丹蝦壽司」屬小編最愛的壽司之一，雖然牡丹蝦選材不算大隻，但無減其鮮甜味道的發揮。在牡丹蝦的上方，加添了少量鹹香的蝦子提

櫻花日本料理是一間位於蘭桂坊附近的日式餐館，由皇后大道中沿著德己立街向上行，左邊的蘭桂芳入夜後熱鬧非常，但右邊的和安里卻異常僻靜，兩街雖然僅相隔數米，但氣氛卻對比強烈。櫻花就位於和安里的盡頭，所以如果不是識途老馬，絕不會留意到它的存在。＊＊＊＊＊＊＊＊＊＊＊＊＊櫻花是一間中高價位的日本料理，全店跟大部份料理店一樣以淺木色為主調，環境清幽寧靜，從喧鬧的德己立街上來，特別會有一種仿如隔世的感覺。櫻花主要提供廚師發辦的壽司/刺身套餐或鐵椒燒套餐，同時也有單點項目如酒肴、一品料理、串燒、燒物、揚物等等。中高價位的日本料理店都有熱毛巾提供，但櫻花可算是我見過換毛巾換得最多的日本餐館，估計整晚都換了工四次毛巾。鱈魚片鱈魚片是餐前免費小吃，味道跟日本零食鱈魚條是一樣，但口感卻比較脆口。味淋魚干($90)味淋不單令魚干增加了甜味，還令它更有咬口，令人忍不住一條接一條吃。壽司可以逐件點，選了其中四款。帶子壽司($70)帶子很肥美厚肉，完全把下面的壽司飯覆蓋，而壽司飯用上赤醋煮成，飯和帶子中間又加了一點芥末，所以基本上不用再另蘸醬油也可以。三文魚子壽司($60)三文魚子壽司是我的最愛所以每次必點，三文魚子