水門雞飯 (豉油街)

营业中

休息中

一大班朋友仔食泰菜好既地方就係試到唔同野。-鳳尾蝦金邊粉 ($75)金邊粉炒至乾身、有鑊氣，酸酸甜甜，令人想一啖接一啖。配料有幾隻又大又飽肉既蝦。性價比無可挑剔。好味。 水門雞飯 ($54, 轉雞脾肉+$10)每次黎都必叫。作為招牌既水門雞飯，我覺得佢係一係完美既泰式海南雞。細長型的米一睇就知係泰國米~雞肉好嫩好新鮮，雞食埋皮都冇咩油膩感。食左咁多次都係覺得佢既沾醬好特別，但就送個碗帶有胡椒既雞湯唔係太正。 水門炸雞飯 ($50)冇水門雞飯甘好食。炸雞炸粉唔厚但竟然唔脆，雞肉炸完仲變老曬。 香辣肉碎沙律 ($68)香辣肉碎沙律即係生菜包，肉碎唔柴，上格好香，可惜唔夠辣。不過生菜包份量比較少，得5片生菜，一人一塊咁就冇左，如果可以多少少就好。 串燒 ($14/串)雞肉串同豬肉串都至少叫3串，正正常常，冇泰國咁好但都已經唔錯。 凍泰式奶茶 ($22)唔係我杯茶，茶太濃，好苦。

去到旺角，人太多，間間餐廳都排長龍，根本唔可以作為該餐廳好食與否嘅指標不過唯有呢間，人龍係應該存在嘅，皆因佢未開嚟旺角前，由大埔總店開始，已經好受歡迎大胃之前食過佢個雞飯真唔錯，今次食吓我最愛嘅Phad Thai，都係誠意之作，粒粒鳳尾蝦又大又多肉，金邊粉又夠入味上色食招牌海南雞，又想食埋其他菜式，於是嗌個三餸飯，一次過食埋炸雞同內臟，超脆超香口配有兩碟醬，海南雞醬依然係最出色，仲有雞湯送𠻹食完雞就食腩仔，外皮炸到卜卜脆，內裡肥瘦肉分明，咬落好有層次，點埋辣醬加添一點刺激呢度有好多泰式飲品選擇，亦有港式飲品香茅特飲夠凍又夠清香，係清暑小涼伴

想用平價食好多嘢, 水門雞飯就好適合喇, 呢度一個飯/ 小菜都係幾十蚊, 飲品十幾至廿幾蚊, 超級抵, 但質素都好有品證, 所以晚市基本上都要排隊入坐咖! 我一路等朋友一路排, 其實大槪5分鐘就可以入坐, 等朋友嘅時間仲耐!🤣🐥 水門雙併雞飯 ($52)嚟到「水門雞飯」當然唔可以唔食雞飯喇, 我哋叫咗雙併飯, 一次過試晒水門雞同水門炸雞, 仲送一碗例湯添! 水門雞就係白切雞, 雞肉嫩滑好味, 兩款雞各有唔同嘅醬可以點; 油飯超級香, 軟硬適中, 唔鍾意食白飯嘅我都食晒!🦐 鳳尾蝦金邊粉 ($75)另外叫咗個我不嬲都好鍾意食嘅金邊粉, 酸酸甜甜, 適味好好, 而且又夠乾身~ 一碟有四五隻鳳尾蝦, 爽甜多肉, 好味😋🍢 串燒 ($14@)串燒$14一條, 最少叫三條, 我同朋友就叫咗兩雞一豬; 串雞夠惹味, 加上香濃沙嗲醬真係冇得輸! 我就鍾意雞串多啲, 因為雞肉比較juicy~🧃 菠蘿冰、芒果冰 ($26)朋友嘅菠蘿冰好fresh好消暑又清新; 我嘅芒果冰就好香好濃芒果味😛

每次到泰國必食水門雞飯🥰， 以前更加每年最少去一次泰國， 因為疫情關係只可以留在香港， 幸好還可以吃到泰國口味的水門雞。 位於旺角豉油街的水門雞飯， 星期六的晚上餐廳外排長龍， ⭐入到店內就快快點我最掛住的水門雞飯$54， 然後還有鳳尾蝦金邊粉$75、 豬肉串燒兩串$28、 雞肉串燒$14和 凍泰式奶茶$22。🤤📌水門雞飯🍛～ 第一啖已經食到泰國的風味， 皮薄肉嫩的海南雞😋， 雞肉的脂肪較少，油飯香噴噴且軟硬適中， 配上有香濃胡椒味的雞骨湯， 水準不錯。📌鳳尾蝦金邊粉🍝～ 即叫即炒非常有鑊氣， 一碟有四隻啖啖肉的鳳尾蝦🦐， 爽口鮮甜的肉質👍🏻， 配上酸酸甜甜的金邊粉， 炒得乾身又好味。📌豬肉串燒🍢～香濃的醬汁帶甜味，豬肉串燒入口時再蘸一層濃濃的沙爹醬🤤，美味開胃。📌雞肉串燒🍢～雞肉嫩滑好味👍🏻😁，配上沙爹，馥郁香濃。📌凍泰式奶茶🥤～入口偏甜而滑溜，正宗的泰式味道。水門雞飯味道正宗，懷念曼谷的風味一定要來試下。😁👍🏻