星記海鮮飯店 (The Phoenix) (已結業)

「星記飯店」這名字，相信在灣仔上班的大家都非常熟悉。星記星期一至五都有午市套餐，而且價格合理，因此午市都坐無虛席。*溫馨提示：要預早訂位啊！今日一行8人又來到星記吃午飯，幸好有預早訂位，來到時枱面已放好一切。店員非常貼心，為我們在椅子上的外笠上保護套。介紹下我們吃了什麼！椒鹽鮮魷必推！炸粉小，厚切鮮魷，皮薄肉厚！火候適中，食落煙煙韌韌好食食！非常推薦！金莎鮮蝦豆腐鹽蛋黃不足，但不錯，送飯幾好。鮮蝦略少，豆腐是玉子豆腐，都挺特別的！鳳梨生炒骨正！肉多骨太，有肉吃，調味很好，鳳梨甜，酸酸甜甜，非常開胃！肉碎麻婆豆腐配飯一流，可惜辣度不足，但豆腐香滑、大小適中。蝦腰涼瓜炒蛋一般。涼瓜片略小，蛋不夠滑。臘味芋粒炒飯飯量多，適合大班人食。臘味足，味濃，飯粒分明，炒飯乾身，不錯！不錯！有驚喜！有糖水送，今天是綠豆沙，有臭草及果皮，用料足！

今晚飯局，朋友因為工作關係，建議在灣仔星記食，又可以試新嘢，反正依間未食過七點半準時到食店，地點在The Phoenix 大厦三樓，一出Lift 嚇咗我一跳⋯⋯貼住個Lift 門口已經有一張大圓枱食緊飯，真係好貼架Lift 㗎！大概出Lift 兩至三步全院滿座，好彩朋友一早訂咗枱，否則一定冇得食後來先知原來依間是米芝連推介⋯⋯嚟到梗係想食招牌野啦！杏汁豬肺湯、泥猛粥，豬潤⋯⋯通通冇晒！原來要預訂！冇預先做功課，冇得食因為樓底太矮，枱與枱太密，全院滿座，加上大部分都互飲啤、紅、白酒⋯⋯碗碗碟碟、酒杯聲音互相交錯⋯⋯熱鬧非凡茶芥系列中，依碟醃蘿蔔，好入味蔬菜平均價$88以上，而小菜由$108 起⋯⋯鳳梨生炒骨$128, 唔覺有乜特別，價錢略貴梅菜蒸菜芯，菜芯蒸過火，太淋身椒鹽鮮魷，唔夠乾身，魷魚太多水分輝哥煎咸雞，雞唔夠滑身，半隻$200金沙鮮蝦滑豆腐，餸飯一流香煎手磨蓮藕餅，有陣陣陳皮香，唔錯涼瓜魚頭雲煲，不過不失當晚最喜歡這個沙鍋金華四寶炒飯，有陣陣飯焦香，炒得粒粒乾身，值得一讚整體上覺得小菜偏貴，而又幾嘈的中菜館，整餐飯和朋友傾談中，擘大喉嚨，聲嘶力竭，飯局後，講完喉嚨沙啞

之前食過一次頗有驚喜, 除夕再食, 叫咗個招牌生炒骨, 頗能保持水準, 但今次瘦肉多, 食落比較嚡, 到個豬膶浸苟杞, 豬膶'啤'水啤得太耐, 咬落好似食發泡膠, 即時扣晒分, 琵琶豆腐好食, 水準keep 得住, 仲有半隻鹽焗雞, 淨係皮有鹽香, 雞肉冇味, 同檯朋友都擰晒頭, 聽聞灣仔舖已比中環舖好, 但今次食就比較失望, 同一間舖都咁參差, 遲Ｄ有機會再食多次, 再好似今次咁就可以去少一間.

一個星期總會想到星記吃一次午飯! 因為佢的鳳梨生炒骨會令人念念不忘~我們一行3人, 未點菜就先送上熱辣辣的例湯。我們點了3餸包括肉鬆浸菜苗(午市特價$65), 鳳梨生炒骨(例牌$95), 金榜醬鍋巴牛仔骨(例牌$148)。 生炒骨好多枱都有叫, 應該是即叫即炒, 上枱即食時甜酸汁剛好包著炸脆的排骨, 咬下, 還是脆的!! 真係好好味~推介!! 雖然午市特價都有生炒骨, 但亦會較細碟, 我們要食例牌才夠分享~因為我們都好鍾意食~食完金榜醬, 但我說不出裡面有什麼料~ 是有微辣的惹味醬汁, 炒好的牛仔骨送飯一流, 放在下面的鍋巴, 痴左少少牛和醬味, 仲係好脆, 覺得唔夠味還可加另上的汁在鍋巴上吃~ 好味啊～每餐都最好有菜肉鬆浸菜苗, 啖湯都唔錯, 有少少蝦干和菇, 清清地, 好味!!食飽仲有是日糖水送, 今日係麥米粥!

是晚約了好友看"加洲大地震", 當然一同去晚飯了!! 星記是朋友選的, 我沒什麼太期待的說! 裝修感覺十分的新, 好舒服, 侍應們看起來都是年齡比較大一點, 仁不會覺得他們做事好慢, 反而有點快我們先點了四款小菜, 先來的是琵琶豆腐, 我自己對豆腐不太喜歡, 但不會抗拒, 朋友選了就一同試試吧! 其實我沒想到我蠻喜歡這道菜, 豆腐的味道不會太清/ 沒味道, 反而吸收了醬汁的味道! 配飯一流!!其實有件小插曲, 就是原來我們只點了一道菜, 因為點琵琶豆腐的朋友以為我們老早已經點了菜, 如7果等了很久才發現沒點, 哈哈!!苟杞浸豬潤, 以前的我是不喜歡吃豬潤的, 覺得口感不好. 可能年紀大了, 口味有點不同, 對豬潤不再抗拒, 反而有點喜歡. 這裡的豬潤我好喜歡, 因為吃起來有點爽爽的口感, 不會是口感爛爛的. 上湯不錯, 可惜菜太少之後到我好期待的椒鹽焗鮮魷,  好久沒吃過這麼好吃的椒鹽鮮魷了, 它外面只有少少的粉, 不過在外面餐廳吃到滿口都是麵粉! 椒鹽非常的香口, 裡面的鮮魷超熱, 咬下去沾滿了陣陣的椒鹽香味! 讚!!鳳梨生炒骨, 別看外表橙橙的以為好酸, 其實一點都不酸, 外面炸得

朋友提起這間"星記"已經有一段時日了...這晚終於找到機會一嚐真味。結果是很滿意的。先從服務說起吧? 打從小弟打電話去預約，對這餐廳已經有良好印象了，接電話的女士，有禮貌，對自家出品甚有自信，而亦會勸你預訂菜色要少一點，免得到時吃不完，難得的是透過電話也能感受到她的笑容，誠意十足。當晚餐廳甚"爆"，當我去到時，臨時大部分的朋友也要遲到，小弟足足在那裡坐了一小時等人，而完全沒有感受到侍者大哥們任何敵視或黑面的神情，這種態度叫甚麼? 叫以客為尊呀，這在香港也是很罕有的。你不信，試試去任何一間餐廳，星期五晚從七點坐到八點而不點菜，你就明白的了。最後，老闆星哥，通場跑，每檯客也問意見，務求做到最好，這種有 heart 的表現，真心希望能堅持下去，我睇好呢間餐廳的。以下落黎讓小弟比大家睇下今晚我們五人叫了甚麼菜：杏汁花膠燉白肺：好甜，無味精，極足料，細煲用左1.5個豬肺，話2-4人飲但我地每人添左1次共10碗，抵飲!椒鹽鮮魷：無敵炸功椒鹽鮮魷，真係新鮮魷魚，唔係講笑，你唔叫就走寶。滑蛋炒牛肉：呢個有心叫黎同陸羽一拼......同陸羽差唔多! 蛋香濃郁，係牛肉醃得咸左，最欣賞係並非鼻涕滑蛋果下。鳳

首次光顧的小菜館，午市人客多，因無訂枱的關係需要搭枱或坐在電梯口。小菜客飯$55一份，連湯及甜品，茶錢$5/位，白飯$10一碗，無加一。先來菜乾湯，三人一窩算慷慨，菜乾湯料份量合理出味，味精不強，不俗。三色蒸水蛋蛋香力度稍遜，但質感幾滑，整體都OK嘅！鳳梨生炒骨亦做得不錯，生炒骨多肉多汁，大體上外脆內軟，甜酸汁口味調教亦見理想。肉鬆浸時蔬用上白菜仔，普普通通無乜特別。送上綠豆沙一碗，除綠豆外，內含意米，質感稠身，口味較淡，甜度比預期少很多。

今晚又有老細請食飯，難得機會，　一定要食餐好既是日菜式非常豐富，　真係食到捧住個肚走。兩個都非常出色，炸漿很薄，炸得很脆，一點都不油，魷魚肉厚，咬落咬口又不靭，九肚魚表脆，裏面滑，送酒一流。乾身，煎得好香，味道剛好茄汁蝦食得多，用新鮮蕃茄煎都係第一次食，海是海中蝦，大細適中，蝦殼炸得脆，連殼都可以食，茄汁甜中帶點酸，令人十分回味。魚是老虎斑，也頗大條，先炸過再加入苦瓜豉汁燜煮。原本以為魚經油炸會比較硬和乾，食落魚肉出奇地滑，伴以略帶苦味的苦瓜，加上一點豉汁，好味。蟹應該是今晚的主角，平常多數食薑蔥蟹，但這間餐廳在薑蔥之外再加上胡椒，令到蟹有薑蔥的味道之餘再帶點胡椒的香和辣，令味道更上一層次。生炒骨是很普遍的一道菜，細至茶餐廰，大至酒店中菜廰都有。但卻是不容易做得好的一點菜。今晚食到了一道很不錯的生炒骨。生炒骨最好食的是有肉連一點骨，肉不靭不肥，表面脆漿不厚，令到肉表面香脆又會好似食炸粉的感覺，汁份量過好，令每塊肉表面都沾上汁，碟底又不剩下一灘汁。汁的調味剛好，酸酸甜甜的。美中不足的是沒有用上新鮮菠蘿。新鮮菠蘿的果香會強一些。鹽焗雞是經鹽焗後再炸，雞肉嫩滑，雞表脆，做法相當考功夫。薑蔥燜