常樂素食 (已結業)

近來食得肉比較多個人都有D肥膩,同朋友都想食下D清D既野咁食齋就真係岩晒我地,去到CWB就上網搵下有咩素食岩我地食睇左陣間常樂都好似OK,就上去試下好唔好食先在樓下排隊坐LIFT又唔係好多人個環境都唔錯,牆上有D經文..坐低左職員好快就問飲咩茶,飲下茶解下油都好...劉天王講既去油慢慢望下D餐牌有咩正今日叫左以下兩個菜--雜菇栗子煲,鴻運當頭雜菇栗子煲-入面個山藥軟硬合適,仲有D香味..,紅蘿蔔帶到清甜既味道,可以帶出到清新味甜豆,香菇,杏鮑菇--好清新田園味道,食落唔油膩鴻運當頭-素雞先講個配料菜都好出色,堅好食主菜素雞好咬口,個質地都唔知點做到出黎咁勁,夠晒味..炸落唔會過火,配合白飯一起食真係好夾

最近我的朋友們流行吃素菜，所以我星期二晚上同帥哥好友經朋友介紹來到這間素菜餐廳吃晚飯。餐廳非常光猛，而且整齊，有一點家的感覺很溫馨。座位與座位之中間的位置算是寛闊，而且座位也坐得舒服。服務員的態度也不錯，有禮，說話的聲線也不太大。Menu上的餸菜有很多都非常吸引，但我們只有兩個人，所以我們只叫了三道菜。我們要了紅燒獅子頭，鴻運當頭和常樂水餃。三個在的味道也不錯而且很清、淸得來味道也在，而且又不油膩。紅燒獅子頭$98-個獅子頭用了豆腐，素火腿，冬菇，西芹、薑來做，非常之入味。獅子頭做得非常好，軟硬適中，冧冧地，但也帶有少少𡁻口，真係有一點像真的獅子頭。而且有蔬菜的甜味也有豆腐的豆香味。其他配料也炒得非常好，脆脆地，同爽爽地囗。鴻運當頭$88-當我吃這道菜的時候覺得非常之特別,它的脆皮外層，炸得非常鬆化，而且一點也不油膩，還帶一點九重塔的香。怎樣也太不到它是用素雞來做的。因為做得有點像雞塊，軟軟滑滑。常樂水餃$68-水餃的皮做得不錯，不但不厚又滑，而且很有口感。餃子裹有白菜，香菇，和豆乾。非常清甜又有冬菇同豆乾的味道，很好吃。

自問平時做開食肉獸，梗係覺得晚餐要有肉食先滿足。女友話呢間主打台式風味既素菜館可以滿足我另類既「肉望」，所以專情約左我上黎撐枱腳。入到黎驟眼睇同外面一般中菜館差不多，燈光通明，坐位闊落，一坐低就有侍應問飲咩茶。由於已經晚上八九幾點，同女友睇完餐牌好快點左三個小菜加兩個白飯。一上碟，口諗呢碟「鴻運當頭」($88)乜咁似台灣街邊鹽酥雞，佢上面仲鋪左d炸到脆卜卜既九層塔，十分惹味。原來咬開裡面係素雞，雖然食落冇雞味，但合埋眼食真係好易誤以為食緊雞呢。雖然「真的假不了」，但之後黎個碟叫「功德滿林」($78)又試以假亂真，睇落同魚香茄子十分似。原來佢係用左大豆蛋白同辣椒做芡，令到夾起茄子個陣有個種黏黏地感覺，食落都好入味，夠晒火喉。最後呢碟「三杯猴頭茹煲」，整法好似「三杯雞」，只係今次換左猴頭茹做主角，由於加左三色椒同姜蔥蒜，睇落都幾吸引，只係味道香到略嫌搶左猴頭茹本身味道，但女友同我都鐘意食濃味，所以都忍唔住食清光。食完呢餐，再諗起呢度鋪名叫「常樂素食」，當堂有種好知足既滋味。