阿鴻小吃 (已搬遷) 新店位置

第一次幫襯這間潮洲嘢食，聽講非常出名，而當時亦有人等位。等咗一陣就有位啦，唔係太餓所以叫咗兩樣嘢，一是鵝片飯，這個幾好食，但要$80蚊一碟，啲鵝片都好食及好淋，這個真係幾好食。而另一碟係海蜇拼芥末雞脚筋$108，這個啲味比較 淡茂茂，如果濃啲芥末味應該都是好食的。

这裡的蠔餅幾好食，幾脆，d蠔唔腥無沙，似冰鮮蠔或桶蠔，都唔算細隻。食的鵝片飯同双并飯(元蹄+五香牛𦟌)，一般，唔会眼前一亮。牛𦟌太薄，d飯無汁，鵝片的汁都算精華，但無汁真係有d怪，不過問職員要鹵水汁，佢都会俾，但係普通的鹵水汁，不是鹵鵝的汁素鵝我以往都係一般，这次都不例外

阿鴻小吃深入民心，以前係北角果陣我無機會幫襯，反而搬左去觀塘後先有機會試下。今次同柑太去晚飯，原本想食意大利野，最後都係變左食阿鴻。因為我同柑太都係細食之人，決定叫一個飯加一個餸，佢想食鵝片，於是就叫鵝片飯，而再加一個併盤，諗左好耐，就食牛展加豬腩肉加個豬耳。等上菜時，留意下四周，發覺中式風格之外，其實夾雜好多港式元素，檯面既餐紙都好用心機去介紹阿鴻小吃既來由。等左一陣，個鵝片飯就上檯，每執鵝片都切得幾厚，食落口感幾口，咬多幾次等個肉汁同鹵水汁混和後吞，濃郁既鹵水入面有甘甘甜甜既肉味，幾好。鵝肉嫩，亦幾少肥糕，鹵水汁比個飯吸左，反而食落唔覺太咸。不過層皮幾韌下，咬左兩啖就放棄吐番出黎。鹵水三併，豬耳同埋腩肉最好，牛展味道唔深，唔算好突出，豬耳食落有咬口，而腩肉幾出色，肥肉唔多，鬆軟入味。而佢個併盤底有豆腐，吸左鹵水後，唔太淡，算係驚喜。食到一半有少少口渴，於是叫左杯紫貝天葵飲，味道唔錯。無論價錢服務同食物質素都唔錯，不過地點比較遠觀塘中心區，而且主打小菜，我呢類叫客飯既人未能試晒所有野，希望下次再黎可以叫多幾個餸。

2/1 lunch在觀塘區覓食, 一直聽說阿鴻小吃的滷水出名, 就來試一試, 果然名不虛傳!!首先是叫飯麵加$15有原價$25的老火例湯, 我們當然叫了兩碗. 雖然味道是淡淡地, 但就証明是沒有加味精. 湯內真有湯的材料, 不是普通茶餐廳的味精水.  飲完不會口渴. 真是想encore再來一碗!叫了三個主食: 1. 滷水鵝片飯 - 是最貴的, 但當然沒有一碟鵝片那麼貴. 片的數目不算太多. 鵝肉很"諗".2. 蒜香雞麵- 我自己是很喜歡的, 蒜香很香口野味, 雞也滑. 還有的是個麵. 由於阿鴻是學做雲吞麵開始的, 做麵的功夫不容罝疑. 不會"諗", 有彈力.3. 阿鴻炒飯- 可能比較後上, 只顧吃忘了影相. 朋友說他們最喜歡這個炒飯. 飯一粒粒分開, 比較乾身, 這才是像樣的炒飯! 材料方面也有像櫻花蝦米乾, 棻和肉粒. 最後給大家看看環境, 也坐得不錯的. 已經不是小吃的樣子了. 但中午時份又不能吃完了仍然坐很久的. $297 四人