養心殿台式養生鍋 (已結業)

星期三晚都會在九龍區食好西，今日天氣清涼，最適合就是打邊爐，在社交網站見到朋友說今個月已是第四餐火鍋，都是光顧養心殿，讚口不絕，不得不試！約了尖沙咀棉登徑分店八點鐘，店內都坐滿人，等了約十分鐘，點餐紙上有六款湯窩，每一款都很特別，最後決定酸菜白肉鍋，鍋底內有大白菜🥬、豬王花腩、QQ寬條麵，酸香醒胃，果然無點錯👍🏽。酸菜白肉鍋 $128鵝肝墨魚丸(半份) $48 - 非常特別，第一次試自家製極品水餃 $42 - 足料皮薄霜降肉眼肥牛 $178 - 雪花紋平均即炸脆響鈴 $68 - 滾一秒就夠了台灣鮮豆皮 $38 - 原本想叫炸豆皮，可惜售罄老油條 $58 - 夠特別，必叫厚脂黑毛梅花豬 $118 - 肉質鮮嫩海鮮拼盤 $138/位（海蝦、帶子、九孔）- 海鮮新鮮總評：超高水準手，值得值得！

朋友今日請食飯，帶咗我去食火煱，平時只鐘意麻辣火煱慨我，終於肯試新口味，介紹番呢個可以取代麻辣湯底慨湯名叫’酸菜白肉鍋’, 鍋裡面本身已經有酸菜、腩肉同寛粉，但如果唔夠可以免費追加一份酸菜腩肉，個湯同D寛粉好好味，平時我好少飲邊爐湯底都忍唔住飲咗少少。除咗個湯好味，食物方面推介黑松露蝦丸，一入口黑松露味非常突出，鵝肝墨魚丸亦不錯，值得一讚系部分食物可order 半份，對於少人邊爐非常好，唔使叫得多食唔曬嘥咗，今次兩人埋單$6xx 唔算平，不過食物質素同環境都幾好。

臨近媽媽生日，孝女如我當然留意到媽媽既心頭好係養顏滋補食材，諗起食過養心殿唔錯，今晚又黎翻啅慶祝。由於上次近乎無可挑剔，自然駕輕就熟地叫哂上次食過既野，再加少少海鮮。 湯底揀左美人鍋拼養生鍋 ($188)，前者以原隻烏雞、核膠、杞子、南棗同金華火腿熬製而成，後者就以人參、藥材、老雞、火腿同豬肉為主。美人鍋較清澈鮮甜，同各種食材都好夾，最正係烏雞同核膠取之不盡，三個人分都好夠。 養生鍋人參味好濃，有時會搶左食材原味，但用於吸味既響鈴等就好完美，兩款湯底可謂平分秋色。手切牛肉 ($238) 細肉質軟滑甘香、牛味極濃，厚度恰到好處，食到牛肉既紋理同油脂分佈。沙巴龍躉斑 ($238)一句講哂，新鮮。 嫩滑就不在話下，重點係好耐冇食過咁鮮甜既魚肉，啖啖都好似凝聚左魚既精華咁。 龍躉皮正唔正好取決於餐廳有冇用心清理，好滿意呢度成碟都好乾淨，啖啖濃厚膠質，最後連魚頭都清哂。老實講，就算係酒樓叫龍躉有時都未如人意，呢度水準完全係超乎預期，大家都讚不絕口。即炸脆響鈴 ($68)打邊爐必叫，即叫即炸香到即使唔係放得好近都傳來陣陣油香味，令人食指大動。 略略浸幾秒後依然保持酥脆，吸滿老火湯後豆香味之中滲出鮮