築地日本料理 (金百利廣場)

营业中

休息中

趁限聚令尚俾兩人，好難得咁可以出銅鑼灣，梗係久違咁食下最愛嘅日本嘢。哩間餐廳嘅裝修，就好似日本嘅居酒屋咁，好有風味。就算去唔到日本，都可以想像下。而且出品好唔錯好新鮮，食完覺得好滿足，係疫情下嘅小確幸。清酒蛤蜊，上枱嘅時候仲係滾熱辣蛤蜊好鮮味，係非常乾淨嘅。而湯亦都可以飲下，係好鮮甜，菜都吸晒鮮味。蟹肉香芒蟹籽沙律份量其實好多，芒果係好甜嘅，加上青瓜絲好清新香芒鵝肝手卷  &  牛油果軟殼蟹手卷軟殼蟹手卷係我最鍾意食嘅手卷，炸到香脆嘅軟殼蟹，夾住沙律醬同牛油果，一軟一脆又好味芝士雞卷呢個真係好正好邪惡！雞肉夾住芝士一齊炸，中間有蘿蔔同青瓜，中和翻飽膩嘅感覺，加上表面淋嘅酸甜沙律醬，完全唔會覺得膩，而係好香口，好想食多件。而且份量好足，食完感覺飽肚好多。單點壽司我最鍾意蟹肉蟹膏軍艦，蟹膏香味充滿成個口腔同鼻腔，真係好幸福，我係蟹嘅超級粉絲😆火炙三文魚壽司都非常香口鵝肝壽司，呢個唔使講，食完齒頰留香非常可愛嘅芥辣波波，餐廳真係好有心思置身日本居酒屋一樣，輕輕鬆鬆食餐好嘅，有幾多煩惱都暫時唔理啦

呢幢大厦好多野食！八點幾都仲係好多人排隊搭lift上黎。最近減肥所以想食得清淡啲，最後叫左個素心司餐黎到發覺都幾多款食物，不知從何食起，哈哈。沙律都幾大碗，有唔同既菜。有幾條好似粉絲既野，無味既，好爽脆！幾中意呢個質感。淮山，即藥丁因為本身唔中意食既關係，覺得麻麻，不過佢好爽口，無滑“生生”既野。竹炭冷麵用個杯裝幾精緻，麵條爽口，唔好睇佢細細杯，其實份量唔少。黑糖糕唔係太甜，有黑糖既香味，唔“lime ”，凍凍地幾好食！素壽司共有八件，壽司飯係用三色米整，味道同普通白米整既差不多，感覺好健康！未見過甘細只既茄子，好搞笑！已經浸左醬油，好入味。好香松露味！菌夠爽口！吞拿魚好夠味，配上少少葱更香！好味！最中意食係呢件鵝肝壽司。本身以為係豆乾之類整，但食落好香，好濃味，外邊炸到脆脆，入面好林，幾有口感！壽司賣相好特別，有心思，基本上唔需要點豉油。呢個餐女仔食好夠飽，但男人可能要叫多少少其他野。有時食下素都幾好，感覺健康左，哈哈

其實早幾年在港島區上班之時，也常惠顧築地。由於以前較夜下班，每次來到築地，都能享9點後優惠，非常吸引，若想不到吃什麼的話，隔1~2個星期便會到訪，加上特別愛上這裡的「鵝肝壽司」，可說是小妹吃過之中，整得最好吃的餐廳，外脆內軟之外，能感受到滿腔油潤的感覺，故常拉著那時的男友慕名而來。直到轉工離開港島區後，也很少再來，是夜相約友人到銅鑼灣，再度泛起「鵝肝」心癮，再續前緣拉友人來到此。不過大概太耐已沒來，雖然門外的佈局也依舊，但營運模式好像改變了。現在是以餐牌點餐的，而壽司則新增特別的款色，更提供素食料理，相對上較多元化。除了主餐牌外，亦有套餐選擇。不過最後還是單點選自己喜歡吃的比較好。先來壽司，點了北寄貝、赤海蝦、鮮帶子、龍蝦沙律、火炙芝士熟蝦、火炙三文魚腩。其中鮮帶子肉質厚身，入口鮮甜，是當中最不俗。赤海蝦色澤也晶瑩剔透，咬落爽口鮮甜。也要讚火炙芝士熟蝦，鋪上厚厚的芝士，來到時還稍熱，芝士味濃郁。而龍蝦沙律肉質爽口彈牙，包著的紫菜仍脆口呢。吃壽司的途中奉上鵝肝壽司，立即放下一切，當然要襯熱吃。鵝肝依然保持水準，擁有外脆內軟，不過油潤度好像不及以前，吃不出以前的味道，不過整體上雖沒有太大意