悅滿軒

平時搭巴士經常都會經過饒宗頣文化館但實際上一次都無踏入過.難得今日有day off又經過呢到決定落車探索下呢個地方.行行下發現原來有間好靚法式餐廳隱居左係呢個位置,趁住難得到此一遊就試下晚餐.番茄紅莓麵包點餐後附送已經好有驚喜.烘得好脆,一咬落口卜卜聲.味道好濃蕃茄既香甜味加上特製松露牛油入口香滑.鵪鶉清湯,店員會慢慢將一壼法國清倒入一盤有鵪鶉腿同紅葱酒啫喱既碗內令兩者融和,紅葱酒啫喱係清湯既熱力下慢慢融化.鵪鶉腿油份隨着清湯滲出.味道清甜帶微微鵪鶉腿油甘香,鵪鶉腿肉質嫩滑富有彈性,作為一餐既開始已經好滿意.法國泥蟹湯,質地相對杰身呈泥橙色既忌廉湯.入口好香蟹既味道,味道似先將泥蟹烤過再放入熬湯.內裏帶少少蟹肉蓉飲落好濃郁,飲完一啖口腔內仍然停留住蟹既香味.法式海鮮燴意大利飯用上鑄鐵鍋原鍋上,打開鍋蓋意大利飯上鋪滿大蝦,青口同大蜆已經好吸引.底下燴意大利飯用上龍蝦湯燴,每一啖入口龍蝦味好濃.意大利飯煮得夠濕潤唔會乾爭爭,咬落口脹卜卜又帶點煙韌.法式油封鴨配焦糖蘋果,油封鴨作為法國名菜之一當然點黎要試下大廚既功力.油封鴨腿外層鴨皮係烤焗既時候已經將鴨皮大部分油份迫左出黎,入口香脆之餘亦唔

同朋友聚餐，黎左依間，地點響美孚地鐵站行5-10分鐘，但就要搵下附近環境算清幽，都幾舒服。叫左份乳豬，羊架，鮑魚墨汁飯，鵪鶉清湯。乳豬皮脆肉嫩，個汁同個酸菜好出色羊架就叫左7成熟，都偏嫩，配左個腸有驚喜，咬落會噴汁。個墨汁飯，個人覺得冇乜特別。鵪鶉湯就好清甜。甜品就叫左自製雪糕，梳乎厘，伯爵茶奶凍。梳乎厘好香雲呢嗱味，鬆軟。伯爵茶奶凍，好香既伯爵茶味，啱伯爵茶一定要叫！價錢就3個人平均每人500有找，算中上既價錢。但依個價錢，食到依個質素既野食就真係唔貴！