東來順 (已結業)

一行六人家人飯局，叫了多款東來順招牌菜。當晚服務員都細心又殷勤主動，喺現今香港真係好少有，希望可以繼續維持服務水準👍🏻頭盤－素鵝餡料有蘿蔔絲及木耳絲，腐皮外面香脆，餡料入味，再點埋後面嘅XO醬惹未到不得了！頭盤－陳醋蜇頭題外話⋯⋯上面青瓜片刀工一流！陳醋味道偏甜，只有微酸，個人不太喜歡，但在座的都讚不絕口。海蜇頭非常爽口又冰冷，非常有水準嘅前菜，胃口大開！頭盤－鹽水鴨鴨肉鮮嫩而且好入味，不會過鹹。雖然沒有多餘肥膏，但依然keep住嫩滑口感👍🏻份量都唔少。頭盤－麻香小象拔雖然說是麻香，但麻辣比較少，反而比較酸，所以食不出小象拔嘅鮮甜味，味道比較一般。主菜－鶴湖蟹影上面黃色是蟹粉及蟹肉，下面是鍋巴。蟹黃味突出，用了非常足及認真！咬完一啖蟹黃味仲留在口中！蟹肉份量都唔少，夾埋鍋巴一齊食又軟又脆口感非常夾！圓筒形是炸饅頭，啡色小蟹型是茶凍。分開食又得、一齊食都得。主菜－富貴雞富貴雞焗到非常入味非常軟淋又入味！清清嘅荷葉味、菇菌味都滲透入全隻雞。用筷子輕輕一夾，雞肉同雞骨就即刻分離👍🏻雞肉入面釀有雜菌、豬肉絲同莞西，所有配料都吸收晒雞嘅精華，味道一流😋主菜－松露蝦球蝦肉大大粒，而且彈牙，每粒都包

有一位同事退休，大家夾錢同佢食farewell ，訂左圍枱去東來順食京菜，本身我自己對京菜一般，冇話太鍾意食，不過book左位，一試無妨～真係冇諗過東來順d烤羊肉咁好食，一啲都唔羶，仲有，d餸賣相好靚，尤其是「鶴湖蟹影」，味道幾好～今次令我對京菜有少少改觀～～

一行五位訂左枱，坐底聽下經理介紹呢度既得獎名菜 "鶴湖蟹影" 及 "左右逢源"，咁當然要試下，跟住叫醉雞，涮羊肉，由於經理表示 "左右逢源" 係一條兩斤重既東星兩種做法，食左先再選其他食物，避免食唔晒。好期待兩個得獎名菜  .......... 賣相絕對華麗，手功精細。薑茶製造既小蟹味道較為清淡，薑味微弱。第一食黑松露雜菇炒東星斑球，味道較淡，黑松露香味較弱，魚肉亦唔夠嫩滑。第二食酥炸東星斑球，魚味尚可，但味道較淡，我覺得炒球效果更佳，因為食東星係食嫩滑既肉質，經過油炸之後肉質較實。醉雞唔錯，酒味適中；涮羊肉肉質較肥，羶味較強，肉質一般。對整體上有少許失望，但服務態度十分懇勤，值得讚賞。

一所著名嘅北京飯店，曾榮獲香港米芝蓮一星，究竟有咩過人之處呢?老實講，食過之後覺得言過其實，價錢貴唔在講，性價比未算太差，食材係貴嘢黎嘅，每樣菜都好過同業少少，穩打穩紮，但係食唔出有咩咁勁。可能我對佢期望過高，到頭來有啲失望。不過點都好，我都要介紹番幾個餸嘅。煙燻桂魚 - 呢個係成晚最有特色，最值得褒獎嘅一道菜。魚片實淨唔散，煙燻味香而唔鹹，呢個配搭我都係第一次食，冇諗過燻製中式魚會有呢個效果，唔食其他嘢都一定要食呢個!醉雞，鹽水鴨 - 兩者都做得比同業高一線，肉質鮮嫩，但味道偏淡。醉雞酒香可以再濃啲，鹽水鴨除肉質軟嫩外無甚可評。鶴湖蟹影 - 呢個超有名的，攞哂獎，賣相勁。碟底藍色個啲啫喱係唔食得嘅，隻鶴都係唔食得嘅，食得嘅係成個cupcake咁個件，同埋隻可樂色嘅蟹。呢件名菜主要分三部份，底部係芋頭片捲成筒炸，頂個球就係超多蟹肉蟹黃mix，中間有片鍋巴。蟹肉mix個味做得好適中，濃郁嘅蟹味之餘，冇點醋都唔溜，鍋巴鬆脆，跟蟹肉一齊食，口感味覺一氣衝擊，將鍾意食蟹嘅人帶到高潮。咁可樂色嘅蟹係咩呢，原來係薑茶啫喱俾你驅寒，不過我就覺得唔夠薑囉。薺菜炒年糕 - 呢個算係我食咁多次炒年糕中最好

這裡環境寧靜優美，還可以看到海景；坐位舒適；服務也是滿分，服務員會細心介紹每一道菜；食物也非常不錯，不知是我們細食還是份量多，吃到一半已經很飽了，當然一分錢一分貨，以下這個套餐承惠每位HK$680(兩位起)，另收加一服務費。前菜共五款，分別是舟山海蜇頭(很爽口)、龍井煙燻蛋(很入味)、南京鹽水鴨(不會過咸，味道剛好)、杭州蜜南瓜(甜而不膩)、花雕醉雞(肉質非常嫩滑，又香花雕味)，總的來說，五款前菜各有特色，不會互相搶味，而且賣相非常精緻。必食指數：5粒星鶴湖蟹影，是其中一個得獎名菜，也是好睇又好食，而且非常足料，蟹味又濃，把蟹粉大啖大啖放入口，超正！托底的米餅很脆，同時令蟹粉不會太膩，還有一隻小小的薑茶蟹啫喱，可以驅寒，非常貼心。溫馨提示，只有蟹餅和蟹啫喱可以吃，不要吃底的青瓜啊。必食指數：5粒星煎封海中蝦拼苔蓧蝦仁，海中蝦非常新鮮，而且非常惹味，可惜蝦仁完全無味。必食指數：3粒星松茸花膠海螺湯，非常鮮甜，又有松茸的青香。必食指數：5粒星黑醋牛尾鹿筋配荷葉餅，第一次吃牛尾，很入味很「淋」，鹿筋也不錯，配上荷葉餅，味道剛好，不過個人覺得這個比較像和乳豬一同吃的包，不應該叫餅，而且我胃太小

之前朋友介紹於銅鑼灣餐廳東來順（官府菜），於是趁家庭重心人物生日來試試，所以一早訂了位，由於初次光臨所以點了幾道名菜，其他的由廚師（雄哥）幫忙安排，一入到店內，環境高雅，店員友善，安排坐位舒適，與鄰檯相距合當，所以沒有太大壓迫感，，由上菜次序到醬汁安排都一絲不苟，每道菜店員都熟悉主動解答醬汁配合，廚師安排菜款，份量合當，驚喜由廚師送上新鮮壽包，令家人讚不絕口，必定擇日再來。必試菜式：鶴湖蟹影，龍蝦肉配蟹粉，單賣相已經令人震撼，味道相當好，配上蟹仔造型姜茶啫喱，十分可愛。松子桂魚：整條魚沒有一條魚骨，老人小孩都不用怕，酸甜味道剛好，雖然是炸魚，但仍保持魚肉鮮滑。

今日同爸爸慶祝生日飯，呀嫂book咗東來順，格局優雅，我地一行十人好好彩仲有房坐前菜叫咗醉雞，粉皮，同蒜青瓜！好味，醉雞酒味啱啱好，太重我唔得. 青瓜爽脆鮮甜鶴湖蟹影，應該係招牌菜, 因為電梯張相都係呢個，淨係賣相都一流！食落更加滿分 富貴全家福，個湯好足料！金華火腿，海參，花膠，等等，飲完成身暖哂！ 松子桂魚，平時唔食魚嘅我都會食，成條魚身起咗骨，啖啖肉！ 仲有一兩個菜無影相，有個叫海王鍋巴，又係必食推介！最後就壽包及甜品，個擂沙湯丸同流沙煎堆仔新鮮即製，個心仲好熱，如果唔係太飽，我估可以食多幾個！