影片
更多
2022-08-15
1023 浏览
POPINJAYS (The Murray) @ 2022年8月 (平日下午茶）食物 🤍🤍🤍🤍🤍（甜點及精緻鹹點半自助下午茶） 環境 ❤️❤❤🤍🤍服務 ❤️🤍🤍🤍🤍（有cloakroom服務 / 冇人介紹餐牌）攞位 ❤️❤️❤❤🤍（可於網上預約）交通 ❤️❤️❤🤍🤍翻兜 🤍🤍🤍🤍🤍見到Popinjays近日聯乘 Christian Louboutin Beauty出咗下午茶餐，趁放假又book到（兩日前），咪去試吓，點知有中伏嘅感覺😵💫🥺。Popinjays 位於金鐘中環一帶，處於酒店頂樓嘅餐廳。下午茶餐正價每位HK$428＋10%。佢嘅位置同價錢難免會令人有一定嘅期望。🤔我就覺得佢哋嘅食物同服務連一般餐廳嘅水平都未有😮💨，都幾失望。正所謂百貨應百客。希望今次嘅分享，會幫到心大心細諗緊去唔去試吓嘅朋友。1️⃣ 甜點：呢個下午茶餐主要賣甜點，眼見主要係蛋糕，另有MACARON同LAMINGTON，賣相唔係精緻果種。蛋糕以海綿同Mousse為主。無論賣相、味道定質感，我個人就覺得有啲似食緊美❤集團餅店果種蛋糕😵💫甜點係自助形式，scones就由侍應送上枱（喺我行開咗去攞嘢食果陣上咗，所以唔知
食物 🤍🤍🤍🤍🤍（甜點及精緻鹹點半自助下午茶）
環境 ❤️❤❤🤍🤍
服務 ❤️🤍🤍🤍🤍（有cloakroom服務 / 冇人介紹餐牌）
攞位 ❤️❤️❤❤🤍（可於網上預約）
交通 ❤️❤️❤🤍🤍
翻兜 🤍🤍🤍🤍🤍
見到Popinjays近日聯乘 Christian Louboutin Beauty出咗下午茶餐，趁放假又book到（兩日前），咪去試吓，點知有中伏嘅感覺😵💫🥺。
Popinjays 位於金鐘中環一帶，處於酒店頂樓嘅餐廳。下午茶餐正價每位HK$428＋10%。佢嘅位置同價錢難免會令人有一定嘅期望。🤔我就覺得佢哋嘅食物同服務連一般餐廳嘅水平都未有😮💨，都幾失望。正所謂百貨應百客。希望今次嘅分享，會幫到心大心細諗緊去唔去試吓嘅朋友。
1️⃣ 甜點：
呢個下午茶餐主要賣甜點，眼見主要係蛋糕，另有MACARON同LAMINGTON，賣相唔係精緻果種。蛋糕以海綿同Mousse為主。無論賣相、味道定質感，我個人就覺得有啲似食緊美❤集團餅店果種蛋糕😵💫
甜點係自助形式，scones就由侍應送上枱（喺我行開咗去攞嘢食果陣上咗，所以唔知本身係咪熱辣辣上枱）。每人會有一件果仁原味scone同一件朱古力scone，配上clotted cream及橙味果醬。自問我係pastry同scone fans，本身仲想問有冇得refill，點知切開咬一啖已經碎咗﹐搽唔到醬😵💫勉強每件食咗一半。
2️⃣ 鹹點：
鹹點都係自助形式，比甜點嘅選擇少。本身對佢嘅三文魚牛角包有少少期望，點知咬落個牛角包好”淋”，完全唔脆口😮💨
3️⃣ 飲品：
下午茶餐包一杯茶或者咖啡，佢哋會refill熱水入茶壺，咖啡就冇refill。
我之前去過果啲酒店餐廳食下午茶，佢哋會隆而重之咁過嚟介紹茶葉種類。呢間就會俾個餐牌你自己揀，餐牌亦只係有茶葉名，抱著大無畏精神，我order咗 “ENERGINGER - HERBAL INFUSION TEA”。
Order果時，侍應係直接take order，都冇講咩嘢。最搞笑係上枱果陣，先同我講呢種茶會有啲薑味。咁你都沖咗上緊枱，唔通我先同你講我怕薑味？
另外，要提一提，佢哋啲茶包牌子係用”OrTea?”
4️⃣ 服務（我平日好少開呢項做標題，但係今次真係要share吓：
早到反而遲入坐：下午茶時段全部3點開始， 我早咗8分鐘到，receptionist問咗我booking資料，登記咗，叫我去bar枱坐住等，話有枱會通知我。點知見到咗3點，有其他客人check in（比我遲嚟），receptionist就直接帶佢哋入坐。我就繼續等。等到個receptionist搞掂新嚟果班客，先過嚟招呼我入坐🫣。
開於作下午茶嘅餐廳範圍唔大，一眼望晒。眼見大概有8個侍應喺度，自助餐先剛開始，未需要換碟或沖茶，侍應個樣已經好忙咁。帶位果個receptionist就只係帶位，冇講句野就走咗。諗住會有侍應過嚟問我哋食自助餐定ala carte (因為個menu有下午茶餐以外食物嘅價錢），我坐低咗5分鐘，都冇人過嚟，唔等啦，自己出去攞嘢食就算。
我睇到餐牌有一句備註寫下午茶餐包茶或咖啡先知包嘢飲。佢個餐牌茶同咖啡都有標價，唔好俾佢呃到以為係另外收費。
食食吓，有侍應送上Christian Louboutin嘅禮物袋，但我果枱只係女士先有，問佢唔係個餐包嘅咩？佢話唔係㗎，係餐廳嘅心意喎，禮物係香水同唇膏試用版，啱女士用。奇怪嘅係我又見有啲枱，佢哋係跟人頭派。如果跟人頭派會正常啲啦，係咪？唔通男客人冇女性朋友？唔用得香水？係咪有啲厚此薄彼呀🙄？純粹個人小小分享啦：我之前都有喺其他餐廳食過skincare品牌聯乘嘅下午茶，禮物都係跟人頭派。
我仲有留意到枱上面嘅花瓶裝飾，我哋嘅枱花係滿天星，唔知佢哋係咪想當乾花擺，冇入水，”謝謝”哋。花兒也謝了。話晒係酒店餐廳，有啲interesting，可能又係我諗得多咗。
用餐小貼士：
🔅如果想去用餐，可以經網上訂枱，以openrice為例，我呢次就週一至週五做緊75折。
🔅以我所知，佢哋UG樓層嘅Garden Lounge有三層架嘅afternoon tea set，有興趣試The Murray酒店餐廳嘅可以check 吓。
餐牌
用餐環境
免責聲明：上述純粹個人觀察/ 經驗/ 體驗/ 👀👂👅👃🏻/ 感受。只供參考。如有雷同，實屬巧合。
张贴
