金陶軒 (已結業)

與家族約相在金陶軒聚餐，安排了一張12人大枱，坐的空間尚算闊落，不過圍與圍之活動空間較窄，出入都不算太方便。一共散叫了8道菜，其中最欣賞是賣點之一的麗影紅紗卷，脆皮椰子雞及竹籠蒸糯米蟹飯。先說麗影紅紗卷，家人說是這樣招牌菜，還獲過獎項，來到當然必點，外皮大概是用芋頭炸成的吧，脆卜卜，裡面夾一塊牛肉，味道好夾，感覺好特別，果然名不虛傳。旁邊連橙紅色的醬一併上，不過醬汁比較鹹，吃時沾沾少少便足夠了。至於脆皮椰子雞，與一般脆皮雞味道差不多，最大分別是吃起來散發著好大陣椰子味。脆皮雞的皮好鬆脆，肉身也嫩滑，好好味。竹籠蒸糯米蟹飯，糯米飯好乾身，而且完全入蟹味，上層鋪上兩隻蟹，不過一吃蟹蓋，發現不夠肉，不過整體味道不錯，推介啊!迷你海皇冬瓜盅，味道剛剛好，不太淡又不太鹹，配料亦足料，冬瓜煲到完全入湯味，不錯!其他菜式味道也OK，金元貝什菜煲，內有粉絲、生菜、菜心等等，其中粉絲煮得好軟，夾起來已經感覺到好滑。糖醋小排骨一上枱，雖然太沉色，但仍被它的賣相吸引住，因每舊也好像被糖醋浸過，汁好多好吸引。不過，吃起來排骨太硬身，痴住肉，而糖醋亦太鹹。古法蒸頭腩，龍躉頭腩肉質鮮味，啖啖肉，不過翠肉瓜比較硬。

人就係咁犯賤，越得唔到既野就越想要，越去唔到既地方就越想去；食友間好多時都喜歡發掘D少人去既食肆，又或者將幫趁門檻SET得好高，等閒人士想試一次都難。從其他食友口中，知道童軍總會內既食肆，水準唔錯，雖然自已從來未參與過任何童軍活動，但都胆粗粗攪一局。事實上，想訂檯係要有少少方法，但為免店方難做，想知就問我啦！雖然係閒日，但竟然全院滿座，心諗：「唔通D野食真係咁堅？」而自己早已經係網上搵左幾個要預訂既小菜，再臨時睇人加多幾味就啱啱好！賣相已經知出事既椒鹽豆腐，皮不脆、肉不嫩，無釐火氣，連呢道菜最精髓地方都無埋，真係唔知賣點係乜？反而醬燒茄子個人幾鐘意，本身無走油，肉質變得較爽口，加上醬汁惹味，就算其他人未必欣賞，自己都食好多。糖醋子薑骨用腩排部位，雖然油份多，但相對地會好香口，炸得夠乾身，醬汁酸酸甜甜，其實好入味，唔錯。金陶軒原來有好多得獎菜，個名好靚既麗影紅紗卷，要一早預訂，賣相特別，用紙糯米包著肥牛炸到金黃色，但太乾身，起初仲以為係金華火腿片，另外，沙嗲醬竟然混入牛肉碎粒，反而帶起了肉味花雕豬手香味差少少，酒味流於表面，豬皮夠爽脆，有D似粉嶺群記豬手。另一味得獎菜係脆皮椰子雞，可以講

中秋佳節，想全家一聚，找一間較清靜舒適、食物美味、招呼殷勤的酒樓。因弟弟是會員的關係，便訂了金陶軒的一個廳房。果然沒令大家失望，菜式如下：白灼中蝦 雖說是中蝦，但卻是大蝦，每隻都有 5 吋長，鮮美嫩滑特式併盤 其中包括海哲、燒腩、叉燒及腐皮卷，每樣皆出色美味麗影紅紗卷 得獎名菜，將秘制醬料，倒入香脆的海螺形竽絲脆筒內一起吃，正！西蘭花炒帶子 糖醋小排骨 甜和酸的平衡恰到好處，排骨鮮嫩入味油鹽水浸菜遠 清蒸大清斑 約 2 斤多，火候剛好，味鮮肉滑菜胆上湯雞 皮香肉嫩籠仔糯米蟹飯 蟹味香甜、飯軟硬適中、正、正、正！！果盤及糖水 啤酒及鮮菓汁