上海老家 (已結業)

喺香港要食到好食上海菜唔容易，今次嚟到 #大角咀 ，喺一堆新舊樓中間搵到呢間「上海老家」，星期日晚上入座人數唔算多，不過地方都算寬敞，圓檯木櫈亦都幾符合中式風味。💚 麻婆豆腐（$78）份量唔錯，豆腐好滑，而且豆瓣醬味都幾香濃，送飯必嗌！建議可以再辣少少，會更加惹味💚 脆皮素鵝（$58）幾欣賞個素鵝，問咗店員原來係自己包嘅，甘筍冬菇木耳都好均勻，個皮都吹得好乾脆，最緊要係唔太咸💚 酸菜魚柳（$̵1̵3̵8̵ > $38‼️）原來最近佢嘅酸菜魚柳做緊特價，只係$38蚊就有一大兜！餐牌有得嗌平常嘅酸菜魚（桂花魚），而呢碟特價嘅係用咗龍脷柳，啱晒啲怕食到骨嘅人，絕對係大件夾抵食💚 流心高力（$80）⭐️重點推介⭐️佢哋嘅流心高力好有驚喜，出面其實都好少地方可以食到呢類中式甜品，尤其是沙翁／高力等等。流心高力入面唔係用傳統豆沙，而係加入四款唔同味道嘅果醬，蛋白發得好勻好挺，食落去熱辣辣超鬆軟！收費方面除咗菜單價錢仲會有加一同埋茶錢，整體味道都算唔錯，估唔到喺大角咀都會搵到有一間咁平民嘅中菜店。味道: 🌕🌕🌕🌖🌑服務: 🌕🌕🌕🌕🌑環境: 🌕🌕🌕🌖🌑價錢: 🌕🌕🌕🌗🌑－－－－－－－－－－－－📍上海老家大角

曾經試過好多上海菜都係偏甜，唔係幾啱我口味，呢間上海菜餐廳係我食過之中最啱食嘅一間。呢間餐廳有少少偏僻，喺太子同埋奧運站中間，喺奧運地鐵站行過去會方便D，大概10分鐘度就到。一去到就見到排咗條長龍😦😦😦 佢嘅麻婆豆腐落咗八角，所以會食到有啲麻麻地，比起正宗上海菜嘅甜度少，鹹味做返主導，好過癮，好好餸飯👍🏻👍🏻雲吞雞用咗娃娃菜同金華火腿去熬成湯底，所以會偏小小鹹，但雲吞同雞都好好食，尤其是佢嘅雞肉一夾就可以骨肉分離，食起上嚟好方便呢間餐廳係香港來講係好高質素☺️下次會帶埋朋友過嚟食

和同事一行四人想去d未去過既地方食飯，但周圍都超多人等位，心想揾個靜靜地既地方食飯，環境唔使好靚最緊要個位坐得寬敞舒服。食lunch好難去一些但好舊式既上海鋪食，除左鋪頭會有陣酸臭味，同埋冇一些幾個人既坐位，好難同同事去到，而呢間就冇味同埋坐得幾舒服。我地叫左3個客飯，1個回鍋肉粗炒；每個客飯會跟一個餸、湯、一碗飯，3個客飯分別叫了糖醋魚塊、麻婆豆腐、醬爆雞丁，我最欣賞既係醬爆雞丁，味道好加上翠肉瓜配搭，另外就是麻婆豆腐，呢度既麻婆豆腐同平時出面食多左份麻辣味，怕辣可能唔鍾意，但我個人就好buy喇，淨係麻婆豆腐同醬爆雞丁已經好好送飯，碗飯其實好大碗但因為d餸太好食所以係可以食晒碗飯。比起麻婆豆腐同醬爆雞丁，呢度既糖醋魚就差左少少，佢個味好似好怪咁，酒味好濃但舊魚冇味同埋唔夠糖醋味，而回鍋肉粗炒方面，味道過咸，冇平時回鍋肉既辣味。整體黎講都幾好既，店裡員工有禮貌，會再光顧。