麻辣風雲 (京都廣場) (已結業)

其實食辣係可以練返黎，就好似以前我連辣椒醬都食唔到，而家既我，成條指天椒啪入口都夠膽死，你就知我沙膽啦。所以我金成日同d後生仔講，要成功唔好諗住一步登天，我有今日呢份功力，係經過無數咁多辣椒既考驗，塵世間仲有咩野可以辣到我呀！！！👇🏻📌招 牌 小 菜 -▪️ 炸 饅 頭 - $58▫️ 呢到第一道菜必嗌就係「炸饅頭」，呢個用成艘船黎做搬盤，而且底部仲有乾冰整到仙氣十足，饅頭炸到外層金黃色，趁熱食非常脆口，裡面亦夠鬆軟，配上煉奶將味覺層次提升更多，絕對係無敵！▪️ 麻 婆 豆 腐 - $88▪️ 蒜 蓉 炒 唐 生 菜 - $88▫️「麻婆豆腐」我揀左少麻少辣，辣度岩岩好，豆醬味反而好突出，豆腐滑不溜口，送飯就岩哂；「蒜蓉炒唐生菜」用左大量蒜蓉去炒，難怪食落好夠鑊氣，加上生菜色澤翠綠，口感爽脆，相當新鮮。▪️ 經 典 宮 保 雞 丁 - $108▪️ 瑤 柱 蝦 米 蛋 白 炒 飯 - $108▫️ 「經典宮保雞丁」份量比我想像更多，雞肉肉質嫩滑，加左好多花生，口感更加豐富，反而我覺得做到地道果種惹味感；「瑤柱蝦米蛋白炒飯」飯身炒得乾身，完全無果種油膩感，瑤柱、蝦米、蛋白、蔥花仲有面頭既肉鬆，每樣野配搭

最近此店的炸饅頭船在社交網絡上老是常出現🤣 今次終於約到朋友一齊嚟試下! 架炸饅頭船原來係取意自三國演義中諸葛亮草船借箭嘅故事(曾經一度以為個公仔係關羽) 一上枱煙霧離漫，意境十足，真係打卡必點😂 炸饅頭炸得幾脆，仲有煉奶、秘製蔥醬、朱古力同綠茶醬供蘸點。好特別，總有一款啱你口味。酸菜魚🐟嚟食辣嘢當然要點我最愛的酸菜魚! 都幾大盤，但相比起其他店，略嫌佢酸辣得唔夠過癮。魚肉質素OK，配菜中有吸滿了酸湯的豆卜! 亦有不少薯粉在盤底，好豐富。另外點了酸辣土豆絲、麻辣手拍青瓜、涼拌萵筍、麻婆豆腐😂 唔知點解可以食咁多，但全部小食都幾好味。麻婆豆腐辣辣地用嚟送飯一流! 最後飽到暈咗返屋企⋯

唔知有幾多人同我一樣，係無辣不歡既人，由小學食拉麵已經要食辣既湯底、到中學一星期食三、四次三哥，到呢家周圍搵川菜食，今次比我搵到一間值得一食再食既川菜，而且仲要係良心小店。麻辣風雲係一間良心川菜店，本店係荃灣，喺2020年開業，由香港樂隊Tonick既主唱恆仔主理，主打四川小菜同小食，最招牌既菜色有酸菜魚、水魚牛肉、麻辣乾鍋、甚至係炸饅頭。恆仔本身好鍾意食辣，朝早起身都會切碎辣椒嚟撈麵食，而且一直都想有一個自己嘅地方，可以同樂隊做完嘢慶功，於是就開咗呢一間川菜餐廳。而呢度嘅大廚曾經喺五星級酒店同埋迪士尼樂園做過，更加係澳洲航空公司貴賓室嘅行政總廚，對中菜非常了解。之前已經食過荃灣分店，覺得川菜水準唔錯，見銅鑼灣有新分店試業，又近我所以就試下水準係咪依然。荃灣分店店內裝修非常古色古香，好似客棧咁，而銅鑼灣分店勝在好近地鐵站，係好多嘢食嘅京都廣場，去到樓下已經有店員派優惠券俾我哋用。銅鑼灣店舖冇荃灣咁大，都冇荃灣咁闊落，不過座位夠多，店員都係後生仔為主，而荃灣店都係姐姐、阿叔為主，餐廳都係行古風，一出lift就見到梅蘭菊竹嘅四個屏風，有包廂可以預約。另外一提如果係食大閘蟹，店舖仲會提供手套