Orange Elephant Thai Restaurant (博文街) (已搬遷) 新店位置

大角咀整條街都是食肆，左揀右揀最後決定食泰菜～店舖每天一款一蚊菜式，看到令人心動！今天是星期四，一蚊優惠菜剛好是黃咖喱雞！吃泰菜當然要吃咖喱！！咖喱適合港人口味，香辛味不會太重，反而椰汁味較濃。咖喱入口幼滑，雞肉吸收香料味十分好送飯，將它加在椰青飯同吃，又有另一番滋味～海鮮飯份量超多，塞滿棷青內、外！材料有魷魚、斑塊、蝦仁，食食下重見到有青口，材料豐富～椰青肉滑嘟嘟又爽口，令焗飯多了份清新感覺，不會太膩。喜歡焗飯還有提子乾、腰果等配料，令整體口感更加豐富！烏頭即叫即燒，等了約20分鐘。一上枱已經聞到泰式香料的味道！揭開外皮，原條即食，夠晒原汁原味～泰式醬汁酸甜帶辣，令烏頭變得惹味。這個根本就是芒果沙冰！味道天然、果香豐富，就像喝了原個芒果一樣。棷青超清甜、解渴，可以中和一下飽滯感～

位於大角咀奧運站附近的「Orange Elephant」主打家庭式泰國菜。同九龍城既總店一樣，呢度既廚師同埋員工都係以識講廣東話既泰國人為主，感覺份外親切！餐廳既賣點係一星期七日有七款唔同既$1精選，由啤酒至明爐烏頭都有，就算食足七日都唔會厭！泰式拼盤 ($145)：拼盤有蝦餅、春卷、魚餅及香葉包雞各2件，份量最適合2-3個人一起share。特別值得一提的是它們剛炸得洽到好處，入口時非常香口之餘亦唔會太熱氣。黃咖喱雞 ($1)： $1蚊雞的每日精選，性價比來說真係超抵，咖喱汁攞黎送飯真係一流！原個菠蘿海鮮焗飯 ($104)： 菠蘿炒飯既料非常足，包括魚塊、大蝦、魷魚等等，而且鑊氣十足，絕對值得推介！特選椰青 ($42) 及芒果冰特飲 ($36)：椰青非常解渴，冰凍的椰青水入口時給人透心涼的感覺超正。芒果冰特飲方便的感覺好似果間以芒果甜品做到出晒名的甜品店的經典之作，那個既帶點芒果汁亦帶點沙冰的感覺十分不錯！總括黎講，餐廳整體食物水平以致服務水平都在中上，加上每日的$1精選這個吸引力實在非常大，難怪走的時候八點都未到已經差唔多全場滿座了！

307 燒原隻魷魚筒 $99由於本人當日太想食魷魚 所以都係叫左 雖然係幾貴 但上到黎絕對對得住個價 魷魚燒得岩岩好 好彈牙嫰滑仲有少少既魷魚咸味 再配佢既自製酸辣汁 超正🥰 酸辣汁好正宗 夠酸夠辣😍 701 蛋包海鮮炒飯 $96呢個炒飯都好有獲氣😍 好好味 裏面有啲雜豆令個飯多左一種口感 口感更加有層次😙 蛋皮有薄 煎得好 唔會燶左😜501 黃咖喱雞 $1 （原價：$76）一上枱已經好香咖喱味啦 味道係偏甜香 唔辣但多左種椰奶香☺️ 而且係$1 佢都無hea你 份量都正常！900椰青 Selected Young Coconut $84 （兩個）椰青夠清甜夠凍 簡直係消暑恩物🤣 椰青肉輕輕一刮就食到 椰青肉好似啫喱咁而且又清甜☺️⚠️每天的$1菜式都不一樣⚠️

成日一話食泰國嘢就會諗起去九龍城🧐但前排見到每日都有唔同嘅$1菜式優惠，又有炸豬扒又有烏頭魚等等，勁吸引！仲要有三間唔同嘅分店，所以就去咗大角咀分店試吓先！當日服務我哋嘅員工都係泰國人，有一種好正宗嘅感覺之餘，佢哋嘅服務態度非常之好！.💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫𝐢𝐞𝐧𝐜𝐞✨食物 𝐟𝐨𝐨𝐝 7.8/10環境 𝐞𝐧𝐯𝐢𝐫𝐨𝐧𝐦𝐞𝐧𝐭 7.8/10服務 𝐬𝐞𝐫𝐯𝐢𝐜𝐞 8.5/10性價比 𝐚𝐟𝐟𝐨𝐫𝐝𝐚𝐛𝐢𝐥𝐢𝐭𝐲 7.8/10回頭率 𝐫𝐞𝐯𝐢𝐬𝐢𝐭 8/10🌟食物種類選擇多 • 性價比高✨.《椰青焗海鮮飯》$104🌟7.8/10🌟𝘽𝙖𝙠𝙚𝙙 𝙎𝙚𝙖𝙛𝙤𝙤𝙙 𝙍𝙞𝙘𝙚 𝙞𝙣 𝙔𝙤𝙪𝙣𝙜 𝘾𝙤𝙘𝙤𝙣𝙪𝙩即叫即焗，原個椰青上，打卡一流😻嚟到嘅時候已經聞到好香椰奶香味，海鮮嘅種類亦都好豐富，有齊晒八爪魚、大蝦、青口等等..粒粒分明嘅米飯再加埋椰肉一齊食，食落口感層次超滿足～成日食菠蘿炒飯嘅大家，不妨試吓呢一個椰青焗飯！.《香料燒焗側魚》$162🌟8.2/10🌟𝙂𝙧𝙞𝙡𝙡𝙚𝙙 𝘾𝙧𝙪𝙘𝙞𝙖𝙣 𝙬𝙞𝙩𝙝 𝙏𝙝𝙖𝙞 𝙎𝙖𝙪𝙘𝙚男朋友一見到焗側魚就話一定一定要叫，佢話呢啲係屋企自己整好麻煩好難

朋友想食泰國菜，好耐無見就下佢近近地，去左佢住所附近大角咀泰國菜餐廳開飯。餐廳環境光鮮，食客唔多隔枱坐，餐筷備有滾水沖洗，小店注重衛生可安心食。我地去到先知餐廳原來有一蚊雞優惠，侍應提點可點當日指定優惠美食，好抵食。黃咖喱雞(優惠價) $1咖喱香而不辣有椰香味，醬汁較稀身不油膩撈白飯正，雞肉嫩口，仲有薯仔、紅蘿蔔、洋蔥等配料都幾好味。雜錦串燒半打 $83雞豬各三，串燒肉嫩有肉汁好易撕開，面層有黑胡椒碎食落好惹味，蘸埋沙嗲醬花生味好香好有風味。椰青焗海鮮飯 $104原個椰青窒塞滿大堆飯份量唔少，椰漿滿瀉望見流晒口水，飯粒粒分明而且食落啖啖椰青水清香，蝦肉彈牙，魷魚鬚軟身易嚼，仲有椰肉絲、腰果、三色豆等，好多配料食落口感豐富。泰式明爐烏頭魚 $169肥美的烏頭魚以泰式酸梅湯浸煮，湯底清魚肉質嫩，酸酸地幾開胃，明火熱住下魚肉酸甜好入味無泥味，大量香蔥、秀珍菇、椰菜、肉碎好多配料食。椰汁珍多冰 $28 泰菜特式飲品當然要飲番杯，椰汁清甜可口，仲有軟滑的綠豆粉條、阿答子、大樹菠蘿口感豐富，有得飲有得食。菠蘿冰$28新鮮菠蘿製沙冰口感細膩，味道清甜飲落有幾分涼意，爽呀。

香港貴為美食天堂，周圍都有各國嘅美食。邊個話食泰國嘢一定要去九龍城架，大角咀都有一間由泰國人主理嘅正宗泰國菜- - -橙象🤗粉絲海鮮沙律先講醬汁，酸酸辣辣嘅味道令到作為前菜嘅沙律更嘢未，食客更開胃。估唔到沙律入邊嘅海鮮都爽口彈牙，實在驚喜👍🏻黃咖喱雞喺大角咀呢個地區，仲可以喺晚餐嘅時間用一蚊嗌到一個餸，絕對係超值！黃咖喱雞加入小小嘅椰香，更加帶出咖喱香而不辣嘅味道👍🏻蛋包海鮮炒飯本身嗌707，結果落咗701。不過錯有錯着，呢個蛋包海鮮炒飯上面有一層薄薄嘅煎蛋包住啲炒飯，唔單止有美感，食嘅時候撈埋一齊蛋香同炒飯味絕對係絕配！特選椰青呢個椰青一定要大讚，味道唔單止清甜，啲肉仲嫩到用飲筒已經可以刮出嚟😋今次食唔到椰香焗海鮮飯唔緊要，下次一定要再嚟啊😍

每日都有一款 $1優惠菜式，試問有邊個見到唔會心心眼，雖然係優惠，但食物質素一d都唔馬虎。蛋網海鮮金邊粉($88)，蛋包飯就食得多，蛋包金邊粉第一次食，一切開入面即噴煙，熱辣辣，夏天食返d酸酸尾尾即美食好開胃，攪拌埋花生碎一齊口感更好。泰式滷水豬脾焗粉絲煲($106)，粉絲唔會太乾太濕，掛滿住豬脾既肉汁，至於豬脾亦煲得好腍，而且去晒骨。黃咖喱雞($1)，哩個就係優惠菜式，雞肉都有好多，絕不馬虎，咖喱味香濃。特選椰青($42)，大大個椰青，滿滿既椰水，好飲，椰肉容易刮起，好方便。

雖然講到泰國菜，好多人都會諗起九龍城，我地都好鐘意食泰菜，但九龍城位置上唔太方便我，搵到一間評價甚高嘅泰菜，發現佢地喺大角咀有分店，週三晚收工就過去一試。餐廳位於匯豐中心附近，其實一帶都有好多特色小店，日本料理、漢堡店、越南野等等，泰國菜唔多，所以即使係新店都人氣甚高。而最吸引人莫過於一星期7日，日日都有一款$1特價菜式，咁優惠嘅價錢點能夠唔試。9pm後入座仲有7折優惠，性價比高！$1優惠價菜式：（晚市堂食、需惠顧主餐牌一個項目，飯、飲品、蒜蓉包、薄餅除外、加一以原價計算）星期一：炸蝦餅；星期二：鳳爪沙律；星期三：明爐烏頭魚；星期四：黃咖喱雞；星期五：飛天通菜；星期六：細枝啤酒；星期日：炸豬扒所以我地當日見隔離枱一對小情侶就點左一份咖喱雞、炒菜、白飯，埋單連加一100蚊有找，非常抵餐廳位置都幾多，裝潢簡約，以木色調為主，光線充足，與其話係泰式餐廳，俾我感覺更似一間cafe，帶少許文青感。餐牌供應小食、沙律、湯類、海鮮、肉類、咖喱、蔬菜、飯麵、甜品、飲品，定價唔貴。焗蒜蓉包 $34/5件包厚身香脆，蒜茸搽得均勻，唔會一忽有一忽冇，沾上少少黃咖喱汁送包一流泰式炸蝦餅 $69/3件炸蝦餅大件