PokéToké

营业中

休息中

最近愛上食Poke，上網睇到廣華街嘅呢間PokéToké好似幾吸引，今日就一於嚟試吓。呢度有preset嘅Poke，亦可以自選食材。所有Poke都可以選擇沙律菜及/或壽司飯做base。我就建議揀Mix，有菜有飯營養會比較均衡。天氣凍凍地，首先揀個暖身又開胃嘅三文魚熬昆布蜆豆腐濃湯。呢碗湯相當足料，首先佢係用三文魚熬製嘅湯底，鮮味得嚟又唔會太鹹，而且有唔少蜆肉，仲有昆布同豆腐，非常美味。加州風味碗有我最鍾意嘅三文魚，我特別選擇咗汁另上，可以自己控制份量。除咗有三文魚，仲有三文魚籽、青瓜粒、粉絲、車厘茄，夠哂多菜少肉，再灑上紫菜絲、木魚絲同芝麻，令整個poke更香口。夏威夷波奇嘅醬汁就用上鰹魚醬油，更有日式風味。除咗有主角吞拿魚，仲有蟹籽、海帶、紫洋蔥、枝豆，同樣會灑上紫菜絲、木魚絲同芝麻。呢度除咗poke，仲有一系列嘅小食，我就揀咗黃金炸蟹鉗，原來一份有五件，其實都幾平，新鮮炸起嘅蟹鉗仲好脆口，放肆地淺嘗一下都無妨。

星期五嘅晚上嚟到 有十幾個人喺門口等緊位 餐廳嘅座位唔算好多🙊▫️大滿貫 ($128)包括三文魚 吞拿魚 中華沙律 雜錦香菇 牛油果 蛋絲蟹籽 山葵蛋黃醬 紫菜絲 木魚絲 黑白芝麻 溫泉玉子(+$8) 刺身含有豐富嘅omega3 再加埋香菇🍄牛油果🥑等蔬菜類 營養均衡感覺健康🤤▪️夏威夷波奇 ($88)包括吞拿魚 海帶 紫洋蔥 蟹籽 枝豆 堅魚醬油 紫菜絲 木魚絲 黑白芝麻各種配料嘅味道加埋好夾☺️飯底選擇左壽司飯🍚+沙律菜🥗 醬汁亦可另上▫️黃金炸蟹鉗 ($38)蟹鉗有5隻 炸到脆卜卜香脆可口 炸粉亦唔會好厚🦀▪️麵豉湯 (+$12)麵豉湯唔會好鹹 除咗有豆腐同昆布 仲有兩隻蜆肉提高湯嘅鮮味😍

Poke Bowl夏威夷蓋飯喺香港人氣飆升，不過間唔時食返碗做午餐係幾好嘅😛。呢日去開旺角行街食飯，見到「PokéToké」唔使等位就入去啦。店舖面積細細，有普通餐枱同高枱，裝修簡約，整體都算坐得幾舒服嘅。再者，呢度設計貼心💕，會提供籃俾客人放物品。作為夏威夷蓋飯專門店🌺🍚，呢度食乜就唔使多講。佢提供多款指定特選丼，但你亦可自行組合Mix & Match，價錢其實唔差得幾遠。我哋懶得逐樣揀🙈，所以嗌咗兩款Signature Bowl，不過值得一提嘅係佢手機落單版面顯示清晰，少飯、多醬、分開上等嘅選項通通都有得揀。題外話，小店無提供套餐，小食同飲品都要以原價加配，有少少貴😣。加州風味碗($98)，主食係三文魚🐟，配菜有三文魚籽、青瓜、玉子絲以及車厘茄，醬料則係日式胡麻醬。佢可算係親子丼，皆因有齊三文魚同三文魚籽，兩者都幾新鮮。另外三款料則係傳統配搭；無聊一提，紅黃綠三隻色拼埋好靚🚥。胡麻醬味道熟悉，成個組合一齊食好夾。經典雞肉碗($78)，主食係慢煮雞肉🐔，配菜有蟹柳、玉子絲以及豆腐，醬料則係凱撒沙律醬。嗌雞係因為唔想食咁多海鮮，但都驚味道唔夾。不過出到嚟幾有驚喜👍，雞肉大大粒，肉質唔嚡