Bamboo Thai (屯門市廣場1期)

营业中

休息中

行過屯門商場，想食泰菜，見餐單幾吸引，一於入黎試試。🍤黃金蝦餅$88蝦餅新鮮即炸🤩好彈牙、啖啖蝦肉，配埋特製醬汁酸酸甜甜好開胃😋另外，仲有紅、白蘿蔔絲做伴菜，味道一點都不馬虎！拍得住韓國菜的前菜質素😋🥬咸肉炒芥蘭$72勁想食芥蘭，但得咸肉炒，有點嫌棄咸肉。因為覺得泰菜必定要點馬拉盞炒菜。但上菜後我完全改觀呢個想法🫣。咸肉香得黎入口帶強烈炸肉口感，但又不油膩，大愛💯💯💯另外，芥蘭都炒到火候剛剛好，食落香脆又美味☺️🦀蟹肉臘腸炒飯$138 見到網上好多人推薦呢款，份量雖然都吾多，但勝在夠晒鑊氣、啖啖臘腸同蟹肉，而飯都炒得粒粒分明，而且又有蘆筍同櫻花蝦炒埋，帶點辣椒香味，成個愈食愈開胃而不油膩😚😚🌶️辣椒膏炒蜆$148突然想食蜆，見到餐牌張相又幾吸引，雖然有點貴，但今日好想試下。結果又係超驚喜🤩🤩！蜆大粒肥美，冇沙！最正係個汁，難以形容的多種味道、香、辣、惹味，忍不住叫碗白飯撈汁食！因為連汁都太好味😋🍚白飯$18二人消費$510，人均$255雖然略貴，但呢幾款菜在此餐廳食到不一樣的味道和醬汁，算是值得一來！下次會來試埋其他菜式🤩🤩超滿足的一餐💯💯📍 Bamboo Thai (屯門市廣場) (屯門

之前間中經過bamboo thai門口都見到裝修得幾靚, 望到人地野食都幾唔錯, 之後更發現佢地有火山排骨, 即刻約friend去食下!我完全係被最近大熱既火山排骨吸引過去食, 哈哈!火山排骨 (小) $118貌相好吸引, 唔好以為骨多過肉, 其實肉既份量比想像中多好多, 3-4人食小既size都可以!本身見menu有辣椒圖案以為好辣, 點知無咩辣味, 唔食得辣既朋友都可以食!!反而個人覺得酸味較重! 肉質方面都ok淋!餐廳有提供膠手套, 方便我地可以用手大大啖地食排骨!黃金蝦餅 $75個人會推介蝦餅, 好彈牙, 蝦餅入面仲見到d蝦肉碎!另外配埋個酸辣醬好惹味, 個醬汁愈食愈好味!大蝦米紙卷 $68每件都有半隻大蝦係入面, 另外有d菜做餡, 食落有d芒果味, 但又見唔到有芒果肉, 我估係加入左芒果汁!好岩夏天食!!生牛肉湯河 $82個人幾喜歡個湯底, 應該用左牛肉熬製而成, 因為幾重牛味, 再加埋d香料, 好味道!牛肉好滑, 好重牛味!環境裝修得幾靚, 因為早入座無咩人, 過左半個鐘就坐滿哂人!最後比個餐牌大家睇睇!

 好鍾意去泰國旅行，可惜近2年都無得去玩，只好不食吓泰國菜頂吓癮，發現屯門市中心開咗間泰菜，今晚終於有時間試試佢。店內佈置頗有在布吉的感覺，兩個人叫咗一個沙律，一個小食，一個炒粉，還有一個主菜 ~ 火山排骨青木瓜沙律$68材料新鮮爽脆，加上辣辣醬汁，惹味又開胃，正呀！黃金蝦餅$75蝦餅表面香脆，內裡彈牙充滿蝦嘅鮮味泰式大蝦炒金邊粉$112鮮蝦大大隻彈牙又鮮味，金邊粉夾埋芽菜等配料一齊食，香甜爽口共冶一爐，yummy火山排骨(小) $118排骨好大堆頭喎，店方俾埋一次性手套，方便用手拎嚟食，好貼心記得醮汁食更正。由於太多肉會覺得膩，我哋撈埋青木瓜沙律一齊食，原來又好夾喎，哈哈我哋嘅位置好有空間感，舒服

天氣熱加上又落雨，感覺好似泰國(幻想旅行中) 🤣想食泰國野，就去Bamboo Thai食～#青木瓜蝦沙律 🥗泰國野好多時都有啲開胃沙律，小妹都叫左青木瓜蝦沙律醒下胃先，酸酸辣辣，辣度比想像中高，唔食得辣既小妹只係食到少少🙈，蝦仁爽口，木瓜清新，係一個唔錯既開胃菜，好辣既朋友仔記得試下HKD68#黃金蝦餅 🦐本身想食春卷，可惜賣晒。就叫左個好多泰國餐廳都有既蝦餅試下，炸得乾身唔油，蝦膠彈牙，蝦味都幾出，食得出用左好多蝦去整，點埋甜酸醬，好味HKD75#火山排骨（小）🐖到重頭戲，係Bamboo Thai既招牌菜，大部份人都會叫，差不多每枱都有，咁緊係要試下佢喇！因為2人食既關係，只點了細份火山排骨，上到枱望落份量俾想像中大份😳，岩晒打卡😍，難怪個個都話係鎮店招牌菜，完全想像唔到叫大份的話個份量會係幾咁多🙈豬排骨叠到好似火山咁⛰️，配埋蔥花芫荽係面，感覺好似火山爆出黎咁既視角效果🌋🌋🌋🌋，排骨應該屬於spine既部份，肉質偏瘦但唔鞋，有肉味，配埋鹹鹹酸酸好泰式風味既醬汁，令人食指大動（餐廳貼心俾埋手套方便落手食排骨抵讚👍🏻）HKD118#香茅牛肉撈檬 🐂想叫啲carbohydrate 食下，夏

今晚約左朋友係屯市食飯，我同佢都幾中意食泰國野，見到呢間裝修好掂價錢合理就入去試下～呢度每個店員都好殷勤服務好好😮😮 超讚！👍我地叫左個​黃金蝦餅，​馬拉盞通菜，細既火山排骨同埋泰式大蝦炒金邊粉😛1. 黃金蝦餅新鮮熱辣，外層香脆唔油膩，口感係屬於偏實淨既蝦餅，好足料👏2.馬拉盞通菜帶微微既辣，配料有大大粒蝦乾，蔥頭同炸蒜等等，好惹味😋 (試左齋食粒蝦乾都幾鹹，要黎送白飯就一流🤣)3. 火山排骨(小)一啲都唔細份😅 依然好壯觀賣相好吸引😍 面頭有啲蔥蒜同芫茜好香，汁係微微既酸辣，排骨舊舊都好嫰滑，部分帶啲軟骨位，帶住手套成舊食都幾有風味兼好惹味😋😋我地拆晒啲肉出黎食左近一半都仲有好多淨😂😂4. 泰式大蝦炒金邊粉基本上係我地必點既主菜😎 酸酸甜甜好鬼開胃！又唔會覺得好似炒河粉咁油膩，啲蝦超級大隻爽口！！用料好靚👏👏 啲花生粉，辣粉，芽菜同青檸就放左係側邊可以按照自己喜好去加👍埋完單走果陣接連聽到好多句“多謝曬拜拜”既道謝，朋友話簡直有賓至如歸嘅感覺😂😂 講真，呢個價錢係大型商場食服務都抵，更何況食物質素咁高，一定會再黎！👍😚