川大哥

营业中

休息中

係深水埗買完野幫襯下小店，主打酸菜魚/烤魚，燒烤款式多，一班朋友去食好啱。黃金酸菜魚鍋（小）雖然點左小份，鯛魚片份量多，口感滑嫩，揀左中辣，配菜酸菜同埋芽菜份量足，鯛魚片吸收哂酸菜酸味和辣椒既香氣。手切肥牛少少油花及筋位，口感爽口，牛肉味較重，吸收酸菜魚湯底精華，酸酸辣辣。羊肉片望落去好新鮮，鮮紅色嘅色澤，入口肉質細嫩。另外燒烤類都好出色：🔹燒雞泡魚乾：油脂清香，烤至脆身，配搭沙律醬食。🔸豬頸肉：烤得外表焦香，内裡多汁，油脂香十足。🔹燒豬大腸：外層微脆，口感Q彈有嚼勁。自家製羅漢果雪梨菊花茶拼冰粉爽清甜爽口，冰粉滑嫩透涼，食完辣野清一清熱。

燒粟米 $30有用牛油燒，再加微微孜然粉喺面，好有四川風味，粟米好甜，仲幾多汁，好味雞中翼 $39燒得外脆內嫰，加埋孜然粉，好惹味燒雞泡魚乾 $39燒得夠靚，抵食黃金酸菜魚鍋（小） $198冇骨嘅鯛魚片塊塊都好厚，魚肉彈牙，好新鮮，配料又多，有紹菜，大荳芽，酸菜，芫茜，點咗小辣，又酸又辣，好味😋 份量仲超大炒椰菜 $68菜好新鮮，勁多水，大量蒜蓉，好味阿膠黑糖姜棗茶 $33微甜微姜，感覺好舒服座位闊落，食物選擇多，除咗酸菜魚，烤魚，火鍋，仲有好多串燒選擇👍🏻

作為酸菜魚控，周不時都會搵吓唔同地區嘅酸菜魚店，今次就嚟到位於深水埗區嘅呢間川大哥！呢度係自己用QR code落單嘅，非常方便～ 一睇個menu，發現呢到除咗最主打嘅酸菜魚鍋之外，仲可以食到烤魚、雞煲、川式串燒、川式錫紙燒同川式涼菜等等，食物種類非常之多元化～黃金酸菜魚鍋(小)💰HK$198本身以為會好細兜，但原來份量都超多！我地簡咁小辣，辣度剛剛好，唔會太辣又唔會太酸！魚肉方面，我地簡咗鯛魚片，食落爽口，完全冇腥味！個鍋入面仲有好多酸菜、芽菜同埋娃娃菜～紅薯粉💰HK$22食酸菜魚又點少得薯粉，個酸菜魚鍋本身係冇紅薯粉，所以我地就追加左啲紅薯粉，放落去個酸菜魚湯底度，吸收晒湯底嘅精華，口感煙韌，食得好滋味～娃娃菜 (火鍋湯料)💰HK$36呢到可以將啲火鍋湯料放去個酸菜魚鍋到一齊煮， 朋友同我都係中意食菜之人，見佢鍋入面嘅娃娃菜咁好味，所以就再額外叫多咗份菜～金針菇(火鍋湯料) 💰HK$25比娃娃菜更加超入味，掛湯能力極高，係一定要追加嘅食材～厚切牛脷(2串)💰HK$39牛脷唔會韌，有孜然粉同埋辣粉做調味，好惹味～雞中翼(2串)💰HK$39外邊嘅雞皮燒到好脆，食落啖啖充滿孜然粉嘅味道～蒜

聽到朋友推薦呢間餐廳，話好抵食，今日特登黎試下。雖然係小店，但環境好闊，我地2個人有卡位坐，私隱度都好夠，鋪頭仲有電視睇☺️☺️☺️ 今日係平日唔算多人。Menu係QR code 點單，好方便。鋪頭得一位姐姐，不過佢服務好好👍 menu好多選擇啊，就算唔食辣都可以好多選擇😎我地叫左酸菜魚，微辣，可以揀生魚或者鯛魚片。我地揀左後者。一上到黎我地哇左聲，勁大煲！鯛魚片非常新鮮，肉質嫩滑，無骨。 酸菜都唔錯，成個煲鹹味恰到好處。我地仲叫左d串燒，特別推薦牛舌同雞肉香腸😌😌😌牛舌串燒嘅火候掌握得好好，外皮微焦，又保持咗牛舌嘅軟嫩口感。調味上，以鹽、胡椒、辣椒粉輕輕腌製，保留住牛舌本身嘅鮮味。雞肉香腸我地本身無咩特別期望，食落去甜甜地，唉呀又幾好食wor😂😂😂蒜香金菇整得非常出色，金菇炒得剛剛好，口感爽脆。佢仲有個鍋熱住佢，熱辣辣勁正。最後貪心叫埋紅糖糍粑，又係好唔錯，唔會太膩，不過個人鍾意再煙韌d，佢呢個係屬於唔黐牙軟糯嘅。埋單500唔洗！非常抵食。題外話佢可樂仲係玻璃瓶🥹🥹🥹🥹 真係買少見少

今日收工約左屋企人食飯，打算黎深水埗一頭覓食，行行下黎到呢頭見到呢間川菜小店幾新式，有別於傳統中菜館既裝修，決定一試。入到去好快有人招呼，店設QR code落單方便快捷，如果揀唔到店員都會俾下意見介紹番餐廳環境乾淨，檯之間唔會逼，一家左細黎可以近門口更有氣氛。先叫左啲開胃小食，泡椒魚皮$32，少少辣好爽口。再黎叫左啲串燒，羊肉串$18@2串，上面有川味辣粉同孜然粉，好惹味！厚切牛脷$35@2串，大大塊我同家人2個人驚食唔哂，就叫左黃金酸菜魚鍋（小）鯛魚小辣 $198。嘩估唔到好多魚肉，好似食極仲有咁，加上佢哋個湯底有好多娃娃菜，個湯又冇乜味精，越食越想食，食完又唔覺口渴我哋仲叫左啲火鍋配料，包括日本廣島蠔$88，紅薯粉$19。廣島蠔$88大大粒，有6隻好抵食，放落酸菜魚湯底入面仲好juicy薯粉都好煙韌，煮耐啲吸哂啲湯汁好鬼正見隔離枱叫左一盒錫紙燒，我哋都叫黎試下先！叫左蒜香燒蜆$58，大大盒放上個小燭台上熱住，慢慢食啲蜆都仲暖，份量都幾多呢個價錢好抵食而且多蒜得黎幾香，處理得幾乾淨冇沙。下次會再同朋友黎翻兜佢個黃金酸菜魚，想試埋佢個辣子雞丁，望落整得幾靚又大大盤好香口咁。