好湯好麵

营业中

休息中

大圍其實真係好多唔錯嘅食店，今次依間又係長龍店，重要係米芝蓮推介🧐價格雖然偏貴，但值得一試👍🏻我地喺佢開門前到達，😢點知已經勁多人，好彩佢地有兩層，等一陣就有位啦✌🏻！試咗黑口黑面🦑（HK$84)有北海道魷魚、墨魚滑配墨魚濃湯扁陽春麵！🤩店主好細心，怕大家食到成身都墨魚汁，所以會配件sexy圍裙🤣😂，攪到唔好意思用！講返個麵，本人好喜歡佢嘅墨魚滑，雖然講唔上彈牙，但墨魚味重！相反佢嘅魷魚就冇咩味，麵質還可以，湯底唔算濃味但好飲!海龍皇湯🦐（HK$130)有藍蟹肉、海蝦、廣島蠔肉、墨魚滑配蝦頭油、皇湯陽春麵🤤依碗店主配一條手巾，用手剝完蝦可以抹手，好鬼細心！個蝦湯味超濃郁，陽春麵偏軟身，但好滑，好似食緊拉麵咁！推介👍🏻最可惜既係d蟹肉一整散落湯就好難食到😢建議試咗啖蟹肉先好撈入湯度🤣兩碗麵就要二百幾蚊真心唔平，但食完又心思思想再去試其他味🤦🏻‍♀️好矛盾！

呢間好湯好麵係我既其中一個to eat list 之一，因為身邊太多朋友都介紹過，又見佢經常要排隊，搞到我都心癢癢想試一試，再加上拎左米芝蓮後，我更想試一試。原本想食佢個海龍皇或好頭好尾（即係海鮮湯麵同牛肉麵）但因為買晒，唯有退而求其次，食呢個黑口黑面，希望食完唔會黑面呢。可能真係太多人，同我懷疑佢係集齊幾張單一次過整，所以等得有d耐，不過唔緊要，好食既野，等係冇問題架！終於黎度喇，湯底係烏卒卒既墨汁湯底，墨魚同墨魚滑。好食既係，兩粒墨魚滑煲好大粒，彈牙。麵條係扁身，唔林同有咬口。不過湯頭方面，其實唔太特別，味道又唔太特別，冇咩突出位，隨左係黑色同冇墨汁外，完！結論係呢碗麵要84蚊，雖然食個日本拉面都係呢個價錢，但食日本拉麵會開心d~

見到好多推介呢度湯底正，就諗住尼試下啦價錢唔算平，一碗麵78蚊起但份量足夠，普通食量嘅人一定夠飽！個湯底真係幾有誠意，似飲緊住家湯，個麵底都不錯唔會煮到好淋，有機會會再尼試其他湯底

喺蘋果日報上面見到介紹，話呢一間小店嘅大廚係酒店餐廳出身。本身我係好鍾意食麵，又好鍾意飲湯，特別係濃湯，於是就趁閒日過去幫襯下。試過第一次之後真係念念不忘呀！首先佢每一碗麵都配唔同嘅高湯同埋唔同嘅麵條，食得出個心機同埋食材嘅新鮮，而啖啖濃郁嘅高湯真係會令人飲清光...食完係唔會頸渴㗎！而且店員服務殷勤，嗌墨魚麵會有圍裙，嗌海龍王麵會有濕毛巾等你搣完蝦殼可以用... 真心推介呀！不過要注意佢每日下午三點至到六點係唔開嘅。

傳聞傳得熱辣辣既好湯好麵，聽左勁耐話係五星級大廚下凡開既麵店，終於有機會黎試下啦！今日唔知係好彩定咩呢，只係等左一張枱，5分鐘左右，間鋪細細間，所以中家都快手快腳食完就俾返個位下一位。叫左最出名既黑口黑麵，麵如其名，黑係墨汁湯底來的，一黎就飲左一啖湯，好鮮甜，係好濃郁既！墨魚仔都好新鮮，我最喜歡係個墨丸，似係手打😘😘之後同行朋友叫左個牛麵(好似叫好頭好尾)，有牛面肉同牛尾，認真個牛面肉好好食，食完之後個咀會漿住，好有膠質既感覺！煮得好淋，怕牛韌既朋友都唔使擔心😆個湯亦都係好濃郁的牛骨湯，好好飲。講左咁耐，冇講過個麵，因為我個人覺得個麵係個敗筆點。佢個麵似係上海麵果種(其實我唔太識分)都唔算係好幼身，煮果時又唔係系個濃湯度煮，所以個麵係冇咩味，麵同湯分得好開既感覺，要keep住食麵果時食一啖麵再灌一啖湯入口，好怪。個人覺得如果佢個湯再整『杰』身少少，好似日式沾麵做到掛湯果種，或者換隻幼身d既麵，可能會好d。

呢間食店雖然開左無耐，但湯底出晒名，假期入親去都要排隊，難得閒日去到唔洗排隊，但都好多人，不過食物方面都唔洗等好耐。朋友揀左個好頭好尾，因為怕有少少辣，我無試到個湯，但朋友食完話唔口渴。我揀左個黑口黑面，墨魚汁湯底加墨魚筒墨魚滑，先要讚湯底夠晒味得尼又夠清，食完飲晒都唔口渴，不過個人認為個湯如果「杰」少少少少，可以個麵掛少少汁食咁，口感可能會更爽。墨魚筒唔韌，口感不錯。兩大粒墨魚滑彈牙，滿意。另外試左小食冷盤豆腐薄片，雖然有少少XO醬，但我唔食得辣都勉強接受得到。

天氣漸凍，飲啖熱湯，食個熱麵，感覺真係好幸福！叫咗兩碗麵一個甜品，已經好飽了！食湯麵，湯一定要夠熱先得，先上蕃茄蛋牛，個湯好正，好夠味，有好多帶咸小小的蕃茄仔，蕃茄仔連湯飲好惹味！個湯熱到有煙出，感覺好良好～啲牛好淋，淋到唔使咬，又有牛味～呢個麵真係好唔錯不過陽春麵係幼身的，吸湯力強，但又淋得好快喎，如果唔鐘意食淋麵，就要諗諗改麵底了！再黎係推介的黑口黑麵，如果先上呢個，再食蕃茄蛋牛的話，會更加好！但係食完蕃茄蛋牛，就會覺得佢淡味咗！個湯底其實係好好飲的，唔好俾個色誤導咗，其實個湯係好清新的！值得一贊湯依然好熱，但廚師就有小小失誤了，因為材料係日本魷魚，因為湯太熱，令到魷魚上枱時會靭咗好多，呢方面可能要注意下了！墨魚滑味係調得唔錯的，但食落有小小散，如果可以做到爽趣的話，一定會更好！再上水中花，呢個糖水應該係一早做定雪好的！因為一早浸住啲豆腐，所以個糖水睇落有小小濁，啲豆腐又變黃咗小小又硬咗小小！如果可以做到，糖水分開雪，上枱先加糖水，我諗效果會更好！講返味道先，中間唔知放了什麼，有小小梅子呀桂花呀味咁，味道係唔錯的，係甜咗小小！本人非廚師，只係用食客身分給予建議，唔知可唔可行，但希望