烏龍燒 (已結業)

第一次食串燒，來到白布街這間烏龍燒，雖然地方不大，但感覺舒服，Menu似武林秘笈好得意，店員服務態度親切友善，他們見我唔識燒也會前來幫忙，謝謝呢！有點手殘-烏龍咁燒左一晩🐦🔘窩蛋菜莆玉子燒又幾得意，要有step by step ，先煎香玉子再倒入蛋漿同菜莆，根據喜好可以加調味粉，食落蛋香味重，菜莆爽口🔘黑松露墨魚滑，燒大片魚滑需要時間，半熟透再剪細件，魚滑夠彈係滑類基本條件，入囗啖啖墨魚，加入黑松露獨特香味，口感非常吸引🔘海鹽牛肩胛，眼看牛肩胛已經好靚，輕輕一焼已經很香，咬落非常 jucy🔘燒雞脾菇最好塗上香料及醬油，淡淡的味道口感爽脆🔘燒原隻生蠔，大隻新鮮，熟透加入蒜茸調味，有點遮蓋蠔的味道…查看更多

同fd行完旺角緊係去搵食，佢話想食燒野，原本諗住食韓燒，但又嫌太悶，open rice左下見到呢間烏龍燒幾特別，就過左黎食lu~間鋪上面搭緊棚，行到附近果陣都搵唔到間野係邊，轉左幾個圈先見到。每張枱都會有個BBQ鐵網爐， 大家可以提高自己既燒烤技巧，當然可以請教店員協助。黑松露墨魚滑，燒魚滑看似好容易痴底，但其實比其他海鮮都唔難～方法就係，將成塊墨魚滑放係爐上面燒，燒熟左之後再翻去另一面，咁就唔怕痴底，燒好之後就可以切開。味道方面，淡淡松露香味，再加上墨魚滑既鮮香味，口感軟滑彈牙，內裡有啲墨魚粒增加口感，推薦一食！燒一口懷舊港式魷魚仔 ，呢個唔洗自己燒，係傳統乾燒魷魚干。不過呢款魷魚干唔係人人岩食，食落去覺得味道偏鹹，難以咀嚼。同朋友各自嗌左一個竹筒飯黎燒，只需要直接放上鐵爐，每邊各燒7分鐘，而店員都會提供一個計時器比我地。咸蛋冬菇臘腸竹筒飯，估唔到竹筒看似細細，但食落去份量頗多，其實兩個女仔一個竹筒飯已經夠，呢個竹筒飯充滿鹹香味，咸蛋黃既配搭令飯粒帶點沙沙既口感，而竹筒飯既口感偏乾，但卻非常香口！杞子龍眼菊花蜜，食燒野就唔少得一杯解渴飲品，菊花蜜較入味，而杞子龍眼淡淡的，不過飲上去相當解渴潤喉，食幾多燒野都唔怕XD…查看更多

與他都係'無飯夫婦'，所以每日放工後搵地方食飯係一件幾煩惱既事，通常搵邊間餐廳食飯都係小妹做開，因為小妹太難服侍了，又要岩我口味，最好係未食過，菜式有新意同特別就最好，所以鎖定地點後就不停來回開飯網搵餐廳！初時望到旺角新食店「烏龍燒」仲誤以為係食「烏龍麵」的，後來望到相片先知係食串燒的，見到食評所講的中式糖水沙冰、餐蛋串串同菜甫玉子燒都夠晒特別和吸引，一於去試試。烏龍燒既宗旨係:「烏烏龍龍自己燒，自自在在好逍遙。」望住牆上呢幅烏龍秘笈覺得好盞鬼!店內的設計係開放式的，沒有設置開門位，這樣空氣會比較流通，衣服也不會吸盡了燒烤的味道，但冷氣不夠會有點焗就係；每個坐位打開蓋後都可讓客人擺放隨身物品。（不過當晚落大雨就不停有雨水飛入黎）烏認燒提供多款醬汁同味粉都係餐廳主打，入坐已提出了孜然粉、七味粉、蜜糖、沙嗲醬同自加秘製醬汁。另外包括廚師特調Funny灑灑粉：海苔味粉、泡菜粉、惹味香菇粉、梅粉和咖哩粉都係兩位送一款，四位送兩款等。（散叫同醬汁一樣每款$5）餐牌部分叫完食物後自己放上去燒，好似燒烤咁，另外仲有本烏龍秘芨有講解某些食材要點燒先好食，自己燒自己調味，可以食又可以玩！腐竹糖水冰沙 $29 估唔到呢度有出面未見過的腐竹糖水味道的沙冰，梗係要來一杯！飲落真係好似食緊腐竹糖水，好特別呀，而且味道仲好消暑呢！餐蛋串串 $30差不多每檯都叫的餐蛋串串，玉子和餐蛋都切成粒粒立方，燒到差不多就可以食了；喜愛餐肉切得厚厚燒至微焦後滿好食的！燒魚皮餃串 $27魚皮餃每粒都好飽滿，小妹至愛！燒到咁上下再搽d秘製醬汁燒多陣，好食！海鹽牛肩押 $58一碟有四片，略嫌貴左少少，不過牛肩肉入口肉質細嫩，不用加味道太重的調味已經足夠，怕會遮蓋了牛的味道。黑松露墨魚滑 $48將塊墨魚滑燒到兩面都金黃色，再搽點蜜糖就可以食了，咬落帶有爽彈口感，燒香過的墨魚滑帶有香口惹味的味道，墨魚味好重，不過松露味就較淡，但整體都好食！蒜蓉牛油焗金菇 $33連埋個小砵仔一齊放上去網度燒熟，金菇上放左一大片牛油，煮得差不多時就可以拌勻佢，食落牛油味頗濃，熱辣辣又幾好食！雖然叫左唔算多野食，不過慢慢燒慢慢食都夠飽，今次食唔到菜甫蛋同燒香蕉，下次又有機會再黎食過！…查看更多

去旺角行完街同朋友去白布街睇下有咩新野可以試下，行行下見到呢間新開既串燒店，可以自己燒好得意，仲爆晒場有人排緊隊！應該好值得一試，之後我就拎籌！等左一陣終於有位，一坐底就拎d醬汁同調味粉俾我地，另外有剪刀、紙巾、鉗等等既用具，燒烤就更方便。呢杯龍眼紀子菊花蜜好清甜，有淡淡菊花既香味，龍眼肉好厚、好清甜，成杯飲品好滋潤既感覺～原隻鮑魚呀佢地會配埋蒜蓉俾我地落，仲好細心處理左鮑魚既污穢及不可食用位置，燒既過程唔係就住，燒完仲可以直接食用！以$38一隻鮑魚既質素黎講，真係無得輸！鮑魚味道幾濃郁，好嫩、好有海鮮味，咬落去仲好有口感！小小既一窩金菇菜都落足料，用一大磚牛油同大量蒜蓉去煮，非常香牛油味，仲好清甜海蜇本身好爽口，加上麻辣既味道就更惹味！另外，仲有d芝麻撈埋一齊食，更香雞子打邊爐就成日食，燒烤就真係第一次！好大粒好新鮮，咬落去仲有汁咇出黎！注意唔好燒太耐，乾晒就無咁好食。牛肩胛既脂肪分佈得好平均，食落去好香濃既牛肉味，油香充斥著成個口腔注意燒果陣唔好搽豉油，因為佢本身有海鹽。生蠔都幾肥美，燒既時候都可以放一d蒜蓉，味道更加香！燒蠔既味道有好淡既海水味，咬落去好有質感。燒菠蘿好甜！！！燒熟之後可以用剪刀剪開一小口，更方便食用，而且絕對新鮮！黑松露墨魚餅成塊放上去燒，保留住香濃既黑松露味，墨魚餅好彈牙同埋墨魚味都幾重雞軟骨好大粒，軟骨同雞肉既比例岩岩好，軟骨非常有咬口，燒既時候落d調味粉，好惹味！原來佢地做緊宵夜特價，下次放假一定要再黎！…查看更多