雪山冰廳

营业中

休息中

今晚出玩具街買玩具，順便同朋友搵間餐廳食飯。BOOKMARK 左好耐既茶記，終於可以一嘗啦。雪山冰廳的款式選擇多且創新。樣樣都好想試。最後叫左以下的食物。黑松露沙拉一字骨（ $88）一字骨上有勁多勁多的沙律醬，仲有好多的黑松露醬。一點都唔孤寒。一字骨食落啖啖肉，有咬口。非常惹味。正波士頓龍蝦叻沙摻摻（ $88）入面有豆卜、魚片頭、蛋、龍蝦，非常好豐富✨龍蝦啖啖用，肉質鮮甜爽口，叻沙味道濃唔好太椰汁椰奶的我，覺得呢個口味適合我，不會太重奶味。另外湯內有兩款麵，包括一半米粉和一半油麵，份量多且爽口彈牙，唔會太淋身。經典芝蛋牛肉漢堡包（$35）麵包好軟熟 外脆內軟。牛肉漢堡內有芝士和流心蛋，牛肉非常厚身，一咬落口JUICY，帶少少沙律醬的味道 😋炸雞脾紅豆冰（$40）炸雞脾好大隻，雞皮上面有滿滿的炸蒜，食落脆卜卜，香口和惹味！切開雞髀，仲要啖啖肉且唔乾身！口感一流‼️海底椰雪梨燉赤肉（+$15）燉湯內有海底椰、雪梨、瘦肉和龍眼燉製而成，一點都沒有含有味精。非常清甜，不油膩。轉季的天氣最岩潤一潤。好似飲梗屋企既湯水一樣。樽仔奶茶（+$15）有機會想試埋羊腩煲。

滋潤燉湯二人套餐好似幾抵食，$168有兩個餸、兩盅燉湯、白飯同飲品。見茶記有酸菜魚，咁少有就即管試下佢，估唔到有驚喜喎！今餐飲左好多水落肚，又有燉湯，又有酸菜魚湯，仲有紅豆冰，要去定洗手間先可以搭車返屋企🤪。🌖迷你老壇酸菜魚全碟魚都係無骨架！真係細路仔都啱食～～最欣賞佢個湯底，少少酸少少辣少少麻得黎又唔會太嗆喉，飲落真係好舒服，我自己都飲左兩大碗。未上枱已經聞有少少鹹酸菜果種up 味，同榴蓮一樣，如果你接受到呢種特別嘅氣味，你就一定會唔會抗拒呢道菜，反而會成日心思思想encore 😛。🌖九層塔薑蔥粉絲海蝦 （九月季節小菜）海蝦🦐色澤紅潤，全部都好新鮮，一個霉嘅都無！食落仲幾入味，反而粉絲味道偏淡又太乾身，濕潤返少少，多返啲色水同味道會更好～🌗黑松露沙拉一字骨 $88心血來潮想食沙拉骨所以就叫左。黑松露醬都俾得幾重手；沙律醬味道偏酸；一字骨多肉有咬口又唔會乾。🌖樽仔奶茶 跟餐+$15而家夏天咁鬼熱，飲杯凍飲真係人生一大樂事，樽仔奶茶係雪櫃拎出黎夠曬凍，無冰唔會沖淡茶味奶味，$15真係唔慳得！🌖茶走紅豆冰 跟餐+$15茶味唔會太濃太苦，一開始飲覺得煉奶太少唔夠甜，不過加埋紅豆一齊食係啱啱好

前排去開深水埗搵到間高質茶記😋點了黑松露沙拉一字骨，超驚喜，有大量既黑松露加沙拉醬，一字骨都炸到好香，一咬落去仲係好juicy😋😋而蔥花蛋牛冶都幾足料，味道都較到岩岩好，唔會太咸，咬落去淡淡都有蔥花同咸牛肉，蛋仲好多添，不過我地唔記得叫烘底😭😭如果烘埋熱辣辣應該仲正😋😋野飲方面點了華田曲奇妙趣，阿華田面頭加上cream同oreo 曲奇，大大杯都幾好飲😋🔸黑松露沙拉一字骨 ($78)🔹蔥花蛋牛治 ($26)🔸華田曲奇妙趣 (跟餐 $9)

最近比我地發現左深水埗一間幾有驚喜的茶記, 一定要同大家推介!😋鋪頭位於深水埗嘉頓附近，無論碟頭飯定小菜都好多選擇，一家大細黎都幾岩架👍🏻第一次黎我地就試左佢地d Fushion 菜式，榛子醬西多士，一切開係流心既榛子醬，同一般咸咸地既花生醬唔同，甜得黎唔太膩既榛子醬同外層鬆脆既表面都意外地夾😁仲有黑松露沙拉一字骨，沙拉骨大家都食唔小，呢個加埋大量既黑松露，一黎到已經好香，一字骨都炸到岩岩好，一咬落去肉汁飛哂出黎。唯一係沙拉醬真係有d多，成條骨都包到白色咁，好邪惡🐷🐷 小返d就prefect啦😆主食就叫左個海南雞飯，肉質都幾嫩，加埋甜豉油同酸甜醬都幾惹味👍🏻👍🏻野飲方面佢地有懷舊既樽仔奶茶，為左唔會因為溶冰而溝淡味道，冰室將預先整好既奶茶成樽拎去雪，味道非常唔錯，茶味好出又唔太甜，連我地飲開走甜都覺得OK😉🔹榛子醬西多士 ($30)🔸黑松露沙拉一字骨 ($78)🔸招牌海南雞飯 ($58)🔹樽仔奶茶 (跟餐 $9)總括黎講價錢非常親民，冰室黎講食物水準非常唔錯，仲有好多特色菜色可以揀，中西日東南亞同香港懷舊菜色都有，值得一試😋😋😋😋

下班後還要做公事💻，早已見怪不怪😢，謝謝老公🍋總不介意陪我🚗，這晚又要跟我去找東西了🛍。剛好經過這一家冰室📍，可惜早已易手💔，雖然事已境遷🍂，但還是決定進去懷念一下🤧。裝潢改變了不少😳，加入了不少現代元素✨，加上顏色鮮艷的壁畫🖼，充滿了時代感👍🏽。🔹黑松露沙拉一字骨🍖 $78兩種醬汁出奇地配合🤩，一字骨的肉量不少💓，肥瘦適中😍，如果配上白飯一定超完美💯！🔹椒鹽鮮魷🦑 $78雖然常說不健康😅，但偶爾吃一下也不為過吧🤪。薄薄的炸漿🤩，加上爽脆的肉質及點點的鹹香味🤤，破戒也是值得的💃🏽。🔹瑤柱金菇扒西蘭花🥦 $72脆脆的嚼感加上營養豐富的時蔬💚，淋上了芡汁😌，更為滋味🎊。🔹避風塘生炸脾🍗 $28邪惡度十足的小食👿！由於是即點即炸的關係🔥，上菜是依然是熱度十足🌡，值得一讚的是他們的隔油做得很好👏🏽，加上油的溫度控制得宜🎉，入口絕對不會有過份的油膩感😋。🔹樽仔奶茶🍼 $25(跟餐+$15)整體比例不錯💞，茶味突出🍵，口感幼滑😌，味道上也不會過甜🥰。🔹樽仔咖啡☕️ $25(跟餐+$15)味道蠻香濃的💗，但對比樽仔奶茶則是有點遜色了🤭。💭總結其實也算得上是一家成功轉型的老店🔄，至少人妻並不討厭😉，我倆

之前上網見過有人介紹呢間冰室.. 見有樽仔奶茶! 一直都心思思想試今日終於約左朋友黎食Lunch啦!準時12:45黎到, 唔使等位直入.. 但慢慢就開始好多人黎喇.. ~冰室有少少七,八十年代既feel, 但係其實全部野都好新淨令人感覺乾淨, 坐得舒適Menu好多圖, 又多唔同既食物系列, 勁吸引.. 連飲品款式都令人充滿期待呀XDD一入門口就見到放滿樽仔飲品既雪櫃啦~~一坐低第一件事就緊係Order枝 樽仔招牌奶茶(跟餐+$12)先啦~~意外地 佢唔會雪得太凍太冰先拎出黎喎 : ) 可以話係適合即刻飲既冰度黎~(咁如果係極好冰飲既朋友 就有可能覺得唔夠凍架~)奶茶飲入口好香醇呀! 而且我覺得甜度岩岩好絕對係我杯茶~ 推介大家都可以試試我同朋友一人揀左一個小菜 (包白飯), 但見到佢都有唔少小食, 而且都幾吸引下!所以再夾多左一份櫻花蝦炒蛋多士先黎既就係 日本櫻花蝦炒蛋多士$26 啦!炒蛋份量唔細, 而且有唔少櫻花蝦夾雜係炒蛋內呢~ 第一次食呢個配搭原來兩者都幾夾架, 炒蛋幾香幾滑不過塊多士就略嫌本身個包味過甜, 令人覺得有點滯如果係用返普通既白麵包去整, 效果可能更加好, 亦都咁先至

在深水埗經過雪山冰廳，食客很多，就試試。不同食客會點不同的菜，很少重覆，證明餐廳種類多元化，而且深受街坊歡迎。樽仔奶茶加$12，是店招牌一樣，香濃香滑重奶味，好味。黑牛加 $12，懷舊的飲品，倒是第一次見可樂另上，冰杯配上朱古力雪糕。黑松露沙拉一字骨 $68，黑松露醬很多，一點也不吝嗇。一字骨嫰滑，口感好，肥瘦適中。鐵板蝦乾肉碎啫啫芥蘭 $65，送上時鐵板的油還在「炸炸聲」，有很多粒粒肉碎，芥蘭切得很薄片，更入味，每一條也有香味，少少辣，芥蘭新鮮爽脆。芝士焗波士頓龍蝦海鮮飯$108，見到餐牌有焗龍蝦飯就被吸引了，賣相實在討好，炒飯底，內有魚柳、青口、魷魚、菇、青紅椒、西蘭花。不過味道不及普通小炒出色。

每次到深水埗的時候，也是逛逛電腦商場等等。 今次竟然比我發現一間歷史悠久而有高質的冰室， 雪山冰廳已經開業60多年歷史 ，經過全新裝修之後感覺煥然一新。一場黎到一定要入去發掘一下有什麼好東西吃！ 看見餐牌上的食物種類運入了很多新款的元素，但又不失懷舊的風格。 看見有芝士焗波士頓龍蝦海鮮飯$108，見賣相唔錯所以叫來試試，黑松露沙拉一字骨$68， 鐵板蝦米肉碎啫啫芥蘭$65， 華田曲奇妙趣跟餐$12 ( 淨飲$25 )， 港式茶走紅豆冰跟餐$12 ( 淨飲$25 )， 樽仔招牌奶茶 & 樽仔忌廉咖啡 ( 自取價$15 )。芝士焗波士頓龍蝦海鮮飯， 除了賣相贏曬之外 ，大大隻波士頓龍蝦上枱，入面有魷魚，鮑魚片，青口，魚和蟹柳，材料豐富！ 龍蝦啖啖肉，食得好滿足！黑松露莎拉一字骨，未食已經聞到香噴噴的黑松露味道，配搭甜甜酸酸的沙律醬，還有厚肉而不油膩的排骨， 諗起都想再食啊！鐵板蝦米肉碎啫啫芥蘭，味道很香和微辣，利用蝦米的鹹香味滲透入每一條芥蘭裏，還有肉碎送飯一流。華田曲奇妙趣，係唔係望到都想飲呢？ 不但止賣相靚， 入口不算太甜，唔錯！港式茶走紅豆冰，欣賞佢用茶走做紅豆冰，沒有平時一般的紅豆

是晚本身只係想同寶黎齊齊買枝樽仔奶茶/咖啡走，但係突然就想坐低食埋lunch因為見到有人食緊佢地既dinner set好吸引！除左濃滑香都諗唔到仲有咩字可以形容佢地既樽仔咖啡同奶茶果然係老字號！自取既價錢仲要超抵只係每枝15蚊，比起某明星好鐘意果間冰室性價平高好多！最衰我唔食羊，如果唔係凍凍地食佢個羊腩煲都應該好正（因為老闆極力推薦！）冰室內仲有得睇住電視撈飯始終都忍唔住要叫左呢個平日食開既set，真係史上最超值既特餐，咁高質去邊度搵？！個櫻花蝦炒蛋直情驚為天人，好食到癲（我對炒蛋好高要求）比起佐敦同九龍城果間有過之而無不及最正係每一啖都有櫻花蝦係裡面，果陣鮮味係畢生難忘叻沙係好味既湯底加好彈牙既油麵組成，材料唔使講係好靚，豆卜魚片蝦樣樣都好出色，摻摻加左米粉又令到個口感豐富左，整體配合得天衣無縫牛角酥如果可以脆熱返啲就好喇，不過可能係我掛住食個蛋所以搞到佢攤凍左之後就梗係叫返個隔離都食緊既黑松露沙拉一字骨啦！隔離飯香應該就係咁既意思呢個一字骨肉質好好，半肥瘦好容易就咬到舊肉出黎又唔會痴牙，黑松露醬真材實料勁大pat咁每舊肉都有，佢上菜果下真係超大陣菌味好香港口味炸肶又係餐廳精選，好大