周記點心

营业中

休息中

星期日下午喺周記食點心，唔需要等位。周記係茶餐廳形式嘅點心店，點心都多款式。叫咗好多人推介嘅芝麻蝦多士（$48），見到每枱食客都有一碟，芝麻鋪滿成個多士面，感覺似食煎堆嘅香脆感，麵包邊好脆身，中間嘅蝦蓉係厚身彈牙，好足料，每塊多士都大大件同一樣咁厚身，無令人失望～ 加埋沙律醬食會更加好食，鮮味更突出😋鮮蝦菜苗餃（$32）蝦肉新鮮彈牙，蝦肉同菜嘅比例係7:3，餃子皮晶瑩剔透，唔會太厚身，口感同味道剛好。咖喱土魷每舊魷魚都好大塊，少少香辣嘅咖喱味黑松露湯餃（$28）黑松露湯係雞湯滲出淡淡黑松露味，唔會好鹹好濃味，餃子皮好薄，入面餡係好包滿嘅肉肉，食完一個湯餃，會好飽。鴛鴦燒賣（$32）一款係蝦燒賣，另一款係加咗黑松露喺面嘅黑松露蝦燒賣，蝦肉新鮮，蝦同豬肉比例各一半，食到豬肉嘅結實同蝦嘅彈牙～樽裝奶茶試咗樽裝奶茶，比正常甜度偏甜，120%甜，奶茶有茶味，但由於太甜，覺得唔太好飲，如果可以少甜啲，會好好多由於周記係茶餐廳形式，所以唔會有得揀茶葉 開壺茶，店員會比兩杯茶食客，亦會密密加茶，點心食完會即刻收走吉碟/籠，服務都幾好。唯一唔舒服嘅係，每張枱距離比較貼近，同後面嘅食客會背貼背坐，少少擠迫

一家人去飲茶，老媽子原本想去深水埗某店食點心，細佬話如果去深水埗嗰間咁不如去西環呢間周記食，有老闆坐陣包保點心熱辣辣。老媽子聽完好有興趣，於是就決定去周記，雖然對我呢啲住喺大西北嘅人黎講，去西環真係好遠😅呢間店嘅格局比較似茶餐廳，某啲枱坐落去有少少迫，我地一家人分開左前後兩張枱坐，尚算OK。點心種類頗多，因為兩張枱點咗唔同嘅野食，所以只寫我果枱食果啲點心。XO醬炒腸粉XO醬味唔算太濃，我自己就鍾意食濃味啲。好多芹菜，因為我同我細佬唔食，我老公一人食哂食得好開心😂芝麻蝦多士呢個必食！厚厚嘅蝦膠唔在講，最重要係灑滿芝麻嘅外表真係好脆好脆好脆！趁熱食真係冇得彈，本來只打算食一件嘅我忍唔住食咗第二件，食完仲要意猶未盡🤤唔點佢附嘅沙律醬已經好夠味。周記蝦餃皮夠薄，不過就乾身咗啲，蝦都夠爽口，就係普通嘅蝦餃。懷舊糯米包喺出面嘅酒樓好少見到糯米包，老實講我冇印象有食過呢樣野，呢度嘅糯米食落去唔會乾爭爭，味道亦夠，我比佢pass。黑松露湯餃呢個算係中加西式fusion菜？黑松露味好濃，湯餃都幾大隻，裏面好多料，亦食得到仿翅，呢個都係我會翻點嘅點心。蜜汁叉燒包普通嘅叉燒包，食完唔會留低深刻印象🤣咖哩土魷

久仰大名既周記蝦多士，終於襯假日有時間黎試一試佢(=ﾟωﾟ)ﾉ！黎到門口已經見佢大排長龍，人氣隔左咁耐都無減退，仲吸引到不少遊客、港人慕名而來。假日人流比較多，餐廳會顯得逼夾一些。聽講平日黎會鬆動啲、舒服好多。芝麻蝦多士(hkd$40) 呢到既招牌之一。受過大大小小既傳媒介紹過，甚至揚威海外。鬆脆嘅多士，加上芝麻變得額外香口，再夾上豐厚既蝦膠，啖啖既蝦肉！點上沙律醬，一試難忘♪(´ε｀ )！芝士蝦長春卷(hkd$28) 以春卷作藍本，將佢拉長再拉長，就變成呢到既人氣之作。春卷內啖啖蝦肉，美中不足之處，吾系太食到芝士味。薑蔥牛柏葉(hkd$30) 只系小編鐘意食，食落都無乜特別架。仲覺得有啲貴添，吾系太推薦叫啦。黑松露湯餃(hkd$22) 湯餃內裏肉汁既味道，完全被黑松露掩蓋住。變左好似飲黑松露湯咁，麻麻地！小編都系比較鐘意食翻茶樓既灌湯餃(˶‾᷄ ⁻̫ ‾᷅˵)ﾉ！

最近常去的午市飯堂，家庭式經營，沒有華麗裝修，只有濃厚人情味，畢竟周記已開業多年，有不少街坊及學生經常光顧。 餐廳堅持以傳統手藝炮製各款點心及茶餐廳美食，部分更是即叫即做。春風得意腸:香脆春卷內釀滿彈牙的蝦賿，外層包裹著簿簿的腸粉。XO醬炒蘿蔔糕:蘿蔔糕外皮香脆，可能事先用油炸至外皮脆口，再用XO醬炒香，故此油份比較多。(製作方法純粹個人推測)鳳爪排骨飯:味道普通，米飯偏硬鴛鴦燒賣(黑松露/蟹籽): 雖然黑松露及蟹籽味道不算突出，但燒賣本身豬肉及蝦肉多汁有咬勁，值得一試。周記蝦餃:蝦肉充滿整個口腔，爽口彈牙，再配上餐廳選用的余均益辣椒醬，味道一絕。黑松露湯餃:等了大約20分鐘，熱騰騰上枱，湯餃非常足料，內有蝦粒、豬肉碎、素翅、黑松露...松露味充斥整個湯底，湯底味道有別於中式上湯，反而近似西式忌廉湯。樽仔原味奶茶:友人說味道普通，奶味比較重。四寶滑雞扎:腐竹包裹著火腿條、雞肉、蟹柳及大大片魚肚，份量十足。陳皮牛肉球:以傳統手法炮製，牛肉球內有香芹及馬碲粒，鮮腐竹放底。什醬蒸鳳爪:鳳爪不夠軟腍，味道太淡。白灼郊外油菜:白灼生菜配甜豉油。

※本文以用餐當日的環境、服務和食物質素為準，口味亦因人而異，文章只作參考之用。-最近星期六日出街都係以西環一帶既餐廳為主，大學站、西營盤、堅尼地城值得去既新餐廳愈開愈多。今次我倆係去完Sky100玩飽後再坐巴士出西營盤，目標係想食好耐既周記點心。餐廳係良心小店: 外賣自取9折、免茶芥、免加一持長者咭外賣（平日）一律85折，蒸飯一律$15。周記最出名既係之前大肆報導既流沙西多，個時想食真係一位難求，餐廳又收得早（收六點），想平日放工去既如意算盤都打唔響。今次去到兩點幾，適逢下午茶時間都要拎飛號碼籌，等左約二十分鐘就有位。餐廳比較細，坐位不多，大部分都近乎背貼背，坐得較為迫狹，但為左美食當然無問題啦！雖然見到餐廳員工忙到甩碌，但服務態度仍是不錯，這點值得一讚！餐牌上的點心有分煎炸類、包點類、蒸點類、蒸飯和特色點心等，比較特別的有流心西多、蝦多士、鴛鴦燒賣、松露湯餃、鵪鶉蛋燒賣等，其他為較大路點心。周記的點心標旁手工自家製作，招牌流心西多和蝦多士幾乎每一枱都會點。偶然還會推出餐牌上沒有的點心和其他味道的流心西多，看到牆上貼著的大字報便知道。周記也有供應早餐 (8-11am) 和下午茶餐(2: