櫻花日本料理 (已結業)

友人約這店共晉晚餐，一聽到店名，即時想起...... Sakura sakura 那首日本歌 ^_^再想起以前去日本賞櫻的開心往事。所以都頗期待是次晚餐 一入內，簡約設計，仍隱藏著日本風格。座位寬敞舒適，坐這裡都不錯。殊不知，我們不是坐在這裡，是坐獨立房間呀 令我既驚且喜...... 原來今餐食鐵板燒！我們點了晚市套餐，主菜是龍蝦及日本近江和牛。餐具的擺放都很講究。先奉上小吃，鱈魚片，燒得香口，再沾上沙律醬更惹味！精緻的前菜，為這晚餐打開序幕 ^_^刺身三點，有金目鯛、牡丹蝦及活赤貝，鮮甜美味 黑松露炒粒貝，放醬汁都似藝術品！原味食到鮮味及黑松露味，亦可沾上羅勒汁，食到另一番風味！而我較愛原味，夠鮮！我亦愛吃鰻魚，皮脆肉厚，煎得香口，再配上鰻魚汁，非常美味！和風白飯魚沙律，白飯魚配沙律菜很特別，別有一番風味 主菜出場喇 廚師突然叫我們準備影相或攝錄......突然 "Boom" 一聲，嚇一跳，但很精彩 日本近江和牛配蒜片！一口牛肉粒，入口即有少少想溶的感覺！再配上脆口的蒜片，恰到好處 另一款主菜，蝦羔龍蝦！嘩！啖啖肉，爽口彈牙！蒜片炒飯，粒粒金黃、香口，不太油膩！焦糖多士，很特別！煎香

新開左2個月, 就同女朋友過來豪一次, 裡面很大, 有專用鐵板燒房, 叫左2個鐵板燒set<刺身三點>有牡丹蝦, 赤貝及平政魚, 好新鮮, 同出面食既完全唔同, 牡丹蝦爽甜, 赤貝彈牙, 平政魚清爽, 各有特色<三選一前菜 - 黑松露炒粒貝>新鮮原隻粒貝起肉, 加上蘑菇一齊炒, 撒上黑松露, 配搭得非常之好, 粒貝勁爽口彈牙, 配上蘑菇及黑松露的鮮味, 食唔停口<三選一前菜 - 燒鵝肝>唔同一般既鵝肝咁太重鵝味, 燒到外脆內軟, 一咬落去就好似溶出來咁, 可以配埋邊既蘋果醬, 甜甜地<炸金鯛>金鯛會反轉炸, 主要是炸魚皮, 肉向上加蓋焗熟, 出來效果皮脆肉軟不多油, 超一流水準 <沙律>食完前面幾個菜之後就會來一個沙律清一清口, 去一去油, 貼心既安排<三選一主菜 - 燒龍蝦>新鮮半隻龍蝦, 師博即場係鐵板上面折肉燒, 加上特製龍蝦汁, 極度好味<三選一主菜 - 燒近江和牛>100g和牛, 油花平均, 加上白蘭地燒到5成熟, 完全保持左肉汁, 加埋日式蒜片一齊食, 非常滿足&

慶祝阿妹生日，為表隆重其事，我呢個阿哥當然要認真安排吓，一於搵間我哋至愛嘅日本料理作為生日晚餐。突然想起，之前東京旅行有晚住河口湖溫泉酒店，當晚所食嘅鐵板料理，每道菜都係廚師即席炮製，相當特別！喺香港就未食過此類料理，就以此為晚餐目標，發現一間一致好評餐廳「櫻花日本料理 」，一於即時訂位，兩兄妹係中環嚐「櫻花」慶祝啦！餐廳原來幾易搵，一岀地鐵向蘭桂芳那邊，未需上到蘭桂坊已見右邊的一條食街，行入少少就見一條特別半旋轉樓梯，就係「櫻花日本料理 」啦！訂座時已告知餐廳今晚會選擇鐵板Dinner Set，一到步服務員超有禮貌帶我哋入座，安排咗一間相當闊落嘅房，只有六個座位以U字型圍住鐵板爐，廚師就係面前即席表演廚藝。其實除咗Dinner Set，仲有Omakase Menu Set，仲有好多唔同種類散叫食物菜式。今晚我就分別選擇咗龍蝦&和牛主菜Dinner Set為阿妺慶祝生日啦⋯⋯yeah yeah！再看看飲品menu，當中清酒係食過嘅日式餐廳中最多款式選擇的一間，而且價錢亦好優惠。我好奇問問服務員，原來餐廳所供應的清酒之多，可迎合不同食客喜好，極適合一邊食日本料理、一邊嘆清酒。由於阿妹酒量