龍麵館 (已結業)

聽同事講龍麵館啲嘢食幾好，果次佢仲見到大廚巡舖問食客攞反饋，閒聊左幾句印象唔錯。今日難得同成年無見嘅舊同事聚餐，就決定去呢間啦😊中午一點，見到唔係好多食客，half full 左右，鋪頭都幾大，不過坐得唔係好舒服（方枱木凳），同埋都有啲嘈。四個人食咗幾個點心，同埋炒粉麵，嘢食都覺得冇乜特別（但係就偏貴，不過中環食嘢有邊度唔貴呢😅）。 以下講幾款值得一試嘅點心：1. 黑松露芋角其實呢佢就冇乜黑松露味，但係賣相就好靚，炸得好鬆脆，啲芋頭又唔會好封喉，唔錯!2. 茶燻素鵝呢個好香茶熏味，正😍 不過道菜就凍左少少，同埋佢啲腐皮口感都實左少少3.濃湯鮮竹卷呢個鮮竹卷係我食過咁多間最好味嘅鮮竹卷！好鮮甜嘅龍蝦湯，加上佢肉餡好爽口彈牙，上面仲有啲蟹籽襯托，味道口感一流！4. 叉燒腸呢隻圓形嘅腸粉賣相夠晒特別，叉燒都唔會太瘦好有蜜味，不過個腸粉皮就做得未夠薄啦！始終性價比唔高，試過一次就夠啦！

媽咪喺附近返工，每次行過心喐喐都想嚟試下，今日約埋我就嚟試下〜行入餐廳，有醒獅掛係門口 坐鎮，又有以前酒樓擺酒嘅金龍，加熱水嘅位置，用凉茶舖背景嚟做裝飾，掛上紅燈籠，將傳統融入現代生活，有各種兵器俾有興趣嘅 食客拎住影相。龍蝦蘿蔔酥 $69/件 2件起先嗌個餐廳signature點心，造型夠曬搶眼，喺龍蝦中間放個酥餅，比起一般蘿蔔絲酥餅大咗一倍，裏面就話有馬蹄同龍蝦肉，食落口感軟淋淋，食落無乜鮮味亦無龍蝦個種彈牙，另外馬蹄份量可以加多啲，增加口感。黑松露芋角 $49見到黑松露嘅菜式都會好想試，賣相烏卒卒，都炸好鬆化，果然黑松露味十足， 但缺少了芋角的餡料，吃起較黏口。龍肉炆伊 $169我非常欣賞呢度嘅龍蝦伊麵，完條龍蝦尾，打開下面有拆好嘅龍蝦肉，鮮味十分，伊麵質地彈牙，炆完之後好入味，秘製醬汁帶有鮮味，仲有溫泉蛋，攪拌一齊食更加濃郁。胡椒蒸白肺 $39媽咪就好欣賞呢個點心，平時嘅白肺只會用嚟煲湯，加入胡椒好入味，好驅寒。蛋散 $39鬆化蛋散弄得巨型的， 加了柚子蜜，味道也不錯。留返張單，30日內嚟食會有9折，另外有個下午茶點心假日3點開始，下次會嚟試下！龍麵館 Dragon Noodl

好鍾意呢到個裝修，但唔記得影，而且新開張人太多。龍蝦蘿蔔酥$138: 我遠睇以為有人叫左龍蝦，但原來係蘿蔔酥，佢真係用真龍蝦殼㗎😂☺不過唔知係咩重用呢🤔開花窩筍$69: 賣相已經滿分💯，加埋D柚子汁，好醒胃！藍莓冬瓜$69: 開胃冷盤之選！黑松露芋角$49: 如果無個名我都唔知有黑松露，但如果當佢係一個普通芋角又幾好味🐷泉蛋蒸蘿蔔糕 $59: 麻麻地，可以skip即拉叉燒腸 $59: 皮有點兒厚半蝦半蟹餃 $59 :個皮係無味的其實，與普通蝦叫無誤千葉豆腐花 $59: 豆腐花都係一大舊好味D，糖水多過豆腐茶薰素鵝 $69: 沒有茶薰的味道喔，只有一陣煙😅其實仲有好多野想試，（仲有片皮鴨！）下次會再黎～不過記得要book位呀！P.S.記得入去個廁所🚽呀😂