LM Cafe (已結業)

等男友人放工後黎呢度食，位置喺紅茶附近，行入個商場入面就見到。環境好闊落，坐得舒服又可以慢慢食，越夜越多人入黎。男友人叫左個流心奄列餐，切開有芝士流出，好吸引，如果入面再多啲芝士就仲正。我就叫玉子燒餐，配左撈公仔麵，淋上面嘅係燒汁，而玉子切開後會湧出好香黑松露味，連埋啲菇食味道幾夾。嗰晚好餓，好快就成個餐食哂。呢個焗西蘭花個黑松露味偏淡，不過西蘭花唔硬，易入口，健康之選。跟餐加5蚊有羅宋湯，好大碗，直頭超值，成碗麵咁大，入面好足料，好味又抵食。跟餐有野飲，我叫左最鍾意嘅熱杏霜，好少地方有得飲，呢度沖得好香而且唔會太稀。最後食埋黑松露薯條，有個沙律溝黑松露醬，不過都係點茄汁好食啲。埋單都係180，抵食。

自己一個黎到觀塘 行完街 商場入面見到一間唔起眼的餐廳 入去試下啦一入到去 餐廳裝潢幾吸引我 牆身用lego拼左'LM cafe' 幾有創意叫左一碟香蒜牛油帶子炒意粉 賣相不錯 帶子煎到金黃 未食已經流曬口水 帶子幾爽口 而啲意粉好香既香蒜味 又彈牙 唔會林曬食完意粉 叫左個小食 黑松露薯條 用鐡筒載住既薯條 同黑松露醬 看似普通 食落並不簡單 薯條即叫即做 熱辣辣 啲醬凍冰冰 好香既黑松露味 唔會係化學味 加埋一齊溫度又夾 醬味又同薯條夾 餐廳既食物質素幾好 雖然多人光顧 但上菜速度快 唔會等好耐

一入到去已經覺得裝修好靚有好多大木台好適合一大班人黎食飯店員安排我地坐高木台一開始擔心太高會坐得唔舒服點知原來好舒服流心蛋餐 我叫左炸魚柳（+$2）配芝士醬同飯依個餐以流心蛋做主角可以揀飯/意粉 唔同既食物同醬汁 自由度高一切開個蛋 入面既芝士就流出黎啦個蛋勁滑 但又唔會好油 配埋流動緊既芝士好正炸魚 炸得香脆 入面既魚肉都有花心思有經過調味 好食跟餐加$20 可以有沙拉！我叫左凱薩沙拉麵包勁香脆 醬汁好充足 上面既芝士粉同煙肉碎都好正最難忘就係黑松露薯條薯條份量勁多適合一大班人開心share 食個黑松露醬好香好正黑松露同沙拉醬 好夾變得好適合點薯條食令人越食越上隱熱3.6牛奶奶滑香濃 成為今晚既完美句號