LM Cafe (已結業)

等男友人放工后黎呢度食，位置喺红茶附近，行入个商场入面就见到。环境好阔落，坐得舒服又可以慢慢食，越夜越多人入黎。男友人叫左个流心奄列餐，切开有芝士流出，好吸引，如果入面再多啲芝士就仲正。我就叫玉子烧餐，配左捞公仔面，淋上面嘅系烧汁，而玉子切开后会涌出好香黑松露味，连埋啲菇食味道几夹。𠮶晚好饿，好快就成个餐食哂。呢个焗西兰花个黑松露味偏淡，不过西兰花唔硬，易入口，健康之选。跟餐加5蚊有罗宋汤，好大碗，直头超值，成碗面咁大，入面好足料，好味又抵食。跟餐有野饮，我叫左最钟意嘅热杏霜，好少地方有得饮，呢度冲得好香而且唔会太稀。最后食埋黑松露薯条，有个沙律沟黑松露酱，不过都系点茄汁好食啲。埋单都系180，抵食。