Wanna Eat

营业中

休息中

我朋友約咗我去呢間餐廳佢話平時食lunch都有食過覺得幾好味所以話想帶我試吓。入到去座位都幾舒適，因為疫情關係都有做好衛生措施增設左透明嘅隔板喺枱與枱之間。我哋點左3道菜，拔絲咕嚕肉定食呢個定食有兩個小前菜加白飯，咕嚕肉每粒都好大件而且賣相好靚，每粒面頭都淋滿咗咕嚕肉嘅糖漿，用筷子一夾真係名副其名可以拉出絲來，每一口都可以食到咕嚕肉同埋糖漿嘅融合，啖啖肉仲冇骨添，味道非常一流。黑松露薯條每條薯條都好粗大而且每條都好香脆， 薯條上面有少許黑松露同埋一啲芝士粉， 再加埋一個黑松露醬，食落非常滋味。蜜糖芥末雞翼呢個雞翼賣相好靚而且雞翼炸得金黃色的，食落外脆內軟啲肉好滑而且肉汁都鎖住左喺裏面，食落去味道不錯。不過我略嫌蜜糖芥末醬唔夠甜同唔夠有芥末味。朋友介紹得唔錯，估唔到新蒲崗都有一啲咁有水準嘅fusion菜，我下次都一定會再嚟過。

之前已經黎過呢間餐廳兩次，兩次叫既食物都好好味道，而且價錢唔算貴，性價比高，所以我同男朋友決定第三次到訪.今次我地叫左兩個main，兩個小食，呢到既食物份量都算多，所以其實4樣野對於兩個人黎講係太多，哈哈，不過我同男朋友都好為食，最後竟然差不多清碟.小食: 黑松露薯條上次食過覺得好好味，所以今次都有叫。呢到每條粗薯條入面都有好多薯仔肉，咬落份量十足，好啱我口味。炸既時間亦係啱啱好，炸到外脆內軟，又唔會感覺好油膩。薯條上面本身已經加左黑松露醬，另外，仲配有一個加入左黑松露既蛋黃醬，雙重滋味，雙重享受我好鍾意食黑松露，所以食完真係好滿足! 小食: 黃金雞柳所謂黃金雞柳，就係加左咸蛋黃既炸雞柳，呢個係我近期食過最好食既咸蛋黃菜式之一! 首先，佢地炸雞柳既炸皮係類似平時出面食英式炸魚柳既炸皮，呢種薄薄既炸皮令口感相比平時既炸物黎得輕盈，所以就算加上咸蛋黃，食落都唔會太油膩。咸蛋黃醬既份量都啱啱好，薄薄一層包住炸雞柳，夠味又唔會太咸，仔細食仲會食到咸蛋黃微微既沙質口感，十分香口。主菜: 煙蠔煙肉意大利飯煙蠔切碎加入意大利飯入面一齊煮，所以成個飯都充滿蠔既香味，就算無食到一隻隻蠔，都可以過到食蠔既

收工約左個耐沒見嘅朋友一齊食飯見下面。黎到新蒲崗周圍搵野食果陣見到呢間文青味濃嘅咖啡店幾靚就走入去試下。門面好光猛，完全唔難搵。內裹環境都算寬敞，而且侍應服務幾好。藜麥煙三文魚沙律 ($95)呢份沙律一上枱果陣我同朋友都哇左聲，份量幾大，我地仲驚食唔晒。作為前菜黎講呢個菜式幾好，酸酸甜甜，而且有好多沙律菜同藜麥，啱晒健康人士。至於煙三文魚都唔錯，唔會過火，三文魚味幾出同略帶少少鹹味。而每一片都幾大塊，同朋友每人都分到幾片。海鮮墨魚汁意粉 ($108)海鮮有帆立貝仲有大蝦，味道仍然帶些少鹹，不過意粉就較乾身，如果多少少汁會好啲。紅菜頭帶子意大利飯 ($128)可能紅菜頭本身沒咩味嘅關係，個飯就偏淡，不過都OK。帶子就略嫌少左啲，只有兩粒。整體都唔錯。黑松露薯條 ($53)呢個薯條是最好食嘅菜，薯條好香好脆口，再配黑松露醬真是食到停唔到手﹗

今日再次encore呢間Wanna Eat，因為上次食完真係好wanna eat again！不過今次試新野！講左小食先！香辣雞翼即焗出黎熱辣辣，配埋佢隻辣汁堅係辣，唔但辣得好過癮，食唔停口。黑松露薯條，新鮮即炸出黎脆卜卜，隻黑松露蛋白醬好出色，絕對係一份完美既小食。到主食喇，拔絲咕嚕肉定食，一個字：不得了！點解？你睇相就知，堅拔絲！D肉外脆內軟又滑，真係唔係講笑，勁好食！最後一份就係柚子雞定食，其實上次都食過，不過因為我鐘意柚子類既食物所以encore，依然冇失望！住家菜既感覺，唔會太油膩，柚子既清香你人胃口大開！食完飽到癲埋單都唔洗＄400，真係值得一試再試！

「Wanna Eat」作為在新蒲崗的一間咖啡餐廳，出錢試飲「Wanna Eat」廚房咖啡師製作的咖啡飲品，本來才是食客光顧「Wanna Eat」的首要任務，所以我選擇享用名稱叫做「Dirty」的咖啡飲品。其實我看完「Wanna Eat」咖啡師製作出來的「Dirty」，很想知道「Dirty」飲品的命名原因究竟從何而來，只知道負責盛載「Dirty」咖啡的咖啡杯，像是將一個有保溫間隔的玻璃咖啡杯倒轉，再將濃縮咖啡注入的樣子。所以「Wanna Eat」的咖啡師，將濃縮咖啡注入玻璃咖啡杯裡面之後，玻璃咖啡杯裡面圖案，立刻呈現了一個疑似「骷髏頭骨」，感覺有點詭異的形象。「Wanna Eat」咖啡師在製作「Dirty」濃縮咖啡的時候，沒有另外為咖啡加入甜味調味料，只是以傳統製作「濃縮咖啡」的手法，注入一個疑似杯底，實際上其實是杯壁位置的玻璃咖啡杯裡面。所以向來不太能夠接受「濃縮咖啡」苦味的我，曾經向「Wanna Eat」侍應索取咖啡糖，嘗試為「Dirty」的「濃縮咖啡」注入甜味。怎料「Dirty」內裡杯壁岩岩巉巉，凹凸不平，連攪勻咖啡跟咖啡糖在一起的難度也大增。我幾經辛苦利用「Wanna Eat」咖

今日嚟到呢間黃店食飯價錢都係80至100左右我同男朋友兩個人決定叫一個主食兩個小食 可以試多啲嘢/香辣雞翼/ $42啲雞翼size 都ok 大隻 絕對抵食 味道有啲似麥當勞啲脆辣雞翼 雞翼本身有少少辣 我配埋佢提供嘅醬 都好夾 我男朋友用薯條比嘅黑松露醬去點黎食 佢覺得咁樣夾啲/黑松露薯條/ $48係粗薯條而且上枱啱啱熱辣辣嘅 配埋黑松露醬食一流 不得不提佢份量真係好多 可以三四個人一齊食/拔絲咕嚕肉定食/ $92一個定食有兩個前菜一個白飯一個主菜分量真係超級多好彩我同男朋友淨係叫咗一個主食 咕嚕肉有10粒 每粒都好大粒 真係可以拉絲 表面係甜入邊係咸 外層好脆唔會太淋或者太硬 前菜都係有啲酸辣 非常開胃如果我一個人食肯定食唔晒/富士山/ $30我哋叫咗杯特飲係期間限定成個富士山咁 味道唔係好特別 好似乳酸飲品咁 但係拎嚟打卡都幾好 咁嘅價錢都係抵嘅成餐飯嘅過程 個男侍應都好有禮貌 不斷會幫我哋加水 我見到佢都全程留意住啲客人 我覺得服務態度都幾好 同埋可能加上我嗰日唔使等位 大約七點去食 再遲啲可能就要等位

疫情稍為緩和，今晚就約咗朋友來新蒲崗呢邊dinner 順便交收🤓 佢帶咗我黎呢間幾隱蔽嘅餐廳，話有驚喜喎🤨 聽到佢咁講即刻有少少期待🙈嚟到見到門口Menu選擇唔算話好多，一頁睇晒一目了然，但勝在中西式都有得食😯 仲要樣樣都好似好吸引咁😍餐廳唔算大間，環境主要以北歐風風格為主✨乾淨企理👍🏻 坐得舒服❣️兩個人，食唔得咁多🙈最後揀咗一個意粉、一個pizza➕一個小食❣️另外在嗌咗兩杯飲品～.先來個小食俾我哋食住等🤟🏻黑松露薯條$48薯條🍟好大盆❗️絕對唔係得幾條果種 🤩薯條新鮮即炸🌟確保熱辣辣送到枱上♨️不過黑松露嘅份量就少咗D，好彩仲有個黑松露沙律醬搭救💕.千島海鮮手工薄餅$88呢個海鮮pizza都係以帆立貝為主，面層舖上大量香濃芝士➕適量嘅千島醬，簡簡單單但味道不錯💕而且完全唔知廚師點樣整到呢一個奇趣無比嘅批邊🤩 脆得來口感幾特別，好吸引我將個pizza連埋冇餡嘅批邊全部食晒🙈.想食.明太子意粉$102明太子意粉配上帆立貝💕再加埋紫菜絲喺面❗️完全喺西日式風明太子意粉嘅味道🤤醬汁嘅濃度調得啱啱好❣️唔會太稀亦唔會太杰，剛好夠令醬汁癡晒落啲意粉度再放入口😋意粉又唔會overcooked，煮得啱啱好👍

新蒲崗食咩好?雖然住九龍區，但我真係好少去新蒲崗，總覺得佢同馬鞍山一樣都係美食沙漠，無咩餐廳選擇。今次朋友喺附近放工嚟咗食Wanna Eat環境環境係文青小清新嘅感覺，光線開明，好乾淨嘅感覺，座位坐落闊落，同其他枱都有距離，啱哂同伴侶或者朋友嚟傾計或者敘舊😁 服務值得一讚喺呢間餐廳嘅服務真係好好首先佢地俾嘅水係暖水，比起其他餐廳一陣水喉水味或者凍冰冰黎得細心。每次基本上係一舉手就有人過嚟問我地有咩需要，中間幫我地換碟都換得好密食物熱情果茶個人好鍾意飲熱情果茶，不過要整得好飲唔簡單，呢杯唔錯的。飲落熱情果味夠濃會小小果肉感，同茶味平衡，唔太酸又唔會太甜，唔錯！！富士山特飲睇已經覺得靚，可以影到十張八張相😂 10杯藍色飲品9杯伏，呢杯係唔伏個杯喎！果然控制甜度都真係幾唔錯，朋友好快飲完再encore黑松露薯條熱辣辣嘅薯條最好食，唔係幼薯條係粗身外面夠脆入邊仲好香薯味個種😋芥末蜜糖雞翼雞翼都係好夠熱啱啱炸起，蜜糖另外上可以自己決定加幾多，我就全部倒哂落去😋建議芥末味可以再濃啲明太子忌廉帶子意粉一上碟就見到份量好足，聞落去好重忌廉香味。食落好夠汁，佢唔係一大pat醬就算個種，而真係炒到每一條意

之前來過這位於彩虹道巴士站附近，小優雅走文青風的小餐廳午膳，覺得上菜精緻，味道亦不俗，所以再重臨晚飯。舖面真的偏小，就十枱八枱左右，門口邊有2人位須坐高凳，枱與枱之間偏擠，還好椅子挺夠闊，坐得舒適，閒談、用膳一段時間亦不致如坐針氈，客源多是斯文客。半為健康著想，半為想吃意大利飯，點了個 紅菜頭帶子意大利飯，紅菜頭粒很充滿，亦剛好夠甜，又加了些果仁薄片，賣相可愛至極，味道亦好吃得可惡；豬腰柳沙律及薯條，豬柳偏乾身，再juicy，點就更好，薯條是連皮的像薯角，連皮吃是較有營養，而且炸得夠脆；蜜糖芥茉雞翼，有點像炸雞厚厚的，要大口大口吃的口感，肚餓時吃這類東西特別充實；忘了豬柳已有薯角，又點了個 黑松露薯條，大大碟，還是吃得很起勁；最後點了的 焦糖香蕉🍌配朱古力🍫雪糕🍦窩夫，因單子搞亂了加上現場座無虛席，飽餐後等了20分鐘才到，店員也連番道歉弄得我也不好意思起來，不過沒令人失望，香蕉弄些焦糖已夠特別，窩夫亦香香脆脆。

上網見到呢間嘢食賣相好似幾吸引，就同男朋友嚟食晚飯~店舖裝修幾靚，好有Cafe感覺，幾舒適~餐牌選擇幾多元化，有亞洲風味嘢食，亦有西餐可以揀~明太子意粉~意粉軟硬度適中，欣賞佢每條意粉都沾滿了明太子醬，而非水水的一pat意粉醬，配上幾粒帆立貝，帶子嘅香味同意粉幾夾，加上少許紫菜，為整碟意粉增添了不少日式感覺，整碟感覺好滿足~海鮮蕃茄意大利飯~蕃茄味道濃郁，每粒飯粒吸收蕃茄醬和海鮮精華，而且飯粒煮得啱啱好，剛剛熟透，味道十分香濃，海鮮種類和份量夠多，啖啖肉~黑松露薯條~薯條啱啱炸起， 十分香脆，而且條條都很粗身，鹽嘅份量啱啱好，不會太鹹，配上黑松露令整體味道層次更豐富，沾上黑松露忌廉醬食味道更香~富士山~係我最鍾意嘅飲品之一，賣相十分精美，一望就令我勾起了在富士山旅行的回憶，飯落味道也不錯，梳打配上奶蓋味道十分夾，加入少量爆炸糖令整體味道更豐富，口感特別教人難忘，價錢比一般Cafe便宜，性價比幾高🤤凍焦糖爆谷朱古力~呢杯顛覆左我對傳統朱古力嘅印象，少量嘅焦糖爆谷味道融入了朱古力當中，令整杯朱古力飲品味道更為特別，加入忌廉令整體賣相更豐富，性價比高~

好耐無寫過食評，心血來潮寫返篇近期印象較深的一間。話說有日收工後同埋隻熊出去新蒲崗個邊行下，見到呢間好似幾吸引就去左，間鋪位置幾好，鄰近譽・港灣，閒日夜晚去唔駛等位，但都叫多客。點左三樣野分別係黑松露薯條、想食・明太子意粉同埋海鮮意大利飯，首先來到既係意粉，個份量比想像中細，原本都唔太為意，但見隔離枱點同一樣意粉但眼見人哋個意粉大成兩倍有多，其實廚房一齊煮都好正常，但分碟應該留意返，攪到我個意粉兩三啖就無左，人地就食唔曬。講返食物，個意粉好一般，明太子味唔夠出，相信一般人上網學點整個效果都比佢好。而之後就上個意大利飯，個意大利飯原來係蕃茄汁，味道都唔差但唔夠入味，而海鮮就好一般。最後就係個黑松露薯條，佢個黑松露薯條好明顯係炸薯條之後再就咁放一 Pat 黑松露醬上去，對比起其他鋪頭將黑松露連埋薯條一齊炸或者係薯條上面灑上黑松露磨成既粉就遜色好多。但不得不提佢職員服務態度好好，會瘋狂咁幫你加水亦都唔該前唔該後，如果佢嘅食物質素可以提升返咁整體感覺就會更好。

筆者和同事一行四人加個小朋友到Wanna Eat用餐，餐廳職員聽到有小朋友，立即幫我們安排較寛敞的座位，亦在櫈上加放BB櫈，感覺貼心。望向對面的餐桌，有熊貓擺設，天花板的波波燈也很有特色，相信多人聚會坐在這角落氣氛應該不錯。海鮮意大利飯 (4/10): 醬汁味道有點奇怪，但海鮮爽口新鮮，意大利飯的硬度亦適中。野菌薄餅 (7/10): 餅皮很薄，烘烤過後很香脆，配料只是野菌和芝士，不會太滯。西冷扒配薯菜 (7/10): 點了五成熟的西冷扒，但成品比較像七成熟，不過尚算稔身易咬，薯條也炸得香脆。黑松露薯條 (8/10): 最好食的是黑松露薯條，沾醬很有松露的香味，薯條本身也很香脆。Summary: 除了意大利飯，其他食物都不過不失，貼心的服務亦加了分，值得再訪。

今次係第二次到訪餐廳，所以決定試下上次無食過嘅食物。太多樣食物都想試，我地花左啲時間先決定到，最後叫左4樣食物，中西式都有，黎個中西合璧.🌱想食。柚子雞定食個名真心無改錯，真係食完都仲好想食！柚子味調味啱啱好，甜甜地好開胃，雞肉十分嫩滑，配上熱辣辣白飯一碗，好正❤️.🌱黑松露薯條自家製粗薯條好好食，啖啖都係薯仔，好足料，另外個黑松露醬真係好香，我地食哂成兜醬.🌱意大利千層闊麵呢個份量比較細，如果當主食可能會唔夠飽，但係個味道係調教得幾好。.🌱香蕉朱古力雪糕窩夫呢個係成餐飯最值得大讚嘅一樣食物，首先價錢十分合理，性價比好高，味道都一流，個朱古力雪糕好好食！去開附近一定要試下😚

憂鬱奔向冷的天，近來嘅新聞確實令人心碎，尤其是睇到好多年青人同自己差唔多年紀，心情係幾沈重。不過，有情緒就要搵老友㗎啦，大家傾吓講吓，食餐好文青嘅晚飯，紓解吓心中嘅鬱悶呢隻雞令我地諗返起中學時期家政堂學煮嘅一味餸—檸檬雞，好有當年嘅回憶。另外兩道小食，傾計送飯都一流意粉質感煮得幾好，最好趁熱食，如果唔係啲醬乾晒就唔好大胃好鍾意黑松露，胃民就唔鍾意太多黑松露，難得呢兜薯條我地兩個都啱誰能憑渴意要富士山私飲？呢杯係柚子特飲，唔太甜，好清新最能抗鬱就梗係甜品啦，呢碟窩夫唔會太厚，表面又脆，仲有焦糖啫喱襯托，簡直係幸福臨香江

23-4-2019 生日飯原本揀選了另一間餐廳🍴怎料星期二休息於是再查附近還有什麼特色餐廳 就到了這間wanna eat 看到了這杯special drink 就決定入去了幸好找來一間不錯的文青feel cafe😊🍸超美的富士山特飲🗻 顏色是奪目的富士藍色💙 味道有點像波子水的乳酸梳打 面層還灑上了丁點荔枝味爆炸糖😍朋友點的是日本香橙熱royce朱古力🍊 還附一片Royce家朱古力 想食。明太子意粉🍴意粉偏硬，白汁濃厚如carbonara/沙律醬般，明太子不多，居然是配有5粒帶子。柚子雞定食🍴是中式煮法 有點像西檸雞 但是柚子醬 定食還配了柚子豆腐 單吃不錯 又清新又滑 蓮藕 朋友則強烈不推介🤣我沒吃黑松露薯條🍟是即炸的連皮薯條 可惜黑松露極少 芝士反而很強烈😂地方很適合女生打卡聊天 是日式西餐廳 走文青風 餐內還離奇地有紅油抄手可以吃🤣朋友怕吃不飽的話要點來吃 但有種不知在吃西餐還是中餐的感覺😂😂😂值得一讚是店員服務很周到👍🏻