Comfy by Chef's Stage (東廣場)

营业中

休息中

今日帶左狗狗出觀塘，就上網睇下有咩餐廳係pet friendly 🐾原來東廣場有間西餐可以帶埋狗狗，成日會去觀塘但就一直都無試過係東廣場食過野～餐廳分左兩邊，店員安排左我地坐係外邊位置，位置都好打卡able 😂😂隔離枱已經有兩隻細狗🍔韓式雞肉菠蘿漢堡$118痴線個漢堡勁厚，因為有兩塊雞肉同菠蘿，包有烘過表層脆得黎入面仲係好軟熟，好想一啖咬落去，自問個口唔係細，可惜無能為力🙂雞肉係雞胸位，但一啲都唔乾，醬汁帶小小辣同酸酸地，估唔到係兩塊咁多！仲有粗薯熱辣辣同沙律菜🍄黑松露雜菌意大利飯$118意大利飯配黑松露真係好香，仲有一片香脆麵包，一啖飯一啖包，個口感又再正左，如果份量緊多多小小更好，有啲唔夠喉🥹🥹🍓雜莓乳酪沙冰$50沙冰多到滿瀉，卡都打唔切就要啜左兩啖先，有少少士多啤梨脆脆係面，沙冰好重莓味同乳酪味，唔會互相搶走對方個味道，甜道適中，帶少少微酸，飲完兩啖已經開左個胃🫰🏻本身無帶任何期望去食，味道唔錯有水準，絕對對得住個價錢🫶🏻🫶🏻

之前經過一直都未有機會試 星期日邊間餐廳都多人咁啱呢間12點開 去到就有位 唔洗排☺️⭐️黑松露雜菌意大利飯個飯好香黑松露味 煮得剛剛好連配飯嘅蒜蓉包都整得好香好鬆脆🧄🥖⭐️明太子海鮮薄餅明太子愛好者 多啲會更香 皮都可以再薄啲但都足夠好食 啲海鮮好多 好出色 性價比好高👍🏻⭐️甜薯條最近出去都以甜薯代替薯條 好似無咁罪惡甜薯真係有揀過 好甜 炸得又剛剛好😋⭐️熱紫薯鮮奶 > 燕麥奶，少甜好飲到嚇親我 推薦呢個比大家 健康嘅飲品❤️⭐️凍黑糖鮮奶伯爵咖啡黑糖遮咗啲伯爵茶味 可惜 但都可以一試⭐️熱穀物鮮奶咖啡喜愛健康嘅味道要揀呢個 我個人覺得不錯嘅～

Comfy by Chef’s Stage 觀塘東廣場同朋友去行街想行APM新開個間松xx日本藥妝店，多人過年宵排完隊應該唔使食，果斷去Cafe坐下食嘢吹水🤣依間係我朋友介紹，佢係依頭返工平時lunch time好多人，今日星期日晚上時間居然唔多人，我坐貓咪牆個邊🐱✌️★金門火腿賓尼迪蛋酸種麵包$88真係睇相都已經知道好好食，麵包同出面食嘅真係有唔同,個蛋流心非常好食★黑松露雜菌意大利飯$118見到個上面有食用花，賣相好靚黑松露意大利飯好難唔好食🤣呢個好好食★香草雞燒烤醬薄餅$118Pizza長身薄底脆身，菠蘿好甜香草好好食，芝士同燒烤醬夠味之餘唔會太鹹。最好係雞肉唔會鞋，good★軟殼蟹蕃茄忌廉汁扁意粉$128依個軟殼蟹好好食冇嗰浸油味，上台時仲係有脆，蕃茄汁唔會太酸值得一試★咖啡每個人口味唔同，依間咖啡好好飲,我見人哋隔離杯咖啡熱飲有拉花，好靚就跟住嗌★有凍咖啡可以就咁買走，非常好味道賣相相當唔錯😋我所有食用花都照食埋

➼ 黑松露雜菌意大利飯個飯好重黑松露味，啲飯都粒粒分明亦好有咬口；個汁都啱啱好，唔會食食下就覺得漏而唔想再食落去👍🏻不過都唔算係特別Impressive，係屬於比較穩陣嘅選擇。➼ 軟殼蟹牛油果漢堡軟殼蟹係即炸嘅，好脆卜卜啊！加埋牛油果同蕃茄平衡返成個口感，所以唔會油淋淋👍🏻另外薯條炸得好香脆，非常值得欣賞！➼ 凍紫薯鮮奶呢度啲嘢飲杯杯都好靚！唔打卡都會覺得對自己唔住🤣呢度嘅紫薯鮮奶冇好假嘅甜味👍🏻口感好順滑，不知不覺就飲晒成杯😣➼ 曲奇杏仁奶昔見到面頭啲Oreo碎topping以為會好甜，但飲落又唔係喎！曲奇味好濃，Overall口感都好濃厚👍🏻推介！

今天到觀塘剪髮，未夠鐘係對面商場行個圈就見到呢間裝修靚靚嘅 café ，就暫定剪完嚟呢度食晚飯😁😁七點左右再嚟，好彩兩位都安排到，安排位置都算舒適，只係要同別的人打對面🤪 用QR點餐，我鐘意👍🏼😁 剪緊髮時已係Openrice 呢度睇過吓有咩食，所以好快就點咗一個飯，一個Pizza，因唔想食得太飽，都唔想揀兩個都係意粉😝首先，想讚咗先，各服務員都好好呀，有禮又有善，食都食得開心啲，一定會再嚟試其他菜式😊 仲有，食完感覺好好，完全冇膩 feel，好舒服 😌黑松靈雜菌意大利飯到先，都整得幾快，賣相幾靚呀，食落就冇咩黑松靈味，但幾好味😋 女友就嫌唔係好夠咸。。。(不過，佢一向都鐘意比較咸😏😏) 雖然未去到佢鐘意嘅咸度，但佢都話好味㗎😁過多陣個 Parma ham & salami pizza 都到埋，賣相都靚👍🏼 食落只係ok，未去到好味個隻，啲 rocket veggie & parma ham 都好似冇咩味咁😜

估唔到東廣場呢間新開無耐嘅cafe連紅日都咁爆場，接近兩點都仲要排隊😯【明太子甜蝦扁意粉】份量十足嘅意粉，一上枱已經聞到好香明太子味🤤醬汁濃稠，足以沾滿每條意粉，頭幾啖食入口會覺得好惹味，食到後半有少少膩🤪慣咗食凍嘅甜蝦刺身🦐當佢舖喺熱辣辣嘅意粉上面好似怪怪哋😅伴碟嘅麵包比較有驚喜，擺到臨尾先食都仲keep到香脆👍🏼【黑松露雜菌意大利飯】作為黑松露嘅fan屎，一打開menu立即就比呢個飯吸引咗🤤雜菌同黑松露味道都好出👍🏼同意粉一樣份量十足，醬汁當中有芝士同cream，入口感覺更濃 (((所以食到後半更加膩😅)))【凍抹茶咖啡 & 凍美式咖啡】可能凍飲嘅關係，抹茶咖啡入口比想像中淡🧐而且大部份綠茶粉無溶到⋯積咗喺杯底，攪到臨尾幾啖好澀😣美式咖啡不過不失，個人認為入口唔酸又唔太淡就ok😆埋單嗰陣先發現原來飲品有半價，令兩杯咖啡即時加分😝

觀塘開源道，作為全香港其中1個塞車既黑點，每晚收工既時間永遠都係人來人往 (如果你想稍為行快少少都無可能)。響鬧市中入面搵1間相對寧靜既西餐廳都有難度，今晚小編與朋友們就響隔離成業街就搵到呢間Comfy by Chef's Stage。Chef Stage呢個品牌既餐廳以前響荃灣﹑元朗個陣都係屬於高質素既餐廳 (還記得以前每次用餐都會食車打芝士漢堡類既產品，因為漢堡扒既肉汁真係好多好吸引)，所以響觀塘見到個陣都有唔少期待。7:30到達後，坐位都算多情況下剛巧滿座，所以小編都等左大約20分鐘先有枱。基於防疫既考慮，餐廳都以無接觸 (即電話直接掃瞄QR Code)落單。今晚連小編自己總共有3位朋友一齊晚餐，就當然可以點選更多既菜式一同分享品嚐!1) 慢煮手撕雞肉燒烤醬薄餅 ($118)：好味! 燒烤醬濃郁，雖然手撕雞份量唔算多，但配搭燒烤醬都算惹味，而菠蘿及沙律菜就可以中和少少燒烤醬既濃味；餅底偏硬所以切個陣要小心，而偏硬既餅邊小編就唔太鍾意喇!2) 美國牛肩胛板鍵扒 ($168)：還可以。兩塊牛扒取自唔同部位，但牛板鍵個塊偏向多筋，令到切既時候，以至食個陣都會比較難咬，相對會失色不少。而