洋食商店 (喜遇)

营业中

休息中

招牌鍋物餐 $682美國極黑牛頸脊壽喜燒燉飯呢款美國極黑牛頸脊肉味幾香☺️用牛油同壽喜燒汁烹調後，令牛肉本身嘅甜味更加突出，點埋蛋汁一齊食，口感細嫩順滑😍全程仲有店員幫你燒，可以解放雙手🥰燒完牛肉之後，店員會再處理蔬菜盤，啲蔬菜吸晒牛汁同壽喜燒汁，食落鮮甜又爽口😍最後仲會有個充滿左芝士同粟米嘅邪惡燉飯🤣店員將燉飯煮至收汁狀態，飯粒帶少少濕潤就食得🤤啲芝士同粟米好夾，配埋壽喜燒汁，另到燉飯好鮮甜，芝士好香濃，呢個燉飯好好食👍🏻串燒拼盤串燒拼盤有雞翼、豬腩肉、冬菇、燒菠蘿、秋葵同大蝦☺️款式種類幾多，每款串物都火候十足，我地另外再係套餐加配左激厚牛舌🤤厚切牛舌口感好滿足🤣明太子玉子燒玉子燒面頭擺滿蟹籽同沙律醬、切開玉子燒仲有好多明太子😍玉子燒口感好嫩滑，明太子同蟹籽好新鮮☺️口感層次好豐富🤓開心果雜莓芭菲呢款甜品簡直係打卡首選😍成個甜品好有層次，底部鋪滿芭菲、開心果醬、開心果碎、頂層擺左雪糕、牛奶妹、小熊同埋雪糕筒，望落好有童真🤣小朋友一定會好中意呢款甜品😍除左睇得，味道都唔錯，整體好有開心果香味又唔太甜🥰楊梅荔枝烏龍呢款飲品好Fresh，諗到淡淡嘅梅味同荔枝香，味道唔會太甜，不過略嫌茶味唔夠濃

聽聞近年喺長沙灣新開咗呢間洋食商店，主打性價比極高嘅壽喜燒鍋物餐！餐廳店裡店外嘅環境都洋溢住懷舊日本果種昭和風，處處都充滿打卡位～明太子玉子燒💰HK$58表面充滿咗滿滿嘅明太子醬同蟹籽，口感嫩滑而且蛋香味濃郁～招牌鍋物餐💰HK$526係進點必叫嘅招牌套餐，包含咗以下咁多款食物，份量多而且價錢抵～✨黑牛壽喜燒燉飯店員會先用黃糖、牛油加壽喜燒汁來燒牛肉，燒好嘅牛肉點埋蛋汁一齊食，肥美得來又香甜嫩滑，好驚艷！煮完牛肉之後，店員就會開始煮菜、菇類同豆腐等等！最後就會加啲飯落去煮成燉飯！最後嘅燉飯有啲令人失望，雖然充滿牛油嘅香氣，但食落口味道有啲甜，食咗幾啖就令人覺得好漏～✨串燒拼盤有燒雞翼、燒蝦、燒五花腩、燒秋葵同埋燒冬菇，超豐盛～✨爆谷雞原本以為爆谷雞應該係細細粒嘅炸雞，點知原來都勁大粒，另外仲有三款醬可以隨意點～✨雞皮餃子外皮炸到香脆唔油膩，完成鎖住咗餃子餡嘅肉汁，好有驚喜～粒粒蜜桃💰HK$28叫咗少冰、少甜、鴨屎香烏龍做茶底，清新解渴～

呢間西日居酒屋裝修得好靚 周圍都有打卡位😍一入去已經見到懷舊日式小攤檔同埋汽水機再經過一條掛滿燈籠同霓虹燈牌嘅商店街 就會到達用餐區真係好似置身昭和時代嘅零食商店街咁🥰🍴和風壽喜燒奶油燉飯套餐 ($498)呢個套餐除左有牛肉壽喜燒之外 仲有串燒拼盤同埋兩款小食 十分之豐富！壽喜燒全程由店員操刀 連蛋都幫我地打埋🫶🏻店員仲一邊煮一邊講解關東同關西壽喜燒嘅分別呢度嘅係關西風 店員首先將牛油同糖煮融焦糖化之後再煮頂級美國極黑牛頸脊最後再落壽喜燒醬汁牛肉食落肉味濃郁 仲帶有牛油同焦糖嘅味道蘸埋蛋汁一齊食 口感更加滑溜好味🥰煮完牛 就可以落埋蔬菜豆腐、洋蔥、大白菜、冬菇、本菇吸哂d壽喜燒湯汁都好正👍🏻最後店員就會加入黑松露、奶油忌廉、意大利飯去整燉飯燉飯好creamy好香 仲吸收哂湯底嘅精華真係超級好味！❤️✔️串燒拼盤呢個拼盤種類同份量都唔少有大蝦、五花腩、雞翼、秋葵、冬菇、菠蘿每串都以日式醬汁去燒 好惹味其中雞翼有少少似土匪雞翼 好正😆✔️明太子玉子燒厚厚嘅玉子燒上面鋪滿明太子醬店員會喺上菜前用火槍燒一燒再加上大量蟹子甜甜地嘅玉子燒連埋炙燒過嘅明太子醬一齊食好好味🥰必點！👍🏻✔️炙燒吞拿魚配三文魚子

之前係長沙灣探朋友果陣就見到呢間餐廳既門面充滿濃濃嘅日本風，今次去到果然好正，入面佈置得好有日本街頭嘅感覺，用餐環境好正🤭招牌燉飯餐 $498黑牛壽喜燒燉飯用上美國黑牛，關西風煮法，會先落糖煮成焦糖，牛嘅肉質都幾嫩滑，醬汁亦係佢哋自己調製，食落唔會好甜好甜，食哂之後店員會落飯整個燉飯，個飯吸收哂個壽喜燒嘅精華，有濃濃嘅醬汁味同牛味，值得一試👍🏻明太子玉子燒店員會拎個玉子燒喺你面前炙燒，再落蟹籽同海苔，玉子燒都幾厚身，帶有蛋香，食落係有滿足感嘅，明太子份量都唔少，所以帶微辣，幾好食😚串燒拼盤有蝦，豚肉，菇，秋葵，菠蘿，呢個拼盤有啲出色，食材都食到係新鮮嘅，重點係調味啱啱好，再配埋佢哋用墨西哥辣椒自製嘅辣醬食，好惹味😍牛舌Sɪᴢᴇ極大又厚身，調味恰到好處，肉質又軟熟，一啖食落去係爽嘅😏雪糕梳打 +$28我哋叫咗2杯，蜜瓜梳打同波子汽水，係日本飲到嘅味道，真係好懷念去日本嘅日子啊😩呢度除咗Pᴇᴛ Fʀɪᴇɴᴅʟʏ之外，仲有狗仔嘅Mᴇɴᴜ，咁就唔怕主子嚟到嘅時候，你眼望我眼咁尷尬喇🤣🤣