大渣哥茶記 (已結業)

同舟人·誓相隨大渣哥茶記Cafe de Jargor 💛💛💛💛⋯⋯⋯⋯⋯⋯⋯⋯⋯⋯⋯⋯⋯⋯🥢蔥油絕頂（蔥油雞扒煎雙蛋飯）雞扒都算大件，香脆，雙蛋煎得好靚，流出蛋黃加上一大堆葱油，正！另外仲有一支豉油比你自行調味。🥢黑牛黑麵（收嗲鮮牛肉公仔麵·丹麥多士·火腿煎雙蛋）其實即係茶記一定有嘅沙嗲牛肉公仔麵，丹麥多士香脆，一個唔錯嘅常餐。Lunch time 外面多人排隊等位，茶記員工會出嚟派遮比客人遮太陽，唔洗曬住等位，窩心💛(雖然我自己都有遮☂️)

✨九龍灣大熱茶記✨.我係為咗個暴龍西多而去，賣相實在非常吸引，當日12點左右去到，等咗5分鐘就入得，但我哋發現原來2點後先有個暴龍西多🥲平時好少去九龍灣，所以同一日我哋食咗兩次渣哥🙈分別就係lunch同下午茶～.𝗟𝘂𝗻𝗰𝗵▫️XO醬叉燒蔥花滑蛋飯 $65 (6/10)因為賣相太吸引，結果好有期望，但發現味道只屬普通水平，成隻蛋熟嘅情度再平均啲更好，不過個XO醬係幾好惹味⁽ ´꒳`⁾.▫️椒鹽豬扒飯 $67 (6.5/10)正正常常，都幾多肉下！.𝗧𝗲𝗮▫️暴龍西多 $45 (6/10)賣相好吸引，但味道同普通西多冇分別，只係面頭多咗層朱古力粉.▫️黑牛黑麵 $60 (7.5/10)底湯都幾濃郁，唔錯😋.雖然食物普通，但環境坐得幾舒適，餐牌食物名稱亦夠創意(˶ˊᵕˋ˵) 地點亦好就腳，隔離就係我最愛嘅享樂烘焙♥︎.如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我@fibee3b.

綜合兩次食大渣哥嘅體驗- - - - - - - - - -某日晚餐送餐超級快，非常好 (因為我超趕時間)#黑牛黑麵 🍜第一次食 #丹麥多士 ，超級鬆脆，個炒蛋超滑超大份🤩#收嗲鮮牛肉 其實味道就無咩特別不過係沙嗲牛麵我就啱嫁喇~另外我好奇佢點解咁黑😂- - - - - - - - - -某日lunch#WA渣BI芥末蔥油雞飯 🐓睇佢個樣好似冇乜殺傷力我又好傻仔咁一嚟就將啲飯撈落啲豉油汁度，咁就出事喇啲芥末味超級重，攻鼻攻到我即刻咳同流鼻水😵(食嘢食到又咳又流鼻水流眼水，嚇死隔嚟枱😂)每一啖一入口就攞我命，啲飯撈哂汁真係食唔到喇...唯有拎正常嘅豉油將啲雞沖淡返少少lol啲雞係好滑同有雞味👌🏻

今日又來到我最愛嘅茶餐廳大渣哥嚟咗咁多次都係第一次寫食評。今次黎到九龍灣分店，喺德福廣場行落嚟都好近好方便。今日唔使排隊，即刻可以安排入座。黑牛黑麵，其實即係沙嗲牛肉麵，好重沙嗲味，又有花生醬味，麵質好爽，值得encore!熱奶茶都好重茶味，因為太重茶味，飲完夜晚有d 訓唔著😂另外叫左豉椒牛肉炒河，牛肉份量足，好有獲氣，雖然炒河出名肥膩，但炒到感覺不會太油，食哂成碟easy job! 飲品就叫左凍奶茶，熱同凍感覺好唔同，凍奶茶滑口好多

次次路過都大排長龍，今日襯仲未到食飯時間冇人排隊就緊係衝入去試啦但早食嘅唔好處就係唔太肚餓所以簡單點左個叫黑牛黑麵嘅茶餐先上炒蛋火腿+丹麥麵包，麵包個texture同牛角包好似而家一上已經塗好牛油十分靚仔炒蛋好嫩滑而且有蛋味，又唔會成碟都係油，絕對係高分之作冰咖啡送黎已經會心微笑左一下因為佢係茶記咖啡之中最正嗰種：睇到咖啡同奶嘅分層，面頭再加少少咖啡粉上去，呢個造法保證香濃好飲嘅主角黑牛黑麵，其實就係沙嗲牛麵，但同出面啲沙嗲牛麵絕對唔同，呢隻係好濃好有顆粒感嘅沙嗲，真係用足料整嗰隻尤其是個牛肉嘅份量，十足十返左20年前嘅茶記咁，撈到成個湯啡晒仲有凸，味道當然唔洗講啦你話55蚊連凍飲嘅茶餐係咪貴？單純價錢計係嘅，但大渣哥比返55蚊嘅料你。你問我會唔會翻啅？一定會

最喜歡早餐去大渣哥只食呢個黑牛黑麵餐。上次嚟食已經係一年前，今次嚟食竟然唔使查身分證！？記得以前連早餐都要排隊，可能熱潮已經過咗，可以即刻入座。由於本人唔食公仔麵嘅所以將佢轉咗做米粉，配炒蛋丹麥多士熱奶茶，係香港人嘅經典早餐！大渣哥嘅沙嗲汁非常濃郁，牛肉醃得好入味，亦食得出好新鮮因為好淋，米粉都好爽好幼身，又大碗，加埋真係Per肥池！丹麥多士整塊充滿牛油香味，烘到脆卜卜，炒蛋又滑，應該加咗牛油炒，食完真係要落街跑返10個圈先得。奶茶有茶餐廳嘅正宗味道。雖然一個常餐來講$52有啲貴，但係物有所值，會繼續做黑牛黑麵嘅fans！

週末又再外出懲罰黃店，今次食下午茶就唔使等位，填好資料同量完溫度即可入座。店員好快就幫我哋落好單，上食物速度都好快。黑牛黑麵 $52黑牛黑麵係全日供應嘅，可以揀公仔麵丶通粉或米線，隨餐會有埋丹麥多士，炒蛋/煎蛋及火腿。多士表面烘到脆脆地，而且好香牛油味。炒蛋就炒得比較熟，味道都偏淡。收嗲（沙嗲）鮮牛肉公仔麵嘅牛肉都唔少，而且肉質幾嫩滑，沙嗲汁好多，味道好濃郁，公仔麵軟硬度適中。整體來講，食物質素都屬中上，下次會想再試埋其他食物，再嚟支持呢間香港人的茶餐廳。

之前經過幾次都好多人排隊就未去試原來真係有原因乜都大大碟 大大杯大到自問大食嘅我都食唔哂黑牛就係為咗丹麥多士而叫嘅好味😋味道都係正常茶餐廳咁牛肉較出面嘅新鮮🤤炒蛋真係超大份 又大又滑爭啲遮埋下面塊火腿而焗豬就炒飯底茄汁都唔錯 芝士可以拉絲豬扒就已經貼心地比你切好一舊舊💛而且亦好夠腍奶茶檸茶就好似茶餐廳嘅水準但就大大杯黑牛黑麵 $52 (凍飲+$3)🙆🏿‍♀️鮮茄焗豬扒飯 $66 (凍飲+$3)🙆🏿‍♀️

終於試到要排長龍既大渣哥！個飯超級足料，女仔幾乎一定食唔哂🙈蛋香再加港式豉油超級下飯🤩，忍唔住一啖接一啖黑牛黑麵呢個名物真係無得頂，真心渣哥必叫鍾意食沙嗲牛既朋友仔一定要試😽！牛肉好滑又夠濃味，食完非常滿足既茶餐跟餐既丹麥多士好香好脆，嫌唔夠大塊食完想再食哈哈

👧🏻Wodafoodie in Kowloon Bay未食過大渣哥茶記既你唔好話你係香港人！💛😍😍必試招牌黑牛黑麵🖤🍜💛收嗲鮮牛肉公仔麵配丹麥多士 火腿炒蛋🐮鮮牛肉比普通茶記較厚身 但肉質軟嫩配埋比平時較深色同濃郁又重花生味既既沙嗲簡直係一絕😋 係高質版沙嗲牛麵🥰🍞丹麥多士見其他人話好油好肥膩但我食落係好酥脆😍好香牛油味但唔膩喎！茶記邊到會有丹麥多士食呀🤤好正聽講有食客想就咁叫多份丹麥多士食添😆(無呀一定要跟餐😝)🍳炒蛋好重蛋香 炒得好滑 份量好多 食極都仲有😆黑牛黑麵係高級版常餐 大渣哥必食之選🥰.聽講佢既鮮茄焗豬扒飯都係好正☺️下次試下先！😋😋😋.📍大渣哥茶記 (九龍灣)九龍灣常悅道21號The Eastmark地舖

之前聽人地食聽得多，終於輪到我食黑牛黑麵啦！無論係咩時間，大渣哥嘅門口都一定係排緊隊，要食就要俾啲耐性等一等啦！🤣加$5轉左出前一丁，麵質更好！沙嗲味道唔錯，夠濃，仲食到粒粒嘅花生碎；牛肉大件而份量都幾足，食到最後仲有牛肉食～ 跟餐仲有炒滑蛋/煎蛋🍳、火腿🥓、多士🍞多士係丹麥吐司，外脆內鬆軟，仲有好香嘅牛油味 👍🏻

一直好想試大渣哥，但成日都好多人排隊，所以未有緣份試到。今次終於食到喇，排咗大概15分鐘就可以入去開餐！😆·餐牌上面全部都係好鬼馬嘅名，我揀咗「黑牛黑麵」，因為我唔笑就成日俾人話我黑面 🌚，個名夠哂親切感 😂·🔸 黑牛黑麵 🖤🐂🍜（$52，轉出前一丁+$5）「收嗲」鮮牛肉麵即係沙嗲牛肉麵，食茶餐廳必定要叫返碗。沙嗲味香濃，出前一丁煮得剛剛好，爽口唔會煮到腍哂！👍🏻 多士選用丹麥麵包，已經搽好牛油、脆卜卜，好出色！值得一提嘅係火腿炒蛋嘅炒蛋，口感嫩滑，趁熱食就最正！🤤 ·🔸 凍檸茶 🍋（凍飲+$3）🔸 凍奶茶 🍋（凍飲+$3）·只有真•香港人可以入去食嘢，嚟得排隊食嘢嘅客人都係「自己人」，感覺好舒服！💛 店員好有禮貌，而且會提供大雨傘俾出面排緊隊嘅客人遮陰，好窩心！下次一定會再嚟幫襯，加油！💪🏻

終於黎朝聖啦! 行完山實在太熱啦，搭咗架黃uber 去大渣哥到食個tea, 點知仲俾我地撞到渣哥同譚小環喎 😊 幾好彩。黎之前大家記住帶香港身份證呀! 咸牛肉炒蛋三文治 📍$30餡料份量都幾多，每一啖咬落去都充滿住蛋香同咸牛肉 👍🏻好夠味美帝肉醬熱狗 📍$48見到個吓已經"嘩"一聲 😍 啲肉醬鋪滿曬喺個熱狗上面，加埋啲半溶芝士，絕配呀!黑牛黑麵 📍$52即係沙嗲牛肉公仔麵，沙嗲味道幾香濃以上全部都包嘢飲架 🥤 杯奶茶沖得幾好

繼續同大家分享屬於香港人嘅茶餐廳, 渣哥有幾黃我諗都唔洗再講啦, 早幾個月終於開左茶餐廳, 我地當然要去食支持下😙😷疫情期間都唔少人排隊, 但應該少過之前, 十幾人排20分鐘左右就入得啦~ 因為肺炎關係, 除左要探熱, 應該係全港第1間食客要出示香港身份證先入得既茶記, 實在太正XD😂 (擔心私隱問題, 睇身分證背面都得) 👍🏻另外都會睇埋有無檢疫手帶先入得, 唔單止店內每檯食客會保持1.5 米距離, 就連每檯排隊人士都會保持1.5 米距離, 食都食得安心好多!👍🏻😋黎到重點野食方面, 一般茶記應該有嘅食物都齊, 我地點左招牌嘅黑牛黑麵, 係收嗲鮮牛肉公仔麵🤣, 即係沙嗲牛肉, 牛味好香濃又新鮮, 個麵煮得啱啱好唔會過腍👍🏻配埋鬆脆嘅丹麥多士, 仲有淡淡奶油香👍🏻 炒蛋好滑身仲送埋熱飲, 抵食呀! 🤩😋蔥油雞扒煎蛋飯, 雞扒勁大塊🤤, 絕對唔係普通雪藏貨識, 肉質鮮嫰, 蔥油味好香, 加埋甜豉油好夾, 但個飯就有d硬, 不完美要改善~總括而言, 佢水準係高過一般茶記, 但又未去到好有驚喜超正, 仲有好多其他食物加上黃到發金都值得再回顧~💪🏻💪🏻

見到OpenRice 咁多人有負評，為咗求真相，決定今日衝去試試。這段非常疫情期間，為咗確保每個食客都可以安心用餐，入去茶餐廳之前，店員都會先探食客體溫，同時要檢查確保係「真」香港人先入得去。今日本人好好彩，沒有像傳聞中要排長龍，人流唔算多，唔洗排隊就可以順利安排入座。我叫左份最出名嘅黑牛黑麵餐，即是沙嗲牛肉麵。炒蛋夠滑唔會好多油，沙嗲牛肉麵沙嗲醬夠濃，牛肉又唔乾唔韌，凍檸茶又夠大杯，少冰就係真少冰，絕無投訴。