Texas Burger (已結業)

朗豪坊頂層可以話係成日約朋友去chill的好地方，因為環境舒適之餘，食物價錢都幾合理。和朋友想吃得簡簡單單，就去了這間充滿外國風味的burger店，仲可以用消費券俾錢！🍔水牛城香辣炸雞芝士漢堡入面的水牛醬香得來不會好辣，雞肉炸得脆香之餘肉質嫩滑，還有熱融芝士，食落去好滿足。🌮墨西哥芝士夾餅可以點2款唔同的款式，點了軟殼蟹和脆魚柳配脆皮taco，taco外皮好脆，而2款餡料都幾好味，魚肉嫩滑厚香，軟殼蟹原隻上，味道不錯。特別喜歡taco上的綠色辣醬，有層層椒香之餘，不會太刺激，還配搭了芝士粒和生菜，口感豐富。黑牛可以話幾時都同burger 咁match😜😜下次再來chill過～

又到旺角，沿住朗豪坊中庭兩條長電梯，左手邊就見到Texas Burger，Texas Burger算係我喺香港食咁多漢堡嚟講算係最出色，環境因為限聚令而有好多膠板頂住視線。入返正題，今次叫咗藍芝士漢堡套餐配飲黑牛。.藍芝士漢堡評分：🌟🌟🌟🌟🌟一個字：出色。成個漢堡又高又大，放棄咗用手而用刀叉進食。(懶係嘢)佢啲藍芝士係幾香而且幾好味，另外，佢哋嘅漢堡肉都幾厚，而且煎得Juicy亦唔會太熟，啲肉唔會太乾太嚡。.薯條評分：🌟🌟🌟合格分數嘅薯條，薯條唔太熱，唔太脆同唔太厚肉。.酸瓜評分：🌟🌟🌟傳統美式，有舊酸瓜咬，但可能唔係浸太耐，冇乜酸味，喺咁濃味嘅食物唔太突出。.黑牛評分：🌟🌟🌟🌟🌟首先黑牛唔係度度有得飲，牛奶雪糕配可樂，雪糕裏面嘅成份可以增加可樂裏面嘅二氧化碳，而致有好多汽，所以飲黑牛好爽。

難得表弟喺加拿大返嚟，當然想搵個好地方同佢chill一chill。Texas burger 位於朗豪坊12樓，旁邊就係商場嘅落地玻璃，所以整個環境非常開揚，隔離仲有live Band表演，臨近聖誕節可謂充滿氣氛。我叫左軟殼蟹牛油果牛肉漢堡，漢堡包非常軟熟，中間有半個牛油果，中和返炸軟殼蟹嘅油膩。軟殼蟹本身亦炸得香脆。我表弟近呢一年轉左做素食者，所以比較難搵適合佢同我嘅餐廳。不過texas burger 有兩款素burger，今次表弟叫左未來素食牛肉漢堡，表弟切左少少素牛肉比我試下，學成龍話齋：「一開始我是拒絕的，你不能叫我吃，我就馬上吃。」，但食落先發覺佢嘅質感、味道，賣相同真牛肉極為相似，而且冇咗一般牛肉嘅肥膩感，食落唔會好油膩，但又唔會太乾。表弟表示非常滿意。另外，我同表弟一樣加咗$$套餐，有薯條飲品同酸青瓜。表弟叫咗可樂，而我就叫咗黑牛，即係雪糕加可樂。以前喺麥記成日飲，而家飲返非常懷念。當然texas burger用既雪糕更加creamy，更加涼透心。薯條係我最鍾意嘅厚切薯條，亦係少數快餐店能夠做到外層酥脆，內部綿密柔軟。自己身邊都有兩三個食素嘅朋友，下次一於帶佢哋過嚟食。