Outback Steakhouse (MOKO新世紀廣場)

营业中

休息中

Outback Steakhouse，位於旺角太子道西193號MOKO新世紀廣場6樓605號舖。 店內的座位比較窄， 都已經有一段時間沒有到outback用餐， 今次點了一個匯豐套餐，已包括有黑糖麵包、 沙律、餐湯、 海鮮肉醬意粉、 雜扒拼盤、 燒雞肉芝士夾餅， 另外點了 飲品有椰子士多啤梨沙冰和凍檸檬茶。 🔸黑糖麵包 ～ 記得以前好喜歡吃outback的黑糖麵包， 味道依然跟以前一樣， 口感軟熟，配上牛油特別好味。 🔸沙律 ～ 沙律好新鮮， 份量多。 🔸餐湯 ～ 餐湯熱辣辣，非常濃郁， 配上黑糖麵包很滋味。 🔸海鮮肉醬意粉 ～ 有大量海鮮，蝦肉爽口新鮮， 意粉質感軟硬適中。 🔸雜扒拼盤 ～ 有腸仔、牛扒、豬扒、羊架和炸雞， 非常適合食肉獸。 🔸燒雞肉芝士夾餅 ～ 餡餅有滿滿的燒雞肉， 芝士流心， 很惹味。 🔸椰子士多啤梨沙冰 ～ 椰子味重帶有士多啤梨的香甜味，好好飲。 🔸凍檸檬茶 ～ 凍檸茶正常發揮。 整體味道不錯， 套餐都幾抵食😊。🏷️溫馨提示～ 整個用餐體驗均屬個人分享意見， 只作參考😊。

因為工作關係，出咗旺角，又就到聖誕，就同屋企人去 Outback 提前食返個聖誕午餐預祝下。可能因為 late lunch，唔洗等，一去到馬上可以入座 😬。 座底無耐就馬上點餐，無耐就有我地嘅最愛 - 黑糖麵包，熱辣辣都送上 ，馬上將佢一分為三，兩三啖就搞掂 ，之後跟口要求要多條 ，真係好正 無耐，主菜出現，有五成熟牛柳，豬仔骨 and crab cake salad，好豐富嘅聖誕午餐 一如既往，牛柳嘅生熟控制得幾好，如果有埋 A1 sauce 就真係 prefect 啦～ ；豬仔骨好淋，好入味，正 ；Crab cake salad 其實都整得好好，但同牛柳 and 豬仔骨比較係會輸蝕少少Merry Christmas and Happy New Year~

星期六夜晚去到OUTBACK門口見到好多人等位, 太肚餓既關係所以決定叫外賣! 外賣價錢比堂食平好多, 每個外賣均配是日餐湯&黑糖麵包, 會員仲有額外優惠添! 落完單等15分鐘左右就拎得, 非常快手澳坊芝士漢堡 $78Burger都幾大個, 麵包偏硬身, 質感厚實! 中間塊牛肉漢堡超大件, 好有牛味又厚又Juicy! 中間配菜有生菜 + 洋蔥碎, 夾埋芥末醬食一流!! 食左佢勁滿足~~ 跟餐仲有薯條, 粗薯條既口感係唔同d 烤美國帶子煙肉白汁燴飯 $98帶子有三大粒，用煙肉包住增添口感，帶子煎到好香口，食落有牛油香，好彈牙勁好食！白汁燴飯味道都好濃郁，好重忌廉味！有青豆同蘿蔔粒，飯既份量唔算好多，但因為係忌廉關係，食完都有啲滯。是日餐湯 : 粟米忌廉湯好creamy，好多粟米粒，好好飲黑糖麵包外賣都原條奉上，麵包好軟熟，好香黑糖味，配埋忌廉牛油食冇得輸，不知不覺食哂成條

今晚終於食到了我期待已久隔咗幾個月的生日飯了， 經過一輪篩選最終揀咗旺角新世紀的outback， 貪佢食物份量夠，坐得舒服冇限時。朋友推介了匯豐信用卡的一至四的優惠，叫咗兩個特價set， 貪佢唔使諗咁多，乜都有啲。一個set包咗餐湯、黑糖麵包、公司沙律和主菜， 而嘢飲同甜品要另外加錢。黑糖麵包一如以往的好味， 公司沙律都好新鮮。美國穀飼斧頭豬扒足18安士，份量十足， 肉質都可以不過略嫌煮得太熟，有啲韌。燒肉醬味豬肋骨拼燒雞半隻豬肋骨都好大份，肉質幾淋，但醬汁味道咸了一點點，蓋過了豬肋骨的味道。 燒雞就不過不失。 要讚吓的是個薯條，炸得好鬆化，好好味熱辣辣。帶子煙肉白汁燴飯煙肉捲住啲帶子， 把煙肉的油香滲在帶子內但又唔覺得油膩， 這個配搭得唔錯，白汁燴飯烹調得味道剛剛好。香草蕃茄海鮮意粉海鮮配料分量都唔少，感覺新鮮， 整體味道不錯。

Outback係我認為一直保持水準既西餐廳，食物質素唔錯款式又多，環境舒適。黑糖麵包👍🏻👍🏻👍🏻👍🏻👍🏻當你點餐後，店員會隨餐附送黑糖麵包，我認為Outback既黑糖麵包十分出色麵包帶點微熱 切落去麵包很鬆軟 黑糖味濃郁， 配上奶油食夠晒香甜  每次都忍唔住再X加 真係超級正洋蔥花洋蔥花真係好大個 好適合呃like👍🏻炸得香脆 粉唔會過厚  味道唔錯 可能得我地2個人食，當食得耐會覺得有少少膩香草蕃茄海鮮意粉食完洋蔥花要食d開胃既食物解膩，我地選擇了香草蕃茄海鮮意粉Outback自家製番茄醬甜甜酸酸可以開胃😋配搭不同海鮮：蝦、青口、帶子及魚肉蝦係用蒜蓉炒，彈牙爽口再加上巴馬臣芝士同香脆既蒜蓉包，美味可口!推介

其實outback已經食過奶多次，以前覺得旺角呢間最好食，不過真係越嚟越差！2個人20:30去到，冇咩人，唔駛等位就入得！黑糖麵包 - 一坐低，餐牌都未睇，有個侍應哥哥就已經拎咗呢個黑糖麵包過嚟俾我哋食，講真其實每次食呢間餐廳都係因為佢呢個麵包美國精選肉眼牛扒 - 叫咗五成熟，其實已經唔係鐵板上，嚟到嘅時候，切開都差唔多熟晒！好失望！芝士白汁燒蝦闊面 - 啲面上枱嘅時候已經凍左，上面啲芝士，一嚿嚿硬晒，白汁好少，好難食！燒雞肉凱撒沙律 - 最食得落口嘅已經係呢個沙律，普通嘅凱撒沙律汁，雞肉好硬！餐湯 - 難飲，唔熱！總括，我唔會再嚟！

心血來潮平安夜快閃食個very late tea/very early dinner，85分鐘還枱，完全不用等位，點了個$590二人餐。首先二人分一個黑糖麵包，麵包鬆軟，黑糖味濃，配上較輕身的牛油。以餐包來說很不錯。接著來了個磨菇湯，真是不喝也罷。很稀，除了很多黑椒味基本沒什麼味道，粟米還是一整粒，究竟有沒有煲過？像是將材料撈在一起就拿出來。然後來了一個青口，吃到一半才記得拍照，其實原本要比照片多一倍。但反正空殼比較多，加上青口本身品種肉比較小，所以其實沒什麼可吃。又是另一道嚐不出味道，只吃到辣。食到這個時候其實嬲嬲地，覺得有點受騙。這是卻送上燒肉醬味豬肋骨拼烤雞，乃美式家庭餐廳經典菜，其實都算好難煮得難食。果然吃下去覺得兩款肉都肉汁飽滿，質地軟稔。最後來一碟烤美國帶子白汁燴飯，薄煙肉裹著帶子來烤，雖算不上什麼創新技巧，但確實香口好吃。米飯調味也很好，不太乾不太濕，與小蕃茄味道很配。上面有薄薄幾片將溶未溶的芝士（是真芝士，不是processed cheese），大滿足！😋後面兩樣好好味，叫做值回票價，所以我可以忘記之前兩樣唔好味，當作收到一些不合心意的贈品。

Outback既黑糖麵包一直都係出名好食經過旺角心癮起又去食先一坐底點左餐之後 就上左板麵包好好食 食到相都唔記得影緊住到主菜我叫左當時餐牌既限定肉眼扒個汁好好食 出奇地同個肉好夾個沙律都好好食而另一個餐既肉就ok 汁都ok 薯條就普通啦為左黑糖麵包 我會繼續支持outback haha

來到MOKO逛街Shopping前先來吃OUTBACK 中午有套餐可以選擇除了主菜之外還附贈麵包 飲品 沙拉 🥗濃湯先來看看菜單相當多套餐可選接著來看看菜色沙律及濃湯新鮮蔬菜配上蔬菜濃湯再黑糖麵包一起吃非常享受呢燒加拿大有骨黑毛豬扒超大塊的戰斧豬扒 煎得外酥內嫩的切開肉是粉紅色的 一口咬下超多汁底下還鋪有香料飯 十足的飽足感芝士白汁燒雞肉雜菜寬麵粗的麵條以及雞肉片跟濃郁的白相搭配雞肉略為乾硬但整體還是很不錯總體而言環境舒適 食物好食特別是Lunch Set非常划算推薦給大家

Outback lunch set 確實幾抵lunch set包沙律和餐湯不過最重要 當然是無限refill的黑糖麵包黑糖麵包熱騰騰 外脆內軟 入口甜甜的 配上鮮牛油 多吃幾條也不厭燒肉醬味豬肋骨豬肋骨頗淋 燒汁香濃入味 肉質一點也不乾薯條 粗粗的 炸得外脆內軟 濃薯味燒肉醫味烤雞肉質尚算嫰滑 最正的都是燒得脆脆的雞皮底下的炒飯濕潤 但味道較淡澳坊芝士漢堡漢堡的麵包鬆軟 漢堡扒煎得略嫌有點乾 不夠肉汁芝士大大片的整體不夠醬汁肉汁 不夠濕潤 有點乾 但新鮮炸的薯條同樣岀色

由於已經有一段時間無同好朋友見面，所以我們就約咗去旺角新世紀廣場嘅「Outback Steakhouse」一齊食午飯！一坐低嗰陣店員就攞咗我們最鍾意嘅黑糖麵包畀我們，包質相當香甜軟熟，而且係微微熱兼且散發著芳香嘅黑糖味，最好就係真係可以任食！我們叫咗燒鷄肉芝士夾餅嘅夾餅質感好煙韌薄身，中間夾著嘅餡料好足料豐富，鷄肉嘅肉質都幾鬆軟，芝士亦好香濃，但就略嫌烤得比較燶，所以食落有啲苦澀嘅味道！燒盲槽魚柳嘅魚皮煎得好香脆，肉質非常鮮嫩滑溜，而且都幾大條！燒加拿大黑毛豬扒亦都係燒得有啲過燶，除咗味道苦澀之外，賣相亦都「麻麻地」，但肉質都算鬆化軟滑！而跟餐配嘅餐湯係香草忌廉湯，味道好香滑濃郁，而且濃稠度亦都恰到好處！

黑糖麵包人人愛，微暖散發着餘香，外脆內軟，淺淺的甜令人甚有幸福感❤餐湯是洋蔥忌廉湯，面頭放着幾絲芝士使味道更濃郁，這個湯稠度又很高，說它是忌廉糊也不為過，這個質感配上它本身的濃味令整體味道有一點過膩，個人覺得保持味道不變，但稠度減低一些會更可口，現在只能算是合格。沙拉只是普通的生菜，尚算新鮮，但我很愛這個沙拉醬的味道，帶有微微的咸味，質感較稀薄像牛奶。洋蔥忌廉湯真的很稠，把湯作為醬汁沾在麵包上吃也可行。蕃茄肉醬意粉份量頗大，肉醬給很多，前面又吃了麵包、湯及沙拉，根本吃不完。意粉雖然是主菜，但卻是最不滿意的，首先意粉不熱，送上來的時候只到暖，把前菜吃完已經冷下來。其次意粉嚼勁差，雖然還不到軟乎乎，但是經不起咀嚼，一盤又冷又沒嚼頭的意粉絕對不合格。套餐加$30可把飲料改為12oz Draft Beer 1664 Blanc若果不把飲料改為啤酒，這個套餐只需$88，提供沙拉、湯、麵包、意粉及飲料，份量相對價錢超值。除了意粉不合格，其他都達標，而且意粉還沒差到吃不下，所以整體來說合格，但確實不會再點意粉，下一次會嚐試其他套餐。

高質呀無諗過等位期間會有店員走出黎派野飲，等一陣就已經有枱重要係窗邊位！Order左無幾耐就有經典既暖笠笠黑糖麵包送上，加埋cream cheese，真係好好味！食完職員重好細心問要唔要多個，好窩心今次我點左個炸蘑菇，叫左個粉，sirloin steak同埋朱古力餅，兩個人食好飽🙈炸蘑菇ok啦，唔乾好juicy既，但咁多粒食到後來覺得好油，建議三四個人share會更好番茄湯我覺得好味！裡面重有一粒粒新鮮番茄添黎到重點勒！嗌左12oz 既sirloin steak無記錯好似二百幾蚊但可以簡兩個side dish同有湯或沙律送埋！抵食過散嗌幾樣野然後牛嗌左五成，岩岩好！juicy到唔駛點汁,我個人覺得呢個好食過上次食既eye rib添😆Side order我都幾推薦甜薯架，上次食完後悔今次無嗌🙈個粉無影相，都係咁，正路最後黎到甜品朱古力軟餅！嘩呢個不得了，實物比相大份而且好好食！朱古力軟餅底有nuts，有咬口唔會一味得個漏字中意食Brownie類甜品既應該都會中意呢個😆食完真係好滿足！呢度服務都好好，雖然好多客但見佢地做野好有效率而且職員夠多唔會嗌極無人睇到，keep住有人加水，上菜時間都

由於今日中午約咗個好朋友見面，同埋我們都鍾意食西餐，所以我們約咗去旺角新世紀廣場嘅「Outback Steakhouse」食中午飯！一坐低嗰陣我們仲未點餐，店員就送咗一條黑糖麵包，好朋友話呢款麵包係佢每次嚟都必食㗎，因溫度係微熱，包質非常鬆軟同有淡淡香甜嘅黑糖味，再搽上他們自家製嘅牛油，令到味道更加芳香！我們叫咗3個Lunch Set，香草蕃茄海鮮長通粉嘅長通粉好煙煙韌韌，蝦肉好彈牙，而且仲有兩塊香脆嘅蒜蓉包，真係好惹味！烤三文魚扒喺落單嗰單店員問我們想要幾成熟？我們話要7成熟，三文魚扒嘅外層烤得好香脆，而入面嘅肉質就相當嫩滑！西冷牛扒配香草油醋店員亦都喺落單嗰單問我們想要幾成熟？我們都係話要7成熟，但出嚟嘅效果就果就係9成熟差唔多去到全熟，所以肉質就比較硬實，但擺設賣相就幾色彩繽紛吸引！跟餐嘅餐湯係粟米湯，味道好香甜濃郁，而且濃稠度亦調教得恰到好處，唔會過稠或過稀！除咗餐湯之外，仲有沙律，沙律菜相當清甜新鮮同清洗得好乾淨衛生！

新世紀outback開業好一段時間，終於可以試下，每次想食，朋友都偏愛尖東果間，所以遲遲未食到新世紀依間分店😂今晚點左一個牛扒餐，跟餐湯，沙律，小食，再點一個三文魚扒超豐富！！！必食黑糖包，熱辣辣，黑糖味十足，配埋個牛油，真的好好吃，我們兩個人食左兩條就知朋友話主力係食包*重點：包係免費*牛扒餐，5成熟，牛肉烤得剛好，切下來粉嫩的，但又不會有血汁滴出黎，好食！ 餐湯是青瓜湯，不過不失跟餐沙律，迷你凱撒沙律，份量一啲都唔係迷你，都幾大碟，兩個人剛好👍跟餐小食，楓糖南瓜，好甜，可能加埋糖霜，完全食唔到南瓜的甜味，有啲啲失望三文魚扒，驚喜位係配飯，因為開始吃飽了，見到飯有啲感覺吃不下（不是投訴位，不要誤會啦😂）講番三文魚，我要全熟嘅，但上碟9成熟，不過都好嫩滑，扒又厚身，好好食飲品有happy hour，點了一杯long island蘋果汁有一點小，幸好叫佢走冰，如果唔係份量應該仲小😂😂