+Bread Bakery

营业中

休息中

太子有間開左無耐既麵包店，雖然店內空間唔太大，但都有多達四十款，滿心歡喜揀左一大堆🥯返到屋企心血來潮，攞部N年無用既單反出黎影，點知全部相144p咁，仲衰過部iPhone，望住呢輯相真係欲哭無淚🤡▪ 黑芝麻大滿足吐司（8/10）️💲68吐司都幾軟熟，佈滿超多黑芝麻蓉，氣味甘香濃郁，食落會沙沙地，真係好足料大滿足，唯獨定價相對高啲🫣▪ 核桃肉桂卷（7.5/10）️💲32肉桂既香氣撲鼻，入口係偏溫和唔辛辣嗰種，核桃粒份量非常多，口感好豐富😳▪ 海鹽花生醬酸奶包（7.5/10）️💲28頂部有海鹽同脆花生粒，鹹甜兼備，間層有花生醬，但就無我預期中咁重酸奶味，分開幾次食會無咁膩🥜▪ Earl Grey Pear Muffin (Vegan)（7/10）️💲30 個鬆餅都幾大個，有返咁上下重量😂面頭有塊果乾，質感偏向濕潤，唔會係我怕既乾硬，有陣陣伯爵茶既清幽，中間仲有啲梨既果肉粒，整體甜度略高🤏🏻▪ 80% Dark Chocolate Muffin (Vegan)（8/10）️💲44 呢款頗有驚喜，係有海鹽同埋朱古力粒，鬆餅既可可味重得黎，又唔會話係苦澀🍫🔎 整體評分（7.5/10）

太子新開咗間麵包店叫 +Bread Bakery，太子站 B2 出口一出就係喇。有咩咁特別要介紹呢？因為佢哋嘅麵包雖然唔係只得素食，但都有唔少 vegan 嘅選擇喎。🌱☺️一入鋪頭就會見到擺滿 muffin 嘅櫥窗，vegan 嘅款式有 blueberry $28，earl grey pear $30，80% black chocolate $48，green tea matcha $48。🤩Bagel 方面呢，佢哋嘅 NYC bagels 都係 vegan 嘅，款式有原味貝果同全家福貝果。呢個系列係冇落糖同油嘅，儲存要放响冰箱，蒸返熱先好食呀。♨️另外佢哋嘅 sourdoughs 都係 vegan，但係剩係星期三先供應，所以我就未試到喇。😂今次買咗幾款佢哋嘅特色麵包試吓：🧁 Green tea matcha muffin, 80% black chocolate muffin（各 $48）兩款都唔會太甜又唔油膩，抹茶味突出而鬆餅又清甜。我最鍾意黑朱古力味，朱古力味濃郁得嚟又唔苦，平衡得好好。鍾意食朱古力嘅朋友要試試。👍🥯 全家福貝果 $22，玫瑰益力多鹼水貝果 $36全家福貝果同真漢子一

🇭🇰+bread bakery & studio·黑芝麻大滿足吐司$68呢個就係一開始吸引我哋嘅吐司🤤佢呢一個吐司整得幾好食 佢入邊係真係超多芝麻醬 芝麻味好濃🍞而且佢麵包個質感都好好 我哋第二朝焗返熱做早餐都仲係超級好食☀️·抹茶麻薯麵包$32 l 海鹽花生醬酸奶包$28 l 鹼水結$12 l 康蔓越莓司康$28之後佢新店開張嘅時候麵包係有買三送一嘅優惠 所以我哋就揀咗幾款嚟試吓😎我自己覺得佢個抹茶麻糬麵包都幾有驚喜 佢個麻糬係真係第二日食都仲係超級煙韌 而且舊麻糬超大舊🤤🤤佢個麵包本體抹茶味都好出 而且中間仲有一層抹茶奶酥 食落多一層口感🍵之後個花生醬酸奶包都幾唔錯 佢個形狀好靚 而且食落真係幾多花生醬🥜之後個鹼水結我自己都幾鍾意 幾適合下午茶食🥨最後個scone我自己就覺得相對上冇其他咁特別 但係佢呢一個入面都有好多莓乾 所以食落口感唔錯😌·#rbyeat#rbybakery#rby太子·📍太子道西157號別樹華軒地下10號舖

🍞黑芝麻大滿足吐司 吐司無論外表內𥚃都充滿着滿滿嘅黑芝麻，食落去有啲黑芝麻醬嘅味道，間中就會識到少甜少甜咁，麵包本身鬆軟，都幾好食😋🥨四川香辣鹼水結小編都係第一次食辣味嘅麵包。鹼水結外面沾滿四川嘅辣汁，外面有少少辣，內裡有好濃嘅小麥味道。呢個真係好特別，而且小編未喺其他地方見到有，所以大家都值得試下🥧芝士香蔥司康配抹醬英式嘅scone 嘅質地，未入口已經聞到濃郁嘅香蔥味，食落去香蔥嘅味道可以話係爆發，配埋個抹醬，令到scone嘅口感加添左一層滑溜同creamy，啱晒鍾意食香蔥嘅朋友。🍰開心果盒子蛋糕入口唔算有好濃嘅開心果味，反而有一種好香嘅芝士味，蛋糕質地鬆軟，有啲開心果碎碎增添口感，小編食完都覺得有啲唔夠喉😆開心果迷都可以試吓佢！🥯抹茶麻薯面包面包外面乾乾爽爽，抹茶嘅味道好出，坊間好多抹茶嘅成品都抹除唔到抹茶嗰種獨特嘅苦澀味，呢個就冇。基本可以話做到足，而且抹茶🍵味道香濃，配埋中間嘅麻薯加左啲煙韌嘅口感，小編平時唔特別喜歡抹茶都覺得呢個唔錯。如果喜歡抹茶嘅朋友應該會好鍾意😊