高橋沾麵製作所 (已結業)

今日同朋友去左奧海城睇戲，睇完戲，朋友話肚餓，咁當然去大食代覓食啦，大把選擇。我地行過頭兩三間，見到「高橋沾麵製作所」，個名令我聯想到我好中意睇既頭文字D入面既「高橋涼介」，於是就咁俾吸引左決定食呢間。「高橋」既位置好容易搵到，一入去行兩三間鋪位就見到門面擺滿好多食物既模型，睇落已經好吸引。雖然係大食代入面，但啲座位一啲都唔逼，坐得舒服。我叫左個「廣島蠔赤海老沾麵」，熱辣辣既石頭鍋，沙沙聲，正係聞到個味道已經洗晒口水，夾起啲麵沾入石鍋，好香海老味，濃湯既味道咸度恰到好處，果兩舊廣島蠔份量好大隻，又炸得好香脆。朋友就選擇食拉麵，叫左個「黑蒜豚骨叉燒拉麵」，果個豬骨湯底熬到好濃郁，亦唔會好咸，味道適中，日式叉燒燒得好香口，份量又多，抵食👍🏻

到奧海城二期， 剛好午飯時間， 就到大食代搵食。 見到有間日本拉麵 ～ 高橋沾麵製作所， 位於大食代5號舖。 我就點了極上3L廣島蠔龍蝦沾麵$80、 黑蒜豚肉叉燒拉麵$54。 ▫️極上3L廣島蠔龍蝦沾麵🍝 🦪～ 沾麵的湯底熱辣辣很濃郁， 湯裏面有龍蝦肉，配上Q彈的沾麵，美味！ 廣島蠔炸得酥香美味又肥美， 仲好大隻㖭！ ▫️黑蒜豚肉叉燒拉麵🍜 ～ 湯底香噴噴的香蒜味， 豚肉叉燒肥瘦適中， 口感軟腍， 流心蛋入口滑溜， 拉麵掛湯。 整體價錢相宜， 可以一試。    高橋沾麵製作所地址: 大角咀海庭道18號奧海城2期1樓大食代5號舖